Juan 4:20 - La'aqtaqa Ñim Lo'onatac 'Enauacna 2013

²⁰ Qaq som hua'au qarta'alpi co'ollaxa maye lma' na Samaria, somayepi co'ollaxa da natamnot Ñim Lo'onatac 'Enauacna, qalaq hualec añi qaỹoqotcheguemec 'alhua. Qalaxaye qami' judío lashe' qoñiỹapec da nacheye ye Jerusalén yem huaña da ñatamnaqot Ñim Lo'onatac 'Enauacna.

Nuevo Testamento Toba Sur

²⁰ Qaq som hua'au qadta'alpi co'ollaxa mayi lma' na Samaria, somayipi co'ollaxa da natamnot ñi Dios, qalaq hualec naq'en aña'añi qasoxonaxa. Qalaxayi qami' judío lashi' qoñiÿapec da nachiyi yi Jerusalén yim huaña da qomi' ñatamnaqot ñi Dios.

Nuevo Testamento Toba Sombrero Negro

²⁰ Dia'me qadet'al jo'ne mach'e jachiyojoĝogueta 'me Samaria laje'pi 'uo da'me lepe'e' ñe'me Dios, qama'le nec'adeta nale jenjo' qajoĝonaĝa da'me netametot joñe'me Dios; qama'te da'me ami jo'ne judiopi laje' aueñetapega nach'edi di'me Jerusalén jo'ne 'lachaqa' da'me qonetamenot joñe'me.

Juan 4:20 Referans Kwoze

Deuteronómio 27:12

Qom mashe ime da qaua'axasoxoñiilec ye tala Jordán, nache na maiche nhuo' le'ecpi maye chegoxoguet so Simeón, Leví, Judá, Isacar, José, qataq so Benjamín namayepi tasheguema qome añi qasoxonaxa Guerizín, da yaqto' ỹasaxalec ca 'onaxaic la'aqtac ne'ena nhuo' le'ecpi,

Deuteronómio 11:29

Qaq Ñim Nataxala' qom mashe qami' inoxonaqcheteua'alo yi'iye 'alhua maye qami' ỹanema da yaqto' qoñiỹalec, nache qauasaqailec qome da nchoxonnataxanaxa añi qasoxonaxa Guerizín, qataq qauasaqailec da qauem añi qasoxonaxa Ebal.

2 Crónicas 7:12

Qaq huaña nache huaigui so pe, da Ñim Nataxala' nachaxana so Salomón, nache 'enapega, 'eeta': «Aỹem sa'aqchigui so 'anatamnaxac, nache aỹem lleca'ateua'a ne'ena nma', da naña ana atamnaxaqui, da yaqto' qaỹachaña ca nachetaqtaxanaxatpi.

Lucas 9:53

Qalaxaye nam shiỹaxauapi maye lma' yi'iye 'alhua, saishet da ỹaconeguet So Jesús, cha'aye qaila'a da tata'ague da Jerusalén.

Salmos 132:13

Ñim Nataxala', lca'aua'a co'ollaxa añi qasoxonaxa Sión, cha'aye ỹauotaique da lanataqa', co'ollaq 'eeta':

Salmos 78:68

Qalaxaye lca'ateua'a co'ollaxa na nhuo' le'ecpi maye chegoxoguetpi so Judá, qataq añi lauotaqte qasoxonaxa ye Sión.

2 Crónicas 7:16

cha'aye nagui aỹem lleca'ateua'a qataq seỹotauga ana'ana atamnaxaqui da yaqto' chochaq tatec da hueta'a da ỹe'enaxat, nache da imeenaxanaxac qataq da iquiyaqteỹaxac nache 'eetai' qome da hueta'a anamaye.

2 Crónicas 6:6

Qalaxaye aỹem lleca'ateua'a ye Jerusalén da yaqto' nache hueta'a da ỹe'enaxat, qataq lleca'ateua'a so David, da yaqto' ilo'ogue na ỹalamaxat nhuo' Israel le'ecpi.›

1 Crónicas 22:1

Ỹoqo'oye so David 'enapeco': «Ne'ena, nachena na naña qome aca atamnaxaqui maye lalamaqte Ñim Lo'onatac 'Enauacna, maye Nataxala', qataq aca nca'atoxonaxalate da yaqto' ỹachalec ca lachetaqtaxanaxat qaỹavigaxatta na Israel le'ecpi.»

1 Crónicas 21:26

Qaq so David, nache ỹaachiguiña somaye da no'oxoosheguem aso nca'atoxonaxalate maye lalamaqte Ñim Nataxala', nache huaña da ỹaneuo so lachetaqtaxanaxat qaỹavigaxatta qataq aso lachetaqtaxanaqte qanhuaachigui. Ime, nache iỹaxanot Ñim Nataxala', nache Ñim Nataxala' ỹasateguet somaye, nache namaq so norec chegoqtot na piguem nache talec naqa'en aso nca'atoxonaxalate maye qaỹachalec naxa nam nachetaqtaxanaxat qaỹavigaxatta.

1 Reyes 9:3

nache 'eeta': «Aỹem, sa'aqchigui so 'anqouagaxaunaxac qataq so 'anachoxonnaxac. Qaq ana'ana atamnaxaqui maye 'ano'oxoosheguem, anamaye seỹotauga da yaqto' nache hueta'a qome da ỹe'enaxat, qataq nache 'eetai'salo naua na'axa'te da huetalec da imeenaxanaxac, qataq da iquiyaqteỹaxac.

Isaías 66:1

Ñim Nataxala', 'eeta': «Na piguem nachena na ñeso'ootalec, qaq ana 'alhua qalaq nachana ana ỹapiaxalate. Qaq ¿hua'ague ca qaỹa'añiỹa'ague ca ima' da qano'oxoñiisheguem? Qataq ¿hua'ague ca qaỹa'añiỹaña cam ima' maye ishet da ñemataqa'?

Juan 4:12

Som hua'au qarta'a Jacob co'ollaxa qomi' no'onaxata'agueta ana'ana lli'illoxoqui. Anamaye, nachana co'ollaxa ana nỹomtapigui qataq soua llalqa, qataq som na'atetpi. Qaq ¿'am peta'a 'anapacaleco' somaxa?