Juan 4:32 - La'aqtaqa Ñim Lo'onatac 'Enauacna 2013

³² Qalaxaye So Jesús 'enapeco': –Aỹem huo'o da anoq maye qami' sa qauaỹaañi.

Nuevo Testamento Toba Sur

³² Qalaxayi so Jesús 'enapeco': –Aÿim huo'o da anoq mayi qami' sa qauaÿajñi.

Nuevo Testamento Toba Sombrero Negro

³² Qama'le enaac joñe'me: —Jayem joote jeque'e, jalic da'me jo'ne ja auatetoñi.

Juan 4:32 Referans Kwoze

Da na'aqtaguec so Job 23:12

Qataq ỹataqta saishet da saxaarec naua lamaxasoxonaxaco, qataq ỹataqta saỹamaxatteque naua la'aqtaqa.

Juan 4:34

Qalaxaye So Jesús 'enapeco': –Dam anoq, nachera da 'eetapeguec Ñim Aỹem namaq qataq da yaqto' semat da lo'onataxanaxac.

Salmos 119:103

Ỹataqta amai' naua 'ara'aqtaqa da huetaiguilo na aỹap, napacalec da lamaic ca te'esaq lli'i da taigui na aỹap.

Jeremías 15:16

Co'ollaq aỹem 'autaqtacot, nache aỹem seuoxoorañi naua 'ara'aqtaqa, naamaye nachenaua naua ỹo'o't da ntonaxac qataq da lamaicỹaxac añi iquiyaqte, cha'aye aỹem 'am ña'attaua'a, 'Am Nataxala' qataq Ñatamnaxala' maye Qaica ca 'Auqalanapec.

Proverbios 18:20

Naua la'aqtaqa ñi 'oonolec nachenaua na 'eco' icomaraqche't, qataq ne'enaua la'aqtaqa ỹo'ot da 'eco' ỹaỹem naqa'en camaye.

Proverbios 14:10

Añi nquiyaqte ỹauatton da maiche lalamaxat nqui'ic, qataq da lamaicỹaxac saishet da ỹaỹaten ca ỹaqa'a shiỹaxaua.

Salmos 63:5

Qataq ỹataqta machiguiñi da ñachaalataxac, sheeta'am ca chectac ca ỹataqta no'on nallec, qataq da setaqa qalaq samachiguiñi, da 'am sho'oxoreetac.

Salmos 25:14

Ñim Nataxala' ỹataqta nauochaxaua nam huo'o naq 'enec naqa'en Ñimaye, qataq ỹauattonaxanaxanec da naỹamaxataxac Ñimaye.

Apocalipsis 2:17

Qaq cam huo'oi naua ltela lauaco, qaq no'on da na'axaỹaxana da la'aqtac So Saqcha'a La'añaxac Ñim Lo'onatac 'Enauacna da 'enapega na 'amqaanataxanaxaicpi, 'eeta': Nam saishet da iqallem na lqalaiguesat maye ivireguet, qataq queta da ỹa'amaqteetac Aỹem, nache sami' da chec aca Maná maye saqcha'a, chegoqo'ot Ñim Lo'onatac 'Enauacna, qataq nataqa'en sami' ca coma' lapagaxaic. Qaq que'eca coma' nanettalec ca dalaxaic ne'enaxat maye qaica ca ỹaỹaten, nachaqcata cam ỹaconeguet maye ỹaỹaten que'eca ne'enaxat.›»

Hechos 20:35

Qaq nache 'eetai' da qami' sapaxagueetapegueque de'era, da ca shiỹaxaua iuen da do'onataxan yaqto' ishet da itauan cam huo'o da lhuenaxanaxa. Qaq ỹoqo'oye ñetoonaqta'ac qome da la'aqtac co'ollaxa So Qarataxala' Jesús, maye 'eeta': Ñim Lo'onatac 'Enauacna ntootapeguec cam «ỹataqta machiguiñi da dachetaqtaxan, qaq saq 'ena'am cam choche qaỹachet.»

Isaías 53:11

Qaq qom ivirec ca lta'araic nque'eenaxac, nache ila'a ca yo'oqchiguiñi, huaña nache somaye ỹataqta machiguiñi da ỹaỹaten, qaq se'eso no'on da lataxac maye lamaxashec Ñim Nataxala' qalota qome na isouec cha'aye ỹache qome na lasouaxashetpi namayepi.

Juan 4:31

Nache soua lapaxaguenataqa ỹoqopitaxaata'ape da nachoxoreetracot Somaye, 'eetra': –'Am Napaxaguenataxanaq, ña cara'ac 'auque'e.

Juan 4:33

Nache soua lapaxaguenataqa nnattega't, 'eetra': –¿Ỹoqta da huo'o co'ollaxa ca ndoi' ca aloq damaxa?