Juan 4:34 - La'aqtaqa Ñim Lo'onatac 'Enauacna 2013

³⁴ Qalaxaye So Jesús 'enapeco': –Dam anoq, nachera da 'eetapeguec Ñim Aỹem namaq qataq da yaqto' semat da lo'onataxanaxac.

Nuevo Testamento Toba Sur

³⁴ Qalaxayi so Jesús 'enapeco': –Dam anoq, nachida da 'eetapeguec ñi ita'a mayi aÿim namaq, da yaqto' semat da l'onataxanaxac.

Nuevo Testamento Toba Sombrero Negro

³⁴ Qama'le Jesús enaac: —Da'me jo'ne janoq, ja'uo da'me jo'ne lelnataĝac ñe'me jo'ne jayem namaĝaquena, da'me jomat da'me 'lonatac jo'ne jayem yamaĝalegue.

Juan 4:34 Referans Kwoze

Juan 6:38

Cha'aye Aỹem saishet da sachegoqtot na piguem da ñanac da so'ot ca maiche sheetapeguec, chaqrata da ñanac da so'ot ca 'eetapeguec Ñim Lo'onatac 'Enauacna, cha'aye nacheñi Ñim Aỹem namaq.

Juan 5:30

Aỹem saishet da maiche ñerotelec da huo'o ca so'ot. Ñim Ita'a maye Aỹem namaq, Ñimaye Aỹem da'aqtaxanem da lataxac da ñimit 'enauac na shiỹaxauapi. Ỹoqo'oye da huo'o ca ñimit qalaq ỹaỹamaqchiguiñi, cha'aye saishet da so'ot ca maiche sheetapeguec, nachaqrata da ỹataqta salaxaguet Ñim Ita'a.

Da na'aqtaguec so Job 23:12

Qataq ỹataqta saishet da saxaarec naua lamaxasoxonaxaco, qataq ỹataqta saỹamaxatteque naua la'aqtaqa.

Juan 17:4

Qaq Aỹem ỹataqta 'am sho'oxoreetac nagui da soota'a ana 'alhua, cha'aye ỹataqta sematta da Aỹem 'auamaxalec da so'ot.

Juan 19:30

Nache So Jesús nỹomgui se'eso lataxa 'euaxaic. Ime, nache 'enapeco': –Nagui mashe 'enauac ipacchigui. Huaña, nache naqchiguiñi na lqaic, nache ileu.

Mateo 26:39

Nache So Jesús taỹa ca qaỹata'a soomaye, nache ỹa'alyiñi naua l-llectel qataq iviraxata'aguet na latap na 'alhua, nache nqouagaxaunot Ñim Lo'onatac 'Enauacna, 'eeta': «'Am Ita'a, ¡ỹataqta huo'o da iyaxa da Aỹem 'antelaqna'aguet de'era que'eenaxac! Qalaxaye saishet da ipacchigui qome da maiche sheetapeguec, nachaqrata dam maiche qonetapeguec.»

Juan 5:36

Qalaxaye Aỹem huo'o da ña'aqtaguec maye ỹataqta napacalec da la'aqtaxanaxac so Juan. Cha'aye nam so'ot, nachena na Aỹem ỹamaxalec Ñim Ita'a. Qaq nachena na ỹoqta ichoxot da 'eesa da Aỹem namaq Ñimaye.

Juan 4:32

Qalaxaye So Jesús 'enapeco': –Aỹem huo'o da anoq maye qami' sa qauaỹaañi.

Lucas 19:10

Cha'aye Aỹem Shiỹaxaua Llalec, ñanac da ñimitaique qataq ñeca'alaxatec nam shiỹaxauapi maye qaỹoqtaique naqa'en Ñim Lo'onatac 'Enauacna.

Salmos 40:8

Qaq aỹem ỹataqta saỹamaxareeta da so'ot ca qonetapeguec 'Am Ñatamnaxala', qataq naua 'arapaxaguenataxanaxaco ỹataqta huetaiguilo ñaqa'en añi iquiyaqte.»

Hebreos 12:2

Qaq ỹataqta seloqchigui So Jesús, cha'aye nacheso so chegoqo'ot da qanaquitaxac, qataq nacheso som ỹo'ot da nquictasheguem da qarpi'iỹaxac. So Jesús ỹataqta na'añaxateguet da ne'enaguec co'ollaq qaiuaxaneguet so npe'enaxaqui, cha'aye ỹaỹaten da inoxonaqchetec da lta'araic nque'eenaxac, nache ỹaconeguet da lta'araic lamaicỹaxac. Qaq nagui Ñimaye mashe nso'ootañi, netaua'a na aloic añi nso'onaxaqui Ñim Lo'onatac 'Enauacna.

Lucas 15:10

Qaq Aỹem shenapec nataqa'en da ỹataqta huo'o da ntonaxac nam lamaxashecpi piguem le'ecpi Ñim Lo'onatac 'Enauacna, da huo'otaq ỹaxaare'c naua no'onataxaco ca shiỹaxaua 'etaxaloxoic.

Hechos 20:35

Qaq nache 'eetai' da qami' sapaxagueetapegueque de'era, da ca shiỹaxaua iuen da do'onataxan yaqto' ishet da itauan cam huo'o da lhuenaxanaxa. Qaq ỹoqo'oye ñetoonaqta'ac qome da la'aqtac co'ollaxa So Qarataxala' Jesús, maye 'eeta': Ñim Lo'onatac 'Enauacna ntootapeguec cam «ỹataqta machiguiñi da dachetaqtaxan, qaq saq 'ena'am cam choche qaỹachet.»

Juan 6:33

Cha'aye aca nauole maye ỹan Ñim Lo'onatac 'Enauacna, nachaca acam chegoqo'ot na piguem qataq anac da ỹami' da lca'alaxa 'enauac na shiỹaxauapi.

Mateo 3:15

Qalaxaye So Jesús 'enapeco': –'Onaxaic da 'auo'ot nagui de'era. Cha'aye qomi' iuen da sepagaqtelec dam la'aqtac Ñim Lo'onatac 'Enauacna. Nache so Juan ỹaỹamaxareeta,

Lucas 2:49

Qalaxaye So Jesús ỹasategueto', 'eeta': –¿Ta'ainco' ye Aỹem qanmichiitaique? ¿Sa qauaỹaañiỹo' peta'a da Aỹem iuen da soota'a na lma' Ñim Ita'a?

Juan 8:29

Cha'aye Ñim Aỹem namaq, Ñimaye Aỹem hueta'aguet; Ñim Ita'a saishet da Aỹem ndoqteetec, cha'aye Aỹem nache 'eetai' da so'ottac cam ỹaỹamaxareeta Ñimaye.

Juan 19:28

Qaq So Jesús co'ollaq ỹaỹaten da mashe ipacchigui 'enauac nam ỹamaxalec Ñim Lo'onatac 'Enauacna. Qaq ỹoqo'oye da yaqto' ipacchiguilo naua nanettralec ana nere maye huetalec na la'aqtacpi Ñimaye, nache Somaye 'enapeco': –Huo'o na ỹaquip.

Mateo 9:19

Nache So Jesús ñesheguem da ca'ategue somaye, qaq nnaicapegueto soua lapaxaguenataqa.