Juan 3:12 - La'aqtaqa Ñim Lo'onatac 'Enauacna 2013

¹² Cha'aye qami' da saishet da Aỹem qaua'amaqchiñi da huo'otaq qami' sa'aqtaxaateguema da lataxac ana 'alhua, nache ¿hua'aguectoxo' da ishet da Aỹem qaua'amaqchiñi da qami' sa'axatema cam hueta'ague da piguem?

Nuevo Testamento Toba Sur

¹² Cha'ayi qami' da sa ishit da aÿim qau'amaqchiñi da huo'otaq qami' sa'axattapeguema nam huetalec ana 'alhua, nachi ¿huá'aguectoxo' da ishit da aÿim qau'amaqchiñi da qami' sa'axatema cam hueta'ague da piguem?

Nuevo Testamento Toba Sombrero Negro

¹² Qom jayem auoqoleguechi da'me ami ja'aĝatema gaa'me uo'oe jena'me aleua, ¿qo'li ja nach'e ena'am jayem auoqoleguechi qom ja'aĝate'tape gaa'me uo'oe di'me piyem?

Juan 3:12 Referans Kwoze

Hebreos 5:11

Qalota na qara'aqtaxanaxac da sa'axataq de'era, qalaxaye huo'o da lqalaic da ỹataqta sa'axataqtegue ca llec da qami' sa'axataqtema, cha'aye huo'o qanqa'eñi da lqalaic damaye.

Juan 3:8

Na la'at da nashiiyisheguem, qalaq maiche ỹoiqueetac ca dataigue. Qaq 'am 'aua'aqtega na l-lamaxa, qalaxaye saishet da 'auaỹaten cam chegoqchiguiña qataq cam taỹa'ague. Qaq, nache 'eeta'am da lataxac 'enauac na chegoqo'ot da lañoxoc So Saqcha'a Na'añaxac.

Juan 3:5

Nache So Jesús 'enapeco': –Aja', ỹataqta 'eesa de'era 'am sa'aqtaxanem, da ca saishet da nañan da qaltaq qanachelaxangui na 'etaxat qataq da nañanot So Saqcha'a Na'añaxac da naralaxat, nache camaye saishet da inoxoneua'a da lo'onataxanaxac Ñim Lo'onatac 'Enauacna.

1 Juan 4:10

Da ỹoqta 'eesa nauotaxanaqtaic saishet da chegoqchiguilo qomi' da sauotaxac Ñim Lo'onatac 'Enauacna, nachaqrata da Ñimaye qomi' ỹauoteque. Ỹoqo'oye namaxa ana 'alhua So Llalec, da yaqto' ỹapalaxat na qarasouaxashetpi chegoqchigui da l-leuaxa.

1 Timoteo 3:16

Qaq saishet da qaiqoleguet de'era 'eesa lataxac da qara'amqaanataxanaxac, cha'aye ỹataqta lta'araic da naigui llo'oxoyec: So Cristo nachaxan co'ollaxa, qalaxaye ỹacona da lataxac ca yo'oqchigui shiỹaxaua; qaq So Saqcha'a Na'añaxac ỹa'axat da saqca ca lasouaxashet Somaye, qaq ỹauaachigui Somaye 'enauac na chegaqasheguem lamaxashecpi Ñim Lo'onatac 'Enauacna. Qataq qaỹa'axatem 'enauac na ỹotta'a't shiỹaxauapi, qaq na shiỹaxauapi maye huetalec ana 'alhua ỹa'amaqten Somaye. Ime, qaq qaỹaueegue da piguem, nache Ñim Lo'onatac 'Enauacna ỹataqta nlaxatchigui da 'enec Somaye.

Juan 3:3

Nache So Jesús 'enapega somaye, 'eeta': –Aja', ỹataqta 'eesa de'era 'am sa'axatem, da ca shiỹaxaua da saishet da ỹe'eguelaxalec da qaltaq ñiguiñi, qaq camaye saishet da ila'a da lo'onataxanaxac Ñim Lo'onatac 'Enauacna.

Juan 3:11

Aja', qalaxaye ỹataqta 'eesa de'era 'am sa'axatem, da qomi' saỹatenaqta da sa'axataqtac, cha'aye ỹataqta sauanaqchigui. Qalaxaye qami' saishet da qaua'amaqchiñi da sa'axataqtac.