Juan 4:10 - La'aqtaqa Ñim Lo'onatac 'Enauacna 2013

¹⁰ Nache So Jesús 'enapeco': –'Am saishet da 'auaỹaten dam huotaique 'am ỹanem Ñim Lo'onatac 'Enauacna, qataq nataqa'en saishet da Aỹem 'auauatton. Cha'ayectaxa da 'auaỹaten, nache 'am Aỹem 'auỹaxanot taxa ca 'etaxat, nache Aỹem 'am sanem ca 'etaxat maye chegaqaigui da nca'alaxa.

Nuevo Testamento Toba Sur

¹⁰ Nachi so Jesús 'enapeco': –Nashíctaxa da 'am 'auauatton cam ÿan ñi Dios, qataq nam 'am iÿaxaatacot ca laquip, nachi yi'oqtáctaxa da 'am ishit da aÿim 'auÿaxanot, nachi aÿímctaxa 'am sanem ca 'etaxat mayi npaxaatashiguem.

Nuevo Testamento Toba Sombrero Negro

¹⁰ Jesús 'yateguet: —Ta'le auayaten ga'me jo'ne Dios am yanem nataq'aen jayem auayaten da'me am jiyaĝatapecot qaedi jayem aniyomaĝan, qama'le ga'me aviyaĝanaque qama'le am janem ga'me noĝop jo'ne nec'alaĝaiqui.

Juan 4:10 Referans Kwoze

Juan 4:14

Qaq cam nỹomgui ca 'etaxat maye sanem, camaye saishet da ỹe'eguelaxalec da huo'o na laquip. Cha'aye cam 'etaxat maye sanem, 'eeta'am na 'etaxat maye npaxaatasheguem, da huetaigui camaye. Qaq nacheca ca iviraxata'a cam nca'alaxa maye chochaq tatec.

Apocalipsis 7:17

Cha'aye Ñim Lo'onatac 'Enauacna iỹouec 'enauac na lache' namayepi, qataq Ñi Qagueta Llalec maye netangui na laiñi añi so'onaxaqui, nacheñi ñi ilotague' namayepi, 'eeta'am ca ilotague' ana lalopi qaguetapi qataq ỹauega ca laỹe' na 'etaxat maye npaxaatasheguem maye chegaqaigui da nca'alaxa.»

Isaías 44:3

cha'aye Aỹem so'ot qome da ipaxaalec na 'etaxat ye toolec 'alhua, qataq na la'auaxacpi nam 'alhuapi maye deqaqta. Aỹem sanem qome da dalaxaic lca'alaxa ca 'am chegoxoguetpi, qataq ñamaxa qome ca iqouagaxanaqtaic.

Apocalipsis 21:6

Ime qaq aỹem 'enapega, 'eeta': «¡Mashe sogote da ime! Aỹem maye Nachaỹem la'atchiguiñi qataq sepa'atec. Qaq cam ilem na laquip, nache Aỹem sanem ca 'etaxat maye npaxaatasheguem qataq chegaqaigui da nca'alaxa chochaq tatec. Qaq camaye qaca aca lasheue.

Juan 3:16

Cha'aye Ñim Lo'onatac 'Enauacna ỹataqta lta'araic da lauotaxanaqtaic na shiỹaxauapi ana 'alhua, nache ỹan na 'oonolec Llalec. Yaqto' 'enauac nam ỹa'amaqten namaye saishet da ileu, nachaqrata da huo'o da lca'alaxa maye chochaq tatec.

Jeremías 2:13

Nam ỹalamaxat nhuo' le'ecpi dos naua lasouaxashe'ete: Namayepi Aỹem ca'ai co'ollaxa maye aỹem 'etaxat maye nca'altauec, nache ỹo'ot ana maiche laquipiaxaquipi, nsherepi maye saishet da nllañi na 'etaxat.

Apocalipsis 22:17

Qaq So Saqcha'a La'añaxac Ñim Lo'onatac 'Enauacna qataq aso huotaique da lhua Ñim Qagueta Llalec 'eeta': «¡Ña 'auanac 'am Qarataxala' Jesús!» Qataq 'enauac nam hua'axaỹa de'era na'aqtac, qaq nataqa'en 'eeta': «¡Ña 'auanac 'am Qarataxala' Jesús!» Qaq cam ilem na laquip, qaq da nshapeque da nỹom, qaq no'on da anac, nache nỹomgui ca 'etaxat maye chegaqaigui da nca'alaxa chochaq tatec. Qaq camaye choche qoỹaatem.

Zacarías 14:8

Qaq huaña, nache ye Jerusalén chegoqtegueua'a qome ca 'etaxat maye ỹataqta attom, maye quetac da nvi' ye no'omaxa, qataq ye napaxaỹaxa, qaq tachiguingui na laiñi ca ipaxaneuga aye auaxai leuaxai, qaq ca laỹe qalaq ipaxaneuga aso auaxai maye le'enaxat Mediterráneo.

