Juan 4:36 - La'aqtaqa Ñim Lo'onatac 'Enauacna 2013

³⁶ Qaq cam deqataxaatac, camaye ỹaconeguet ca nsheetenaguec. Qaq nam ala na nañiguishec maye nqattac namaye naigui ca nca'alaxa maye chochaq tatec. Yaqto' cam danaxaatac qataq cam deqataxaatac ishet da 'eeta'a't da ntootapigui'salo.

Nuevo Testamento Toba Sur

³⁶ Qaq cam daqataxaatac, camayi ÿaconguet ca nshiitenaguec. Qaq nam ala na nanguishic mayi nqattac, namayi naigui ca nca'alaxa mayi chochaq tateec, yaqto' cam danaxaatac qataq cam daqataxaatac ishit da 'eeta'a't da ntootapigui'salo.

Nuevo Testamento Toba Sombrero Negro

³⁶ Jogaa'me jo'ne dapogaĝa'n yacoteguet da'me nejetenague'j, qama'le ga'me lapogue'j 'me yapotena't nach'egaua ga'me jiyaĝadipi jo'ne 'uo da'me 'loyaĝa'j jo'ne ja 'naidena'a, qaedi gaa'me jo'ne danaĝa'n nataq'aen gaa'me jo'ne dapogaĝa'n nalo'ta't da'me made'tapolqa.

Juan 4:36 Referans Kwoze

Romanos 1:13

Qami' ỹaqaỹa't, sauotaique da qami' qauaỹaañita da aỹem ỹataqta qalota da ñeshetaique da qami' ñeqo'onalo da yaqto' qami' ñauaneto, qami' maye qoviita'a na Roma. Qalaxaye sa qoue naxa na danaqtaxan. Huo'o da lta'araic iyaxa da qami' ñeqo'onalo da yaqto' sa'axat da no'on na'axaỹaxac, 'eeta'am da sheetec naua lỹa't 'aleu' yaqto' nquiguec na ỹa'amaqten So Jesús.

Romanos 6:22

Qalaxaye nagui mashe saishet da qami' l-lataqa da ñe'etaxaloxo. Nagui mashe qauo'onataxañiitacot Ñim Lo'onatac 'Enauacna. Qaq damaye ỹataqta 'onaxaic, cha'aye da 'oonolec Ñim Lo'onatac 'Enauacna da qauo'onataxañiitacot, nache ỹataqta 'itchiguiñi da qauacoñiiguet ca achaalataxac maye chochaq tatec.

Daniel 12:3

Cam shiỹaxauapi maye ỹaanaxanaxaicpi, cam qalota co'ollaxa ca quegue naqa'en ca no'on nqa'aic, camayepi qashelectapiguiñi qome 'eeta'am na piguem, chochaq tatec qome da qashelectapiguiñi 'eeta'am ana huaqaañipi.

Proverbios 11:30

Da ỹaỹamaqchiguiñi lataxac chegaqaigui da achaalataxac, qaq da loquiaxac qalaq ilaxachigui da achaalataxac.

1 Timoteo 4:16

Qataq 'am Timoteo, ỹataqta 'antela'a da 'arataxac, qataq 'alotegue da 'arapaxaguenataxanaxac. Ỹataqta qoqueto'ot de'era sheetega, cha'aye da 'auo'ot damaye, nache ỹataqta 'avira'aguet da 'am qanca'alaxatec qataq 'enauac na 'am na'axaỹaxaatega.

1 Ts 2:19

Huo'o da qaryaxa da qami' ñauanaxato, cha'aye So Qarataxala' qom ñe'eguelaq, nache qomi' iỹaxanoto qome da sanaxaua'a da qaro'onataxanaxac, nache qomi' qome huo'o da qana'amqaanaxac, qataq da qantonaxac souaxat da qaro'onataxanaxac da qoñiita.

Proverbios 11:18

Ca qauemaic ỹaconeguet ca nsheetenaguec maye saq'en, qaq ca ỹaỹamaqchiguiñi ca lo'onataxanaxac camaye ỹoqta 'eesa ca nsheetenaguec.

Mateo 19:29

Nache 'enauac nam no'onaxatchigui na lma'pi, huo'otaq ca lqaỹañecpi ỹalleppi qataq 'alpi, huo'otaq lta'a qataq aca late'e, huo'otaq lhua qataq ca llalaqpi huo'otaq na na'alhuapi, souaxat Aỹem, nache camaye ivi' qome ca cien nam qoỹami'pi. Nataqa'en qoỹami' dam nca'alaxa maye chochaq tatec.

Juan 3:36

Qaq cam ỹa'amaqten na Ñalec, nache camaye huo'o da lca'alaxa chochaq tatec. Qaq cam saishet da ỹa'amaqten, nache camaye saishet da taỹot de'era nca'alaxa, nachaqrata da huetalec camaye dam qaica ca 'ena'am da lchec lhuaxanaxanaxac Ñim Lo'onatac 'Enauacna.

Juan 4:14

Qaq cam nỹomgui ca 'etaxat maye sanem, camaye saishet da ỹe'eguelaxalec da huo'o na laquip. Cha'aye cam 'etaxat maye sanem, 'eeta'am na 'etaxat maye npaxaatasheguem, da huetaigui camaye. Qaq nacheca ca iviraxata'a cam nca'alaxa maye chochaq tatec.

Juan 5:24

Qaq ỹataqta 'eesa de'era qami' sa'axatema, da ca na'axaỹaxana de'era sa'axattac, qataq ỹa'amaqten Ñim Aỹem namaq, nache camaye mashe inoxoneua'a da lataxac da nca'alaxa maye qaica ca loga't. Qaq camaye nataqa'en saishet da qaỹauo'o qome ca nhuaxanaguec, cha'aye mashe sogote da ca'ai da nleuaxa da inoxoneua'a da nca'alaxa.

Romanos 2:7

Cam ỹo'ot ca ỹaỹamaqchiguiñi, cha'aye huo'o da naquitaxac da ỹaconeguet ca laỹamaxannataxanaxac Ñim Lo'onatac 'Enauacna, nache qoỹami' ca llo'oxoyec qataq ca achaalataxac chochaq tatec, nache Ñim Lo'onatac 'Enauacna hua'axaỹa'a qome da chochaq tatec da lmayaxaua camaye.

Romanos 6:23

Cha'aye cam nachaqrata da ỹo'ottac da ñe'etaxaloxo, nache camaye ỹaconeguet ca nhuaxanaguec, qaq damaye nachera da nleuaxa. Qalaxaye Ñim Lo'onatac 'Enauacna qomi' ỹanema da qanme da nca'alaxa maye chochaq tatec chegoqchigui So Cristo Jesús maye Qarataxala'.

1 Corintios 9:17

Qaq ỹoqo'oye aỹem saishet da sepactaique da aỹem qaisheeten da sa'axattac da no'on na'axaỹaxac, cha'aye saishet co'ollaxa da aỹem qainat da so'ot damaye; ¡Damaye maiche iuennataxac da so'ot!

1 Corintios 9:18

Qalaxaye ca 'eetec de'era ¿negue't ca ỹaueguec da so'ottac de'era? Damaye nachera da ñetonaxac da sa'axattac da no'on na'axaỹaxac, qalaxaye saishet da so'ogoxona da shenec, da yaqto' qaisheeten da ỹo'onataxanaxac da aỹem lamaxashec So Cristo.