Juan 3:17 - La'aqtaqa Ñim Lo'onatac 'Enauacna 2013

¹⁷ Ñim Lo'onatac 'Enauacna saishet da namaxa na Llalec ana 'alhua, da yaqto' ỹauo'o ca nhuaxanaguec na shiỹaxauapi. Nachaqrata da nca'alaxatec, chegoqchigui Namaye.

Nuevo Testamento Toba Sur

¹⁷ Ñi Dios sa ishit da namaxa na llalec ana 'alhua, da yaqto' ÿauo'o ca nhuaxanaguec na shiÿaxauapi. Chaqdata da anaga da nca'alaxateec namayipi.

Nuevo Testamento Toba Sombrero Negro

¹⁷ Qa'a ñe'me Dios namaĝa'ña jena'me aleua ñe'me Lec'oĝot: ja namaĝa'ña jogaa'me aleua laje'pi qaedi ya'uo ga'me ne'uaĝanague'j, dite da'me qaedi nec'alaĝatedegue jogaa'me jiyaĝadipi.

Juan 3:17 Referans Kwoze

1 Juan 4:14

Qomi' ỹataqta sauanaqchigui da Ñim Nta'a namaxalec ana 'alhua So Llalec, da yaqto' nca'alaxatec 'enauac nam huetalec anamaye, qaq damaye sa'axataqtac saishet da huo'o ca sho'oqtaique.

Lucas 19:10

Cha'aye Aỹem Shiỹaxaua Llalec, ñanac da ñimitaique qataq ñeca'alaxatec nam shiỹaxauapi maye qaỹoqtaique naqa'en Ñim Lo'onatac 'Enauacna.

Juan 6:57

Ñim Ita'a maye Aỹem namaq, Ñimaye huo'o da la'añaxac da ỹan da nca'alaxa chochaq tatec, qaq Ñimaye nacheñi ñi chegoqo'ot da ica'alaxa. Qaq ỹoqo'oye 'enauac nam Aỹem ỹa'amaqten qataq chec da ỹo'ocỹaxac, huo'o qome da lca'alaxa chochaq tatec.

Juan 6:40

Qataq Ñimaye, nshetaique da 'enauac nam ỹamato'ot na Llalec qataq ỹa'amaqten, nache huo'o da lca'alaxa chochaq tatec, qataq Aỹem ñeca'alaxatec qom iviteuga ca pa'atec na'a'q.

Juan 6:29

Nache So Jesús 'enapeco': –'Oonolec da 'eetapeguec Ñim Lo'onatac 'Enauacna, nshetaique da qami' qaua'amaqchiñi nam namaq Ñimaye.

Juan 20:21

Ime, nache So Jesús qaltaq ỹe'eguelaxalec da 'enapegalo soomaye, 'eeta': –Qami' huo'o da qarlagaxayiqui. Qaq de'era 'eetec co'ollaxa da Aỹem namaq Ñim Ita'a, qaq nachera qome da sheetec da qami' sama'q.

1 Juan 2:2

Ñim Lo'onatac 'Enauacna ỹapalaxat na qarasouaxashetpi qataq 'enauac na lasouaxashetpi na shiỹaxauapi maye huetalec ana 'alhua, cha'aye So Cristo maiche chegoqtot da nañan da yaqto' qomi' ileualeguete.

Juan 17:3

Qaq de'era achaalataxac maye chochaq tatec, damaye nachera da naigui da 'am qaỹauatton, 'am maye 'Aro'onatac 'Enauacna, maye nache'amta qataq 'am 'eesa, qataq nam 'Arca'aguishec maye 'anamaxa ana 'alhua co'ollaxa.

Juan 11:42

Qaq Aỹem saỹaten da 'am, nache 'eetai' naxa da Aỹem 'aua'aqtega. Qalaxaye Aỹem shenapec de'era souaxat nam shiỹaxauapi maye hueta'a ne'ena, yaqto' namayepi ishet da ỹa'amaqten da 'eesa da Aỹem 'aramaxashec.

Juan 7:29

Aỹem, qalaxaye sauatton, cha'aye sachegoqtot Ñimaye, qataq Ñimaye Aỹem namaq.

Juan 5:45

Saishet qome da qaupi'itaxañiitega da Nachaỹem da sa'aqtaxanem Ñim Ita'a ca qarasouaxashechi. Cha'aye qami' qauacheeto'ot da qarpi'iỹaxaqui naua leregui'she so Moisés, qaq nacheso somaye da ỹa'axat ca qarasouaxashechi.

Zacarías 9:9

¡Ñaq 'antonapigui' qome, 'am nỹecpi maye qonetalec ana qasoxonaxa Sión! ¡'Auo'onaxaatac souaxat da 'antonaxac 'am Jerusalén! Mashe 'am nata'a na 'arta'a, maye no'on da lataxac, qataq deca'alaqtaxan, namaye qaica ca la'amaqchec, netalec na 'ashena llalec.

Juan 8:42

Nache So Jesús 'enapega somayepi, 'eeta': –Da ỹoqta 'eesactaxa da Qarta'ai Ñim Lo'onatac 'Enauacna, nache qami'ctaxa ỹataqta Aỹem qauauochec. Cha'aye Aỹem nache sachegoqtot Ñimaye. Aỹem saishet da maiche ñallegoxottela't da ñanac, cha'aye Ñim Lo'onatac 'Enauacna maye Aỹem namaq.

Juan 1:29

Qaq so lỹa na'a'q, nache so Juan ila'aguet So Jesús da naỹaxaama somaye, nache somaye 'enapega so shiỹaxauapi 'eeta': –Ña qauloỹeeguet, 'ena cha'aguet na Jesús, nachena na 'eeta'am ca nachetaqtaxanaxat Qagueta Llalec maye ỹachegoxotchigui Ñim Lo'onatac 'Enauacna da ỹapalaxat na lasouaxashetpi na shiỹaxauapi.

Juan 17:8

cha'aye mashe sanema dam 'ara'aqtac maye Aỹem 'aỹa'anem. Qaq naamaye ỹaconegueta, qataq ỹaỹateeta da ỹoqta 'eesa da 'am sachegoqtot, qataq ỹa'amaqte'n da Aỹem 'aramaxashec.

Juan 10:36

Qaq da huo'otaq Ñim Lo'onatac 'Enauacna Aỹem namaxa co'ollaxa ana 'alhua, qaq ¿ta'ainco' qami' ye qoñiitega da naua ỹa'aqtaqa sa iyacna'ape Ñimaye, souaxat da sheetega da Aỹem Llalec Ñimaye?

Juan 5:36

Qalaxaye Aỹem huo'o da ña'aqtaguec maye ỹataqta napacalec da la'aqtaxanaxac so Juan. Cha'aye nam so'ot, nachena na Aỹem ỹamaxalec Ñim Ita'a. Qaq nachena na ỹoqta ichoxot da 'eesa da Aỹem namaq Ñimaye.

Juan 17:21

Qataq 'am seỹaxanot, 'am Ita'a, da yaqto' naamaye ỹataqta na'atta'a't, 'eeta'am da 'eetec 'am qataq Aỹem da ña'araqta'a't, nataqa'en naamaye qomi' na'attaua'alo. Yaqto' nam shiỹaxauapi maye huetalec ana 'alhua ỹa'amaqten da Aỹem 'aramaxashec.

Juan 5:38

Qaq naua nanettrañi la'aqtaqa Ñimaye nataqa'en saishet da qami' taiguilo, cha'aye qami' saishet da qaua'amaqchiñi Aỹem maye Aỹem namaq Ñimaye.

Mateo 18:10

Qantooñita'ac qome de'era: saishet qome da qauo'otañi ca 'oonolec nam saqca ca la'amaqchec. Cha'aye Aỹem qami' shenapegalo da na lamaxashecpi maye 'amaqtaqaicpi Ñim Lo'onatac 'Enauacna ilotague' namayepi.

Lucas 9:56

Cha'aye na Shiỹaxaua Llalec saishet da anac da nqat da nachaalataxac ca shiỹaxaua, nacherata da nca'alaxatec.] Qaq ime, nache je'c nqo'oora so nma'piolec maye saq 'amaqtaq.

Juan 3:34

Cha'aye da detaqa nam namaq Ñim Lo'onatac 'Enauacna, nache nacheñi Ñim Lo'onatac 'Enauacna da detaqa, cha'aye Ñimaye ỹami' Namaye da la'añaxac So Saqcha'a La'añaxac.

Juan 6:38

Cha'aye Aỹem saishet da sachegoqtot na piguem da ñanac da so'ot ca maiche sheetapeguec, chaqrata da ñanac da so'ot ca 'eetapeguec Ñim Lo'onatac 'Enauacna, cha'aye nacheñi Ñim Aỹem namaq.

Juan 8:11

Nache asomaye 'enapeco': –Qaica, 'am Ỹataxala'. Nache So Jesús 'enapego' asomaye, 'eeta': –Aỹem nataqa'en saishet da sauo'o ca 'arasouaxashet. Qaq nagui 'am qojec, qalaxaye saishet da qaltaq 'avi'eguelaxalec da 'auo'ot som qauem maye 'auo'ottac.]

Juan 17:18

Qaq de'era 'eetec da Aỹem 'anamaxa na huetalec ana 'alhua, qaq nachera da sheetec nataqa'en da Aỹem samaxa naamaye nam huetalec ana 'alhua.

Juan 17:25

'Am Ita'a, 'am ỹataqta no'on da 'arataxac, qalaxaye nam huetalec ana 'alhua saishet da ỹauatto'n naua ỹaỹamaqchiyiñi 'auo'o't. Aỹem qalaxaye 'am sauatton, qaq naua Aỹem 'anema mashe sogote da ỹaỹate'n da Aỹem 'aramaxashec.