Romanos 8:32

Cha'aye Ñimaye qomi' ỹanema so lalamaxat Llalec co'ollaxa. Qaq da qomi' ỹanema So Llalec, nache nataqa'en qomi' ỹanema 'enauacna.

1 Corintios 10:4

So Cristo nnaictague' somayepi, qalaxaye saqcha'a. Qataq nacheso so 'etaxat co'ollaxa maye chegaqaigui so coma', da yaqto' ỹa'axaneguet na laquip somayepi. Qaq 'enauac somayepi nỹomgui se'eso 'etaxat.

Isaías 12:3

Nataqa'en qami' ishet da qauamaichiguiñi qome da qanỹomiigui acam laỹe' da nca'alaxa,

Juan 6:35

Nache So Jesús 'enapeco': –Aỹem Nachaỹem nauole maye san da nca'alaxa. Ca Aỹem naua'a, nache sa nauane' na lqouaxa; qataq ca Aỹem ỹa'amaqten, nache sa nauane' na laquip.

Isaías 49:10

Qaq huaña qome nache qaica ca qarqouaqai qataq saishet da qaviñiitaique ca qaraquipi, qataq saishet da qami' sa ỹalemaxa't na le'eraxa añi nala', qataq na napaxaỹaxa, cha'aye aỹem qami' sauoteque, nache qami' sauecta'agueta, qataq qami' sauegalo ca huaña na npaxaatasheguem 'etaxat.

Zacarías 13:1

Qaq que'eca na'a'q, qalaq huo'o qome, ca npaxaatasheguem 'etaxat, da yaqto' nỹoxoqui da iỹouec na lasouaxashet qataq na lshepaxanaxa nam chegoxoguetpi so David qataq nam netaña na Jerusalén.

Juan 17:3

Qaq de'era achaalataxac maye chochaq tatec, damaye nachera da naigui da 'am qaỹauatton, 'am maye 'Aro'onatac 'Enauacna, maye nache'amta qataq 'am 'eesa, qataq nam 'Arca'aguishec maye 'anamaxa ana 'alhua co'ollaxa.

Juan 6:51

Aỹem maye Nachaỹem nauole maye ñeca'altauec, qataq sachegoqo'ot na piguem. Ca chec ana'ana nauole, nache qaica ca loga't da nachaalataxac. Ana nauole maye san, nachera da ỹo'ocỹaxac. Qaq damaye san yaqto' nca'alec 'enauac na shiỹaxauapi.

Isaías 43:20

Qaq na shiguiỹacpi maye huauec, ana huaxaỹaxapi qataq na mañecpi, huo'o naq 'enec naqa'en aỹem cha'aye npaxaatasheguem ñaqa'en na 'etaxat ye toolec 'alhua, qataq so'ot na tala na 'alhuapi maye qaica ca ñaxaalec, da yaqto' sami' na laquip na ỹalamaxat nhuo' le'ecpi maye lleca'aguishecpi,

Isaías 35:6

qaq na sara'añeeguelo naua lchel qalaq parenaxaatai' qome 'eeta'am aca chegaxango, qaq na 'apaicpi qalaq ỹa'alaqtagui qome. Qaq yem toolec qataq yem deqaqta 'alhua qalaq npaxaasheguem qome na 'etaxat.

Salmos 46:4

Na la'auaxac so tala ỹataqta machiguiñi naqa'en ye huaqta'a't nỹecpi maye lalamaxat Ñim Lo'onatac 'Enauacna, yem ỹataqta qui'itta lanataqa' Ñim Nataỹaña 'enauacna.

Éxodo 17:6

Qaq 'am seuatta'aguet yem Horeb, soota'a qome añi coma'. Qaq qom 'auaxangui añimaxa, nache naỹenec na 'etaxat, da yaqto' nỹom ne'ena shiỹaxauapi.» Qaq 'era da 'eetec so Moisés, ỹauaachigui so lqueroxonecpi na Israel le'ecpi.

2 Corintios 9:15

¡Sanqot da qana'achecỹaxac Ñim Lo'onatac 'Enauacna, cha'aye Ñimaye ỹataqta lta'araic da qomi' ỹanema qana'achecỹaxac, qaq damaye saishet da sañoxotaq da ỹataqta sa'axataqta!

Lucas 11:13

Qami' matem qami' qauemaiqa, qalaq qauaỹaañi da qaỹa'añim ca no'on ca qaỹa'alqui, qaq ¿hua'ago' da saq ỹactec ñi Qarta'ai maye Lo'onatac 'Enauacna maye neto'ot na piguem da ishet da ỹanem So Saqcha'a Na'añaxac Qui'itta cam iỹaxanot Ñimaye?»

Isaías 42:6

«Aỹem Nataxala', 'am seỹaxana, nache sacoota'a na 'arhuaq, yaqto' 'am so'onataxana da 'am chegoqchigui da nca'alaxa, 'am saỹamaxaañi cha'aye sauotaique da 'am la'anaxat da ñaỹamaxataxac, da ñaỹamaxate' na nhuo' le'ecpi qataq 'am lcoỹaraqte na ỹotta'a't shiỹaxauapi.

Efesios 2:8

Cha'aye nachera da lqouagaxanaqtaic Ñim Lo'onatac 'Enauacna da huo'omshe qami' nca'alaxatre'c, cha'aye huo'o da qarpi'iỹaxaqui Ñimaye. Qaq damaye saishet da qami' chegoqchiguilo, cha'aye damaye maiche lachetaqtaxanaxat Ñim Lo'onatac 'Enauacna.

1 Corintios 1:30

Qaq Ñimaye nallegoxottela't da qana'ayeetaua'a naqa'en So Cristo Jesús, qataq chegoqchigui naqa'en Somaye da qaraỹaanec. Qataq chegoqchigui naqa'en Somaye da qomi' ỹaỹamaxareete' Ñimaye, qataq da qomi' lalamaqa'ate, qataq da saconaxaguet ca nca'alaxa chochaq tatec.

Isaías 9:6

Cha'aye ñiguiñi qome ca nogotolec, Ñim Lo'onatac 'Enauacna qomi' ỹanema ca 'oonolec llalec, qaq camaye qoỹanagui qome da la'añaxac da nta'a, qataq qoỹanagui qome ne'enaua ne'enaqa'ate: Qaỹa'aalaque naua lqataxaco, Lo'onatac 'Enauacna maye 'añaxaic, Nta'a maye chochaq tatec, qataq Chegoqchigui da nlagaxayec.

1 Juan 5:20

Nataqa'en saỹatenaq da So Llalec Ñim Lo'onatac 'Enauacna, Somaye anac da qomi' ỹanema da qaraỹaanec da yaqto' sauattonaqta Ñim Lo'onatac 'Enauacna maye 'eesa. Qataq ña'araqtaua'a som Llalec Jesucristo; Somaye nacheso som ỹataqta 'eesa Lo'onatac 'Enauacna maye chegoqo'ot da nca'alaxa chochaq tatec.

Juan 16:3

Qaq ỹo'ot qome de'era namayepi, cha'aye saishet da ỹauatton Ñim Ita'a, nataqa'en Aỹem.

Hechos 9:11

Nache So Qarataxala' 'enapego' somaye, 'eeta': –Qoñisheguem, nache qoquegue so nqa'aic le'enaxat Ỹashectec. Qaq qom 'avita ñi lma' ñi Judas, nache 'aunataxanaique ca ỹale maye chegaqa'ague da Tarso, le'enaxat Saulo. Qaq ñimaye nqouagaxaueetac,

Salmos 10:17

Qaq 'Am Nataxala', qalaq 'aua'axaỹa da natamnaxac na choxoraqpi, 'aua'añaqchet qataq 'aulo'oguet da lỹaxanaxac.

Cantares 4:15

Aỹem sheeta'am añi laỹe' na 'etaxat maye naigui yi'iye nañiguishe lma', 'etaxat llec maye npaxaatasheguem na le'ec, qataq la'auaxac maye chegoqtapiguisheguema ye Líbano.

Hebreos 6:4

Qalaxaye cam ỹaxaañi da ỹa'amaqten So Cristo, nache saishet da ỹañoxot da qaltaq ỹe'eguelaxalec da nauochaxaua Ñim Lo'onatac 'Enauacna. Na'aictaxa da huo'o co'ollaxa ca huaña da ỹa'amaqten da la'aqtaxanaxac Ñimaye maye ỹataqta 'eesa, qataq ỹataqta ỹaỹamaxareeta co'ollaxa da ỹaconeguet se'eso nme maye chegoqo'ot Ñim Lo'onatac 'Enauacna. Qaq damaye ỹataqta saishet da ishet da qanaralaxat. Na'aictaxa da mashe ỹaconeguet So Saqcha'a Na'añaxac Qui'itta, 'eeta'am na laỹepi, qataq ỹaỹaten da no'on maye nachera da la'aqtaxanaxac Ñim Lo'onatac 'Enauacna, qataq dam la'añaxac Ñimaye qom qanayeetalec aca dalaxai 'alhua, qaq camaye saishet da ỹañoxot da ỹe'egueloqot qome Ñimaye da mashe ỹaxaañi da ỹa'amaqten. Qaq ỹoqta 'eesa de'era ỹo'ot camayepi, da 'eeta'am da qaltaq ỹe'eguelaxalec da iuaxaneguet so npe'enaxaqui So Cristo qataq ỹe'eetac, ỹauaachigui naqa'en 'enauac na shiỹaxauapi ana 'alhua.

Ezequiel 16:35

Qaq ỹoqo'oye 'ana'axaỹaxaachigui da ỹa'aqtac, 'am quisheguetaxai: