Juan 4:22 - La'aqtaqa Ñim Lo'onatac 'Enauacna 2013

²² Qami' Samaria lashe', qami' saishet da qauauattoñiita cam qavio'oxoyiñiitac. Qomi', qalaxaye ỹataqta saỹaanaqta ñim sho'oxorenaqtac. Cha'aye ca Nta'a Nca'alaxaqui camaye chegoqtoigui na judiopi.

Nuevo Testamento Toba Sur

²² Qami' Samaria lashi', qami' sa ishit da qauaÿajñi cam qanatamñiitacot. Qomi', qalaxayi ÿataqta saÿajnaqta ñim ñatamnaqtacot. Cha'ayi da nca'alaxa, damayi chigoqtoigui na judiopi.

Nuevo Testamento Toba Sombrero Negro

²² Ami jo'ne Samaria laje'pi ja auayachiñe ga'me jo'ne jetaque anetameñiyot, da'me qo'mi jo'ne judiopi laje' qamqa'me jayatenaq ga'me jo'ne ñetamenoqot, qa'a da'me nec'alaĝac chiyoĝogue joga'me judiopi.

Juan 4:22 Referans Kwoze

Hechos 17:23

Cha'aye aỹem naxa da secoleetac na qoviita'a, nache semeteetac 'enauac nam nqui'ipi maye qanatamñeetacot. Nache huo'o ye selalec atamnaqa' qoỹettañi so na'aqtac, 'eeta': «Atamnaqa' da qanatamnot cam saishet da qaỹauatton.» Qaq Ñi'iñi Lo'onatac 'Enauacna maye qanatamñeetacot qalaxaye sa qauauattoñi, nacheñi nagui Ñim qami' sa'axatema.

Isaías 2:3

Qaq anac qome na qalota shiỹaxauapi, nache 'eeta': «Qauanaqui, ñeqo'onaxasheguema añi nqasoxonaxa Ñim Nataxala', añi atamnaxaqui maye lalamaqte Ñim Natamnaxala' so Jacob, yaqto' Ñimaye qomi' ỹapaxagueneque da nqa'aicỹaxac, huaña nache ishet da qolaqtegueto qome naua lleco Ñimaye.» Cha'aye Ñim Nataxala', chegoqchiguiña qome ye Sión da lapaxaguenataxanaxac, qataq chegoqchiguiñalo qome ye Jerusalén naua la'aqtaqa.

Lucas 24:47

Nataqa'en iuen da qaỹa'aqtaxanem na ỹotta'a't shiỹaxauapi Aỹem, yaqto' 'enauac namayepi ỹe'egueloqot Ñim Lo'onatac 'Enauacna, qaq Ñimaye ỹapalaxat na lasouaxashetpi. Qaq chegoqchiguiña na Jerusalén,

Hechos 17:30

Qaq Ñim Lo'onatac 'Enauacna saishet co'ollaxa da iloguilo naua ne'enaxaco na shiỹaxauapi soua hua'au' vi'iye. Qalaxaye nagui Ñimaye 'enapega na shiỹaxauapi maye netaleguete naua ỹotta'a't 'aleu', da yaqto' ỹaxaare'c naua no'onataxaco.

Salmos 147:19

Ñimaye, ỹachaxanalo co'ollaxa naua la'aqtaqa so Jacob, qataq ỹachaxanalo naua lqataxaco qataq naua lamaxasoxonaxaco so Israel.

Zacarías 9:9

¡Ñaq 'antonapigui' qome, 'am nỹecpi maye qonetalec ana qasoxonaxa Sión! ¡'Auo'onaxaatac souaxat da 'antonaxac 'am Jerusalén! Mashe 'am nata'a na 'arta'a, maye no'on da lataxac, qataq deca'alaqtaxan, namaye qaica ca la'amaqchec, netalec na 'ashena llalec.

Salmos 68:20

Ñim Nataxala', maye Qanatamnaxala' Ñimaye Lo'onatac 'Enauacna maye deca'alaqtaxan, qataq ishet da qomi' nca'alaxateeguesopa da nleuaxa.

Isaías 46:13

Aỹem so'ot qome da saqaỹaloq da qami' qaisorec da ica'alaqtaxanaxac saishet da qaỹaloqteguet, da ica'alaqtaxanaxac saishet da qaỹoqta. Aỹem sanem qome da lca'alaxa ye Sión, qataq sanem da ỹo'oxoyec na israel le'ecpi

Isaías 12:2

Ñim Lo'onatac 'Enauacna, nacheñi ñim aỹem nca'alaxatec, aỹem ñaquita'a Ñimaye nache saishet da she'etac. Ñim Nataxala' nacheñi ñim ỹe'eguenaxala' qataq nacheñi ñi ỹa'añaxac, qataq nacheñi ñi ica'alaxaqui.»

Génesis 49:10

Qaica qome ca ishet da deuotaxanec da lamaxasoxonaxac da Judá qataq da lamaxasoxonaxat npon maye nasoqta'a, choche ivitta'a da nvi' cam lalamaxat de'era pon, cam ỹataqta ỹalaxaguet qome na nhuo' le'ecpi.

Esdras 4:2

nache somayepi nqo'ona so Zorobabel qataq so Josué, qataq so lataxala'pi so ñalaqpi. Nache 'enapegalo, 'eeta': Ñaq qomi' qanashiñiitegueta, da qami' setauana'q da qano'oxoñiisheguem aca atamnaxaqui. Cha'aye qomi', nache qami' shenaqta'ama da sho'oxorenaqtac Ñim Qanatamnaxala'ai, qataq mashe sanqot aso qarachetaqtaxanaqte maye qaỹavigaxatta, nache chegoqchiguiña co'ollaq ñaq nta'a so Esarjadón, maye nta'a ye Asiria, som qomi' nauegalo ne'ena 'alhua.

Isaías 12:6

Qauo'onaxañi qataq qantoñiỹapigui' qami' maye qarma'ai na Sión, cha'aye Ñim Qui'itta Natamnaxala' so Israel maye qami' netanguilo ỹataqta lta'araic da la'amaqchec.»

Hechos 3:26

Qaq ỹoqo'oye Ñim Lo'onatac 'Enauacna co'ollaq qaltaq nca'alec naqa'en So Llalec Jesús, nache ỹa'auaxaachiyiñi da qami' namaxalo, da yaqto' qami' ỹanema ca no'on qoyecỹaxaqui, yaqto' ñi 'oonolec da qoñiita ishet da ỹaxanec ca sa ỹaỹamaxañi.

Romanos 11:18

Qalaxaye saishet qome da qaupi'itaxañiitega da qanapacỹalec nam judiopi maye qaimaqa'aguet. Nachaqrata da qauennachiỹa'a da qami' qauacoñiiguet de'era nca'alaxa chegoqchigui namayepi. Qaq saishet da taỹot da nca'alaxa namayepi da ỹachegoxotchiguilo qami'.