Juan 3:11 - