Juan 3:23 - La'aqtaqa Ñim Lo'onatac 'Enauacna 2013

²³ So Juan nataqa'en dachelaxanataxaatac, hueta'a ye Enón yem saqaỹapeque ye Salín, cha'aye ỹataqta qalota na 'etaxat. Nache na shiỹaxauapi nqo'ona so Juan, da yaqto' somaye nachelaxan namayepi.

Nuevo Testamento Toba Sur

²³ So Juan nataq'en dachilaxanataxaatac, hueta'a yi Enón yim sa qaÿapeque yi Salim, cha'ayi ÿataqta qalota na 'etaxat. Nachi na shiÿaxauapi anac, nachi qanachilaxaatac.

Nuevo Testamento Toba Sombrero Negro

²³ Choqoñe'me Juan nach'e ena'am dachilaĝanataĝatac ca'li ue'ta di'me Enón jo'ne yauaqa'a di'me Salim, qa'a 'uo ga'me noĝop jo'ne let'adaic, qama'le joga'me jiyaĝadipi yec'adeta joñe'me qama'le nach'e ena'am qonachilaĝa'n.

Juan 3:23 Referans Kwoze

Lucas 3:7

Qalota so shiỹaxauapi naỹa so Juan da yaqto' qanachelaxan, qaq somaye 'enapeco' da la'aqtac: –¡Qami' qoñiita'am na na'araxanaq! ¿Qaupicheetega peta'a da qami' ỹe't ca lhuaxanaxanaxac Ñim Lo'onatac 'Enauacna maye qami' namaxalo?

Ezequiel 43:2

nache sauaateguet da llo'oxoyec Ñim Natamnaxala' na Israel le'ecpi chegoqtegue da nala' lliguisheguem. Qaq da l-lamaxa ỹataqta alam, 'eeta'am da l-lamaxa ca tala da ỹa'auat, qaq ana 'alhua nache nlaqaalec na le'eraxa.

Ezequiel 19:10

Aso 'arate'e qalaq 'eeta'am co'ollaxa aca uva lcheyec maye netaña ca loigue ca 'etaxat, nache nquittasheguem qataq qalochiguiñi ana lcouepi souaxat da huecottalec so qalota 'etaxat.

Jeremías 51:13

Qaq 'am Babilonia maye qoneto'ot na loigue na lta'araic talapi, qataq 'am hueto'ot da lta'araic 'arsallaxa, ¡qalaxaye mashe 'avita ye 'araloqo', yem loga't da 'anachaalataxac!

1 Samuel 9:4

Nache so Saúl qataq so lamaxashec je'c, ỹa'axasoxoorelec aye qasoxonaxapi ye Efraín, qataq taỹalec yem 'alhua Salisa, qalaxaye saishet da ỹanata aso 'ashenapi. Qataq nataqa'en taaleco' ye 'alhua Sagalin qataq yem na'alhua so Benjamín, qalaxaye ñaqaiyeta saishet da ỹanata.

Génesis 33:18

Qaq so Jacob, co'ollaq chegaqa'a ye Padán Aram, nache co'ollaq ivita ye Canaán qalaq no'oitom, qataq qaica camachaqca da nachaalataxac, nache nalec yem datatta ye huaqta'a't nỹecpi le'enaxat Siquén.

Apocalipsis 19:6

Qaq can ime de'era, nache sa'axaỹa da lavilỹaxac so ỹataqta qalota shiỹaxauapi ỹataqta alam, 'eeta'am da l-lamaxa na lta'araic la'auaxac qataq na lta'araic nalataxa, 'eeta': «¡'Enauac qome da qaỹo'oxoren Ñim Lo'onatac 'Enauacna, Ñim Nataxala' maye qaica ca ỹaqalanapec, cha'aye Ñimaye mashe do'onataxan!

Apocalipsis 14:2

Ime, qaq sa'axaỹa so nvilỹaxac chemqot na piguem. Somaye 'eeta'am da l-lamaxa na lta'araic la'auaxac, qataq 'eeta'am na lta'araic nalataxa; qataq 'eeta'am na l-lamaxa ana qalota nviquepi da qaiviqueetapigui.

Apocalipsis 1:15

Qaq naua lchel ỹataqta qashelectrapiguiñi, 'eeta'am da lqashelgaxa na lcat le'enaxat bronce da mashe ime da nqatelaguec. Qaq da lavilỹaxac 'eeta'am da l-lamaxa ana lapaxa aso auaxai.

Juan 3:22

Qaq co'ollaq ime de'era, nache So Jesús jec, nnaicapegueto soua lapaxaguenataqa da nqo'oora ye 'alhua Judea. Nache ỹataqta huo'oi soua na'axa'te da hueta'aguet somayepi da dachelaxanataxaatac.

Juan 3:24

Qaq 'era da 'eetec co'ollaq saxanaxa da qoỹanaigui aso ncoñetaxanaxaqui so Juan.