Juan 3:6 - La'aqtaqa Ñim Lo'onatac 'Enauacna 2013

⁶ Ca chegoqchigui da lañoxoc ca yo'oqchigui shiỹaxaua, camaye ipacchigui da choche shiỹaxaua. Qalaxaye ca chegoqchigui da lañoxoc So Saqcha'a La'añaxac Ñim Lo'onatac 'Enauacna, camaye ỹaatañi da achaalataxac maye chegoqo'ot Somaye.

Nuevo Testamento Toba Sur

⁶ Ca chigoqchigui da lañoxoc ca yi'oqchigui shiÿaxaua, camayi ipacchigui da chochi shiÿaxaua. Qalaxayi ca chigoqchigui da lañoxoc so Espíritu, camayi ÿaatañi da achaalataxac mayi chigoqo'ot somayi.

Nuevo Testamento Toba Sombrero Negro

⁶ Joga'me jo'ne niyiñe q'aen gaa'me let'al jo'ne ch'e jiyaĝa'u, nach'e ena'am ch'e jiyaĝaua; nataq'aen joga'me jo'ne niyiñe q'aen ñe'me Dios Lepaqal, nach'e ena'am 'uo da'me 'loyaĝac jo'ne chiyaqayi ñe'me Dios Lepaqal.

Juan 3:6 Referans Kwoze

2 Corintios 5:17

Qaq nagui da ña'araqtaua'a So Cristo, nache dalaxaic da qarataxac. Qaq Ñim Lo'onatac 'Enauacna mashe saishet da tatapigui ye lauel so togoshec qarataxac, nachaqrata da naralaxat da qarataxac. Qaq 'enauac de'era maiche chegoqo'ot Ñimaye. Qomi' co'ollaxa ỹataqta ñepa'aguenaqtague' Ñim Lo'onatac 'Enauacna, qalaxaye nagui chegoqchigui So Cristo da qanauochaxaua Ñimaye qataq qomi' ipataxaleguete da sa'aqtaxanaxam 'enauac na shiỹaxauapi da no'on na'axaỹaxac. Qataq chegoqchigui So Cristo da Ñim Lo'onatac 'Enauacna ỹapalaxat na qarasouaxashetpi qataq ỹo'ot da lactapegue' 'enauac na shiỹaxauapi.

1 Juan 3:9

Qaica ca llalec Ñim Lo'onatac 'Enauacna da queto'ot da ỹo'ottac na lasouaxashetpi, cha'aye dam achaalataxac maye hueto'ot, chegoqo'ot Ñimaye. Qaq ỹoqo'oye que'eca shiỹaxaua saishet da queto'ot da ỹo'ottac da lle'etaxaloxo, cha'aye ỹataqta llalec Ñim Lo'onatac 'Enauacna.

1 Corintios 6:17

Qaq ca na'attaua'a So Qarataxala', nache ivira'a da 'eeta'am da 'oonolec, cha'aye na'attaua'a de'era 'oonolec no'ocỹaxac maye saqcha'a.

Romanos 7:18

Qaq nache aỹem saỹaten da lqopitaxanaqtaic da ỹapachiỹaxac, saishet da aỹem ỹashenem da so'ot ca ỹaỹamaqchiguiñi. Qaq na'aictaxa da aỹem huo'o da iyaxa da so'ot ca ỹaỹamaqchiguiñi, qalaxaye saishet da sañoxot da so'ot.

Génesis 6:12

cha'aye 'enauac so shiỹaxauapi da qauemaicpi. Qaq Ñim Lo'onatac 'Enauacna co'ollaq ila'a da nlaqtelec na qauem ana 'alhua,

Salmos 51:10

'Am Ñatamnaxala', ñaq aỹem 'aỹa'anaigui qome aca qui'itta nquiyaqte, qataq 'aỹa'anem so saqcha'a ica'alaxa da saq 'am ca'ai.

Da na'aqtaguec so Job 25:4

Qaq ¿peta'a huo'o ca choche shiỹaxaua, da 'enapec no'on da lataxac, qataq qaica ca ỹasouaxat da ỹauaachigui Ñim Lo'onatac 'Enauacna?

Da na'aqtaguec so Job 14:4

Cha'aye, ¿negue't ca ishet da nqatec ca qui'itta, da ỹachegoxotaigui ca nshepaxan? ¡Qomye, qaica!

Romanos 8:13

Cha'aye da qami' qoquiitague' de'era qarqopitaxanaqtaiqui, nache ishet da qarellivi qome. Qalaxaye da chegoqchigui qanqa'eñi So Saqcha'a Na'añaxac Qui'itta da nache tachiguiña qanqa'eñi de'era qauem qarqopitaxanaqtaiqui, nache qami' taỹoto ca nca'alaxa maye chochaq tatec.

Efesios 2:3

Qaq nataqa'en 'enauac da shenaqta nache shenaqta'am namayepi soua hua'au' vi'iye, da qolaqtague' nam maiche shenaqtapeguecpi, qataq so'otaqtac dam lqopitaxanaqtaic da qarapachiỹaxac qataq nam maiche qarhuennataxacpi. Qaq ỹoqo'oye ỹataqta 'itchiguiñi da qomi' huetaleguete da qaica ca 'ena'am lchec lalemataic Ñim Lo'onatac 'Enauacna da shenaqta'am 'enauac nam laỹepi shiỹaxauapi.

Colosenses 2:11

Na judiopi ỹauo'o na la'anaxat na lo'oc maye la'anaxat da lalamaxatpi Ñim Lo'onatac 'Enauacna. Qalaxaye Ñimaye ỹachegoxotchigui So Cristo da qami' ỹalecnoiguilo nam lalamaxatpi, nache nataqa'en nqat da qarqopitaxanaqtaiqui da qauo'ocheetac da ñe'etaxaloxo. Qaq 'era da qana'anaxache maye qami' ỹo'oteque Ñim Lo'onatac 'Enauacna.

Gálatas 5:24

Qaq qomi' maye qomi' lalamaqa'ate So Jesucristo, mashe 'eeta'am da sogote da seuaxanaxauo da qanapagaqaanaxac qataq da qauem qarqopitaxanaqtaic.

Juan 1:13

Qaq namayepi nagui ỹataqta llalaqpi Ñim Lo'onatac 'Enauacna, chegoqchigui da maiche lhuennataxa Ñimaye, qaq saishet da nachera da maiche lhuennataxa na shiỹaxauapi.

Romanos 7:5

Cha'aye co'ollaq qomi' souaqtaigui da saishet da sañoxotaq da ñellaqañi da qarqopitaxanaqtaic da so'otaq ca sa ỹaỹamaxañi, nache na namaxasoxonaxacpi nquigaxatec de'era qarqopitaxanaqtaic. Qaq nachena na so'otaqtacpi nam qomi' qaỹoqtalo Ñim Lo'onatac 'Enauacna.

Génesis 6:5

Qaq Ñim Nataxala' ila'a co'ollaxa da so shiỹaxauapi ana 'alhua ỹapacauec da ỹo'ottac na qauem, qataq da nache lhuennataxac da ỹo'ottac na qauem,

Génesis 5:3

Qaq so Adán mashe ivi' co'ollaxa soua ciento treinta vi'iye da nachaalataxac, co'ollaq ñiguiñi so llalec, som ỹanagui co'ollaxa da le'enaxat Set, qaq somaye ỹataqta 'eeta'am so lta'a.

Juan 3:7

Saishet da 'are'elaqchet de'era 'am sa'axattapeguem, da 'enauac na shiỹaxauapi iuen da taigui da dalaxaic nañoxoc.