Juan 3:19 - La'aqtaqa Ñim Lo'onatac 'Enauacna 2013

¹⁹ Qaq dam 'eetec da Ñim Lo'onatac 'Enauacna nmit 'enauacna: qaq nache 'eetec da Aỹem ñanaỹa ana 'alhua, qaq Aỹem maye Aỹem lcoỹaraqte na napalaxa. Qalaxaye na shiỹaxauapi ye ỹo'otta'ape naua qauema, nache ỹaỹamaxareeta da netaigui na napalaxa saq 'ena'am da yo'oqchiguiñi.

Nuevo Testamento Toba Sur

¹⁹ Nam sa ishit da da'amqajnataxan, nachi qaÿauo'o ca nhuaxanaguec. Cha'ayi co'ollaq anac som yi'oqchiguiñi da anaÿa ana 'alhua, qalaq namayipi ÿagaqnauec da lqopichi na napalaxa, cha'ayi namayipi i'otta'pe naua qauema.

Nuevo Testamento Toba Sombrero Negro

¹⁹ Joote 'uo da'me ne'uaĝanague'j qa'a yauo'oe jogaa'me jo'ne ja 'noe'n, qama'le ca'li novi' ñe'me necoyadaĝanaĝat jo'ne nec'achi'ña jena'me aleua qama'le gaa'me jiyaĝadipi ja yec'adeta joñe'me qa'a noqopideta da'me 'lalaĝa, ja noqopideta da'me 'yoqochiñe.

Juan 3:19 Referans Kwoze

Juan 8:12

Nache So Jesús qaltaq 'enapega so shiỹaxauapi, 'eeta': –Aỹem Nachaỹem lcoỹaraxanaqte 'enauac na huetalec ana 'alhua. Aỹem qauca'acheegue, yaqto' saishet da qoquiitaigui na napalaxa, nachaqrata da qoviitaigui na yo'oqchiguiñi maye nachera da nca'alaxa.

2 Ts 2:12

Yaqto' ỹataqta lta'araic da nhuaxanaguec 'enauac nam saishet da ỹa'amaqten da 'eesa lataxac. Chaqrata da nqopita na sa ỹaỹamaxañisat.

Romanos 2:8

Qalaxaye na na'amqaanaxaicpi qataq na qauemaicpi maye saishet da huotaique da ỹo'ot ca no'on, namayepi qome ỹauo'o ca nhuaxanaguec.

Juan 12:43

qataq souaxat da namayepi nqopita da maiche ỹo'oxoreetac na 'eeta'am shiỹaxauapi, qaq saishet da ipacapegue' cam llo'oxoyec maye ỹanem Ñim Lo'onatac 'Enauacna.

Romanos 1:32

Namayepi ỹaỹateeta da Ñim Lo'onatac 'Enauacna la'aqtac da cam ỹo'ottac ne'enapi, nache taỹa'a da l-leuaxa. Qalaxaye namayepi saishet da nachaqrata da ỹo'ottac damaye, nachaqrata da nataqa'en ntooteguec cam lỹa shiỹaxaua maye ỹo'ot nataqa'en de'era.

Juan 5:44

Qaq ¡Ca 'eeteco' da qami' Aỹem qaua'amaqchiñi, ye qami' qarqopitaxache da qami' ỹo'oxoreeta'ape na shiỹaxauapi, qaq saishet da ỹo'oxoren Ñim Lo'onatac 'Enauacna maye 'oonolec!

2 Pedro 3:3

Qaq da hua'auñi, qami' iuen da qauaỹachiñi da que'ecaua pa'atre'c na'axa'te, nache nvi' qome ca shiỹaxauapi maye quetague' nam qauem lqopitaxanaqtaiguesat. Qataq qami' ỹe'eeta'ape.

Juan 1:4

Qaq se'eso Na'aqtac, nacheso so chegoqchigui da nca'alaxa, qaq de'era nca'alaxa, nachera da yo'oqoolec naqa'en na shiỹaxauapi.

Lucas 12:47

Qaq cam namaxashec maye ỹaỹateeta cam 'eetapeguec cam na'aco', qalaxaye saishet da naỹamaxattai', qataq sa ỹalaq, qaq camaye ỹataqta lta'araic da nhuaxanaguec.

1 Pedro 2:8

Nataqa'en ye lỹa nanettalec ana nere maye huetalec na la'aqtacpi Ñim Lo'onatac 'Enauacna 'eeta': «'Ena nam coma' maye qalota na desalliilec; qataq qalota na pogolaxaisop.» ¡Qaq namayepi ivireguet de'era! ¡Souaxat da saishet da ỹa'amaqten da na'aqtaguec So Jesucristo!

Juan 7:7

Nam shiỹaxauapi maye huetalec ana 'alhua, qaica cam ỹoqta 'eesa da qauasoviilec da huo'omshe qami' nquiỹategalo. Aỹem, qalaxaye Aỹem nquiỹa, cha'aye Aỹem ỹataqta sa'aqtaxaatem namayepi naua lataxaco maye sa ỹaỹamaxayiñi.

Juan 7:17

Da huo'o ca nshetaique da ỹo'ot cam 'eetapeguec Ñim Lo'onatac 'Enauacna, nache camaye ishet da ỹaỹateeta da naua ỹapaxaguenataxanaxaco chegoqtoto Ñim Lo'onatac 'Enauacna, huo'otaq da choche maiche Aỹem chegoqtoto.

Lucas 16:14

Nache hua'aqtega 'enauac de'era nam fariseopi maye ỹataqta lqopitaxat da nsallaxa, nache ỹe'eetac So Jesús.

Proverbios 2:13

nam ca'ai so no'on nqa'aic qataq quegue so nqa'aic maye napalñi,

Jeremías 9:6

naralaxat da lataxac. Ñim Nataxala', 'enapec: «¡Namayepi nlaxagui da natenataxanaxac, qataq qaica ca qairen! Na ỹalamaxat nhuo' le'ecpi aỹem saỹauatton.

Juan 1:5

Qaq de'era yo'oqchiguiñi, damaye icoỹarelec na napalaxa, qaq na napalaxa saishet da ỹalamat.

Juan 9:5

Nagui da Aỹem ñaq soota'a ana 'alhua, qalaq Aỹem maye Nachaỹem lcoỹaraqte 'enauac ana 'alhua.

Juan 12:31

Nagui mashe ivita ye laloqo' da Ñim Lo'onatac 'Enauacna nmit na huetalec ana 'alhua, qataq da ỹamaqauec som damaxasoxonapec ana 'alhua.

Juan 12:46

Aỹem maye Aỹem lcoỹaraqte ana 'alhua. Ñanaỹa anamaye, da yaqto' ca Aỹem ỹa'amaqten, nache camaye saishet da huetaigui na napalaxa.

Levítico 11:16

mañec, chiyet, taqaqole, qataq ana ỹotta'a't qoỹo nỹec lashole,

Levítico 13:10

Nache ca ntaxaỹaxanaxanec imeten camaye, da huo'o na lalaache na lo'oc, qataq ỹapagaq naqa'en ana laso, qataq chetaña na lapat,

Zacarías 14:19

Qaq 'era, qome da nhuaxanaguec na Egipto le'ecpi, qataq 'enauac na laỹepi ỹotta'a't shiỹaxauapi maye saishet da taỹa da ỹo'oxoren ca naponaxac, maye le'enaxat Enramadas.