Juan 3:36 - La'aqtaqa Ñim Lo'onatac 'Enauacna 2013

³⁶ Qaq cam ỹa'amaqten na Ñalec, nache camaye huo'o da lca'alaxa chochaq tatec. Qaq cam saishet da ỹa'amaqten, nache camaye saishet da taỹot de'era nca'alaxa, nachaqrata da huetalec camaye dam qaica ca 'ena'am da lchec lhuaxanaxanaxac Ñim Lo'onatac 'Enauacna.

Nuevo Testamento Toba Sur

³⁶ Qaq cam i'amaqten se'eso ñalec, nachi camayi huo'o da lca'alaxa chochaq tateec. Qaq cam sa ishit da i'amaqten, nachi camayi sa ishit da taÿot de'eda nca'alaxa, chaqdata da huetalec camayi dam qaica ca 'en'am da lchic lhuaxanaxanaxac ñi Dios.

Nuevo Testamento Toba Sombrero Negro

³⁶ Joga'me jo'ne p'iya'a ñe'me Lec'oĝot yauana da'me 'loyaĝac jo'ne ja 'naidena'a; qalaĝaja joga'me jo'ne ja yoqo'cha ñe'me Lec'oĝot ja yauana da'me lec'alaĝa, dite da'me taue da'me ne'uaĝanaguec 'me chiyaqayi joñe'me Dios.

Juan 3:36 Referans Kwoze

Juan 5:24

Qaq ỹataqta 'eesa de'era qami' sa'axatema, da ca na'axaỹaxana de'era sa'axattac, qataq ỹa'amaqten Ñim Aỹem namaq, nache camaye mashe inoxoneua'a da lataxac da nca'alaxa maye qaica ca loga't. Qaq camaye nataqa'en saishet da qaỹauo'o qome ca nhuaxanaguec, cha'aye mashe sogote da ca'ai da nleuaxa da inoxoneua'a da nca'alaxa.

Juan 1:12

Qalaxaye nam ỹaconeguet qataq ỹa'amaqten, qaq nachena na ỹoqta 'itchiguiñi da llalaqpi Ñim Lo'onatac 'Enauacna.

1 Ts 5:9

Cha'aye Ñim Lo'onatac 'Enauacna saishet da qomi' lca'agui'she da ỹauo'o ca qanhuaxanaguec ca pa'atec na'a'q. Nachaqrata da saconaxaguet ca nca'alaxa chegoqchigui So Qarataxala' Jesucristo.

Efesios 5:6

Qataq saishet qome da huo'o ca qami' ỹatenache't da qami' iroleguete naua napaxaguenataxanaxaco maye qaica ca naiguilo. Cha'aye ne'enaua sa ỹaỹamaxaayiñi, nachenaua naua chegoqchiguilo dam qaica ca 'ena'am da lchec layeloxo Ñim Lo'onatac 'Enauacna da ỹauo'o da nhuaxanaguec nam saishet da ỹalaq.

Romanos 5:9

Qaq nagui da mashe ỹapalaxat na qarasouaxashetpi Ñim Lo'onatac 'Enauacna da chegoqchigui da l-leuaxa So Cristo, nache ỹoqta 'itchiguiñi qone' da huo'o da qana'achecỹaxac So Cristo, cha'aye Somaye qomi' nca'alaxateeguesopa cam nhuaxanaguec na shiỹaxauapi maye ñaq naỹa'acna.

Juan 8:51

Qaq ỹataqta 'eesa de'era qami' sa'axatema, da ca ỹalaxaguet dam shenapec, nache camaye chochaq tatec da hueta'aguet Ñim Lo'onatac 'Enauacna.

Juan 10:28

Qaq Aỹem sanem da lca'alaxa maye chochaq tatec anamayepi. Huaña, nache saishet da ivireguet ca nleuaxa maye chochaq tatec, qataq saishet da huo'o ca ishet da nqateeguesop da ihuaqỹaxac anamayepi,

Juan 3:3

Nache So Jesús 'enapega somaye, 'eeta': –Aja', ỹataqta 'eesa de'era 'am sa'axatem, da ca shiỹaxaua da saishet da ỹe'eguelaxalec da qaltaq ñiguiñi, qaq camaye saishet da ila'a da lo'onataxanaxac Ñim Lo'onatac 'Enauacna.

Apocalipsis 21:8

Qalaxaye nam colanqaicpi, qataq nam saq pi'iỹa'a Aỹem, qataq nam ỹo'ot nam qauem maye sa saỹamaxaren qataq nam ỹalauat ca lỹa qataq nam huetapeeguet aca sa lhua maye saq qaỹashen da qaỹo'ot, qataq nam napaxagueetega da naconaxanaxac qataq nam ỹo'oxoreetac nam qanatameetacotpi maye saq 'en, qataq nam tenataxanaxaicpi, 'enauac qome namayepi qaỹasaxangui ca lta'araic norec maye huaña da ỹavictaigui na quiquiaxaraic. Huaña, nache chochaq tatec da saishet da nauane' Ñim Lo'onatac 'Enauacna.»

1 Ts 1:10

Nataqa'en namayepi ỹaỹaten da qami' qauacheeta'aguet So Jesucristo qom ñe'eguelaq da chegoxogue da piguem. Ñim Lo'onatac 'Enauacna nca'aleeguesop naqa'en da l-leuaxa Somaye co'ollaxa yaqto' qomi' nca'alaxateeguesopa da nhuaxanaguec na 'etaxaloxoicpi ca pa'atec na'a'q qom nmitna Somaye.

Números 32:11

'Enauac na shiỹaxauapi maye chegaqa'a ye Egipto, maye ivi' qataq napacalec naua veinte vi'iye da nachaalataxac, saishet qome da inoxoneua'a da nalec ye 'alhua maye sachaxanapecot co'ollaxa da sanem so Abraham, Isaac qataq so Jacob, souaxat da aỹem sa ỹalaxaguet.

Gálatas 3:10

Qaq ỹoqo'oye huetalec da lta'araic lchec nam huotaique da ỹachegoxotchigui da ỹalaxalec na namaxasoxonaxacpi da huotaique da ỹaỹamaxareeta Ñim Lo'onatac 'Enauacna, cha'aye naua ñiyigui'she maye nanettaleguete ana nere maye huetalec na la'aqtacpi Ñim Lo'onatac 'Enauacna, 'eeta': «Ỹataqta qauem qome ca talec nam saishet da ỹalaxalec na namaxasoxonaxacpi.»

Romanos 8:1

Qaq Ñim Lo'onatac 'Enauacna saishet da ỹauo'o qome ca qanhuaxanaguec, cha'aye mashe ña'araqtaua'a So Jesucristo.

Lucas 3:6

¡Yaqto' 'enauac na shiỹaxauapi ila'a ca Nca'alaxaqui maye qami' namaxalo Ñim Lo'onatac 'Enauacna!»

Salmos 49:19

qalaxaye huo'o ca na'a'q da ỹe'eguelaxa da ỹalecta'aguet so hua'au lta'alpi, huaña nache saishet da qaltaq nauane' na yo'oqchiguiñi.

Salmos 36:9

cha'aye nache 'am hueto'ot da nca'alaxa, qataq na 'are'eraxa ỹo'ot da seloqtaigui na yo'oqchiguiñi.

Hebreos 10:29

Qaq da ỹataqta qauennataxañiilec de'era, nache ¡ỹactec qone' da lchec ca nhuaxanaguec maye ỹaconeguet cam ỹo'otan som Llalec Ñim Lo'onatac 'Enauacna qataq da 'eetega qaica ca naigui da l-leuaxa Somaye! Qaq da nache 'eetec de'era, nache isheueetac som Saqcha'a La'añaxac Ñim Lo'onatac 'Enauacna maye lauotaxat camaye. Nataqa'en da ỹo'otan da l-leuaxa So Cristo qamaq nachera dam chegoqchigui da ipacchigui da naỹamaxataxac Ñim Lo'onatac 'Enauacna qataq chegoqchigui da qaỹapalaxat na lasouaxashetpi.

Hebreos 2:3

qaq ỹataqta 'eesa qone' da huo'o ca qanhuaxanaguec da saishet da ñetelaqa'a de'era nca'alaxa maye ỹataqta qaica ca 'ena'am. Cha'aye So Qarataxala' nacheso so la'auaxanec da ỹa'axat de'era nca'alaxa, qataq nam na'axaỹaxaatega co'ollaxa de'era na'aqtaxanaxac nataqa'en qomi' ỹachaxanalo da ỹataqta 'eesa.

Habacuc 2:4

Qaq nam qauemaicpi namayepi ỹataqta na'amqaanaxaicpi, qalaxaye nam no'on da lataxac qalaq nache nca'altauec qome souaxat da lpi'iỹaxac.

Salmos 2:12

Qataq qavio'oxoyiñi Ñim Nataxala', yaqto' saishet da dalemata, cha'aye saiuena'a da dalemata nache qaullivi da huangui na nqa'aic, cha'aye da lalemataic ishet da nque'elaxatta da 'eroigui. ¡Qaq ỹataqta machiguiñi qome ca nmittaique da ltelaxanaqtaic Ñimaye!

Da na'aqtaguec so Job 33:28

nacherata da Ñim Lo'onatac 'Enauacna aỹem nca'alaxateeguesop da nleuaxa, qataq ñaq 'eetalec da ñeca'altauec qataq ñaq selotaigui na yo'oqchiguiñi.»

Romanos 4:15

Ñim Lo'onatac 'Enauacna ỹauo'o ca nhuaxanaguec nam sa ỹalaxalec na namaxasoxonaxacpi. Qalaxaye da qaica ca namaxasoxonaxac, nache qaica ca ishet da huasoilec da sa ỹalaq.

Lucas 2:30

Cha'aye aỹem ñema'ai' nagui da ñelota'ai' nam Nca'alaxaqui,

Mateo 25:46

Ne'ena shiỹaxauapi maye qauemaicpi ỹaconeguet ca nhuaxanaguec maye saishet da huo'o ca loga't, qalaxaye nam ỹalaxaguet Ñim Lo'onatac 'Enauacna, ỹaconeguet ca nca'alaxa maye chochaq tatec.

Marcos 16:16

Qaq ca Aỹem ỹa'amaqten, nache qanachelaxan, yaqto' camaye nca'alec. Qalaxaye ca saishet da Aỹem ỹa'amaqten, nache camaye saishet da saconeguet.

Juan 4:36

Qaq cam deqataxaatac, camaye ỹaconeguet ca nsheetenaguec. Qaq nam ala na nañiguishec maye nqattac namaye naigui ca nca'alaxa maye chochaq tatec. Yaqto' cam danaxaatac qataq cam deqataxaatac ishet da 'eeta'a't da ntootapigui'salo.

Juan 6:58

Qaq Aỹem sa'axattac aso nauole maye chegoqo'ot na piguem. Qaq asa'aso nauole, asomaye saishet da 'eeta'am aso maná, maye chectac co'ollaxa som hua'au qarta'ailpi, qalaxaye nache 'ena'am 'enauac somayepi ileu. Qaq cam chec asa'aso nauole maye sa'axattac, nache camaye nache 'eetai' da nca'altauec.

Hechos 14:2

Qalaxaye nam judiopi maye sa ỹa'amaqten So Jesús, namayepi inogoqchet nam saq judiopi, da yaqto' namayepi dataỹa'aguet nam ca'attague' So Jesús.

Hebreos 3:18

Qataq ¿chaq negue't som detaxaỹa co'ollaxa Ñim Lo'onatac 'Enauacna da yaqto' saishet da huo'o ca nmataxac naqa'en da hualec ye 'alhua Canaán? ¡Qomye som saishet co'ollaxa da ỹalaq!

Hebreos 3:19

Qaq ỹoqta 'eesa da somayepi da saishet co'ollaxa da huenoxoneua'a ye 'alhua Canaán da yaqto' nmatec, cha'aye qaica ca lpi'iỹaxac Ñim Lo'onatac 'Enauacna.