Juan 4:38 - La'aqtaqa Ñim Lo'onatac 'Enauacna 2013

³⁸ Aỹem qami' sama'q, da yaqto' qanqache na ala na nañiguishec maye saishet co'ollaxa da qanque'etaxañi da qaỹa'añiitapiguiñi. Qaq ỹaqa'a co'ollaxa som do'onataxaatacpi, qaq qami' choche qauacoñiitelec dam lo'onataxanaxac somayepi co'ollaxa.

Nuevo Testamento Toba Sur

³⁸ Aÿim qami' sama'q, da yaqto' qanqachi na ala na nanguishic mayi sa ishit co'ollaxa da qanque'etaxañiitapigui da qai'añiitapiguiñi. Qaq ÿaqa'a co'ollaxa som do'onataxaatacpi, qaq qami' chochi qauacoñiitelec dam l'onataxanaxac somayipi co'ollaxa.

Nuevo Testamento Toba Sombrero Negro

³⁸ Qama'le da'me jayem ami jamaĝalo'te da'me anapoqui ga'me jalayaĝac jo'ne ja at'onataqui; 'lonata'j jaa'me jiyaĝa'u laqaya' jo'ne joote eque', qama'le da'me ami adiyamaqae'tec jenjo' 'lonata'j jaa'me.

Juan 4:38 Referans Kwoze

Juan 1:7

Qaq somaye anac, da yaqto' ỹa'axatem na shiỹaxauapi de'era, yaqto' 'enauac na shiỹaxauapi ishet da ỹa'amaqten de'era yo'oqchiguiñi.

2 Crónicas 36:15

Qaq Ñim Nataxala', maye Natamnaxala' som hua'au lta'alpi, ỹataqta ñe'eguelaxatta'a co'ollaxa da lvitaqtaxanaxac ỹachegoxotchigui som la'aqtaxanaxanecpi, cha'aye huo'o da lchoxonnataxanaxa som lalamaxat nhuo' le'ecpi, qataq som 'alhua maye netalec somayepi.

Hechos 6:7

Nache da la'aqtac Ñim Lo'onatac 'Enauacna ỹataqta nquictasheguem. Qataq ye lcata na da'amqaanataxan ye Jerusalén ỹataqta nquictauec, ivira'a da qalota na ỹa'amaqten So Jesús nam ntaxaỹaxanaxanecpi da qaitaxaỹapegue' Ñim Lo'onatac 'Enauacna maye judiopi.

Hechos 5:14

Qaq ima'ape naua na'axa'te da nquictauec ye lcata na ỹa'amaqten So Jesús, ỹalleppi qataq na 'alpi.

Hechos 4:4

Qalaxaye ỹataqta qalota na shiỹaxauapi nam na'axaỹaxaatega se'eso na'aqtaxanaxac na da'amqaanataxan. Qaq yem lcata so dalaxaic da'amqaanataxan ivi' ye cinco mil shiỹaxauapi.

Hechos 4:32

'Enauac so shiỹaxauapi maye ỹa'amaqten So Jesús, somayepi ỹataqta 'enauac da 'oonolec da qananomteguet nhuennataxac. Qaica da huo'otaq huo'o ca 'eetega da maiche lalamaxat cam hueto'ot.

Hechos 2:41

Huaña, nache nam ỹalaxaguet da la'aqtaxanaxac so Pedro, nache qanachelaxan. Nache se'eso na'a'q nquiguec nam ỹa'amaqten So Jesús, qaq ivi' ye tres mil so shiỹaxauapi maye ỹa'amaqten da la'aqtaxanaxac somaye.

Mateo 4:23

Nache So Jesús coleetapeguelec 'enauac ye Galilea da dapaxaguenataxaatapoigui ana napaxaguenaxaquipi na judiopi yi'iye 'alhua, ỹa'axattac da no'on na'axaỹaxac maye ỹa'axat da Ñim Lo'onatac 'Enauacna ilo'ogue 'enauacna, qataq natareetac 'enauac na ỹotta'a't lalolaxa na shiỹaxauapi.

Jeremías 44:4

Qaq ỹataqta she'eguelaqtalec da samaq naxa som ỹamaxashecpi maye ỹa'aqtaxanaxanecpi da yaqto' qami' 'enapegalo da saishet da qauo'oche de'era maye seqaiga.

Juan 4:37

Cha'aye ỹataqta 'eesa de'era 'enapec da na'aqtac naxa maye 'eeta': «Huo'o cam danaxaatac, qataq huo'o ca deqataxaatac.»

Juan 4:39

Qaq ỹataqta qalota nam lma' yi'iye nỹecpiolec maye huaigui ye 'alhua Samaria nam ỹa'amaqten So Jesús, souaxat de'era la'aqtaxanaxac asa'aso 'alo co'ollaq 'eeta': «Ỹa'axataua'a 'enauac nam so'otpi co'ollaxa.»

Juan 17:18

Qaq de'era 'eetec da Aỹem 'anamaxa na huetalec ana 'alhua, qaq nachera da sheetec nataqa'en da Aỹem samaxa naamaye nam huetalec ana 'alhua.

2 Corintios 10:15

Qataq saishet da ñepa'axanapeguelec ca lo'onatac ca lỹa shiỹaxaua da huo'otaq se'enaxatteguem ca maiche ỹalamaxat. Nachaqrata da aỹem ñaquitta'a da nquic da qarpi'iỹaxaqui Ñim Lo'onatac 'Enauacna, yaqto' aỹem ishet da nquictec da ỹo'onataxanaxac da qoñiita. 'Era da sauotaique da seviraxata'a da ỹo'onataxanaxac.