Juan 4:31 - La'aqtaqa Ñim Lo'onatac 'Enauacna 2013

³¹ Nache soua lapaxaguenataqa ỹoqopitaxaata'ape da nachoxoreetracot Somaye, 'eetra': –'Am Napaxaguenataxanaq, ña cara'ac 'auque'e.

Nuevo Testamento Toba Sur

³¹ Nachi soua lapaxaguenataqa ÿoqopitaxaata'pe da nachoxodeetracot somayi, qoÿiita': –'Am mayi 'auapaxaguenataxaatac, ña cada'ac 'auque'e qome.

Nuevo Testamento Toba Sombrero Negro

³¹ Mane'e ca'li jona'li novidedeta ga'me jiyaĝadipi, qama'le jogaa'me lapaĝaguenataqa ñe'me Jesús male dojedapegue' joñe'me: —Am paĝaguenataĝanaĝaic, cha'li aueque'e.

Juan 4:31 Referans Kwoze

Juan 1:38

Qaq So Jesús co'ollaq namatapec, nache ila'agueta soomaye da nca'attrauo, nache inatta'ape, 'eeta': –¿Negue't ca qoñiitapeguec? Nache soomaye 'ena'apo': –'Am Napaxaguenataxanaq, ¿hua'ague ca qoneta'ague?

Génesis 24:33

Qaq co'ollaq mashe huotaique iquia'axa'n, nache so lamaxashec so Abraham, 'enapeco': «Aỹem saishet da seque'e, da ñaq saxanaxa da sa'axat, da ỹa'aqtaxanaxac maye sauotaique da sa'axat.» Nache so Labán, 'enapeco': «Hua', 'aua'aqtaxan.»

Mateo 23:7

Qataq ỹataqta ỹaỹamaxareeta da na shiỹaxauapi da huo'o naq 'enec da iquin da huaña ca menaqa', qataq da qaiỹaxana qalaq qoỹeeta' napaxaguenataxanaqpi.

Mateo 23:8

Qalaxaye qami' saishet qome da qauacheeta'a na shiỹaxauapi da qami' iỹaxanalo qalaq 'eetega qami' napaxaguenataxanaqpi. Cha'aye 'enauac da qoñiita qami' nqaỹañecpi, qaq 'oonolec na Qanapaxaguenaxala'ai.

Mateo 26:25

Nache so Judas, maye nacheso so ỹaneuo co'ollaxa So Jesús, nataqa'en denataxano', 'eeta': –'Am Napaxaguenataxanaq, ¿peta'a nachaỹem? Nache So Jesús 'enapeco': –Aja', nache 'am.

Mateo 26:49

Nache so Judas nquicot So Jesús, nache iquin, 'eeta': –¡La', 'am Napaxaguenataxanaq! Nache napigoxoi'.

Marcos 9:5

Nache so Pedro 'enapego' So Jesús, 'eeta': «'Am Napaxaguenataxanaq, ¡ỹataqta ỹaỹamaqchiguiñi da nache souaqta'a ne'ena! Nache so'ota'q caua tres qaya'axaquilli', 'oonolec ñaqa'enaq ca 'arma', qataq da Moisés, qataq da Elías.»

Marcos 11:21

Nache so Pedro tachigui lauel co'ollaxa dam huaigui so lỹa na'a'q, nache 'enapego' So Jesús, 'eeta': –'Am Napaxaguenataxanaq, ña 'aula'a aram higo lcheyec maye 'auasaxalec so qauem 'ara'aqtac caillaye, aramaye deqaqa.

Marcos 14:45

Nache so Judas nquigueua'a So Jesús, nache 'enapego', 'eeta': «¡'Am Napaxaguenataxanaq!» Nache napigoxoi'.

Juan 1:49

Nache so Natanael 'enapeco': –'Am Napaxaguenataxanaq, nache 'am Llalec Ñim Lo'onatac 'Enauacna, qataq nache 'am Lta'a na Israel le'ecpi.

Juan 3:2

Se'eso Nicodemo huo'o so pe, nache somaye nqo'ona So Jesús. Nache 'enapega, 'eeta': –'Am Napaxaguenataxanaq, qomi' saỹaanaq da 'am namaq Ñim Lo'onatac 'Enauacna da qomi' 'auapaxague'n. Cha'aye qaica ca ishet da ỹo'ot na 'auo'otpi na'anec maye sa qaỹauanapega. Nachaqcata cam hueta'aguet Ñim Lo'onatac 'Enauacna.

Juan 3:26

Nache se'esoua napaxaguenataqa nqo'ooreua'a so Juan da da'aqtaxaarem, 'eetra': –'Am Napaxaguenataxanaq, ñaq 'antoueeta'ac peta'a so ỹale maye qomi' 'aua'aqtaxaateguema, som 'am hueta'aguet so lỹa na'a'q dam lỹa le'ego aso tala Jordán, Somaye nagui dachelaxanataxaatac. Nache 'enauac na shiỹaxauapi ca'attague'.

Juan 4:30

Nache anac nam chegaqaua'a ye nỹecpiolec, da nauga ca hueta'a So Jesús.

Juan 4:32

Qalaxaye So Jesús 'enapeco': –Aỹem huo'o da anoq maye qami' sa qauaỹaañi.

Juan 6:25

Nache somayepi co'ollaq ivittague da le'ego aso lapel, nache ilalec So Jesús. Nache inattac, 'eeta': –'Am Napaxaguenataxanaq, ¿chaq lagui co'ollaxa da 'anvitta ne'ena?

Juan 9:2

Nache soua lapaxaguenataqa inatta'ape Somaye, 'eeta': –'Am Napaxaguenataxanaq, ¿chaq ta'ainco' ñi'iñi ỹale ye nacteueegue' da lqanamaxa? ¿Peta'a souaxat da huo'o ca lasouaxashe't caua lta'al, qalqo' chaq souaxat ca maiche lasouaxashet ñimaye?

Juan 11:8

Nache soua lapaxaguenataqa, 'eetegalo Somaye, 'eeta': –'Am Napaxaguenataxanaq, ñaq cheta'ague da huo'o nam judiopi maye lma' yi'iye 'alhua, nshetaique da 'am ỹalauat, da 'am ira'a na coma' qalaq ¿ta'ainco' ye qaltaq 'anshetaique da 'aỹa yemaye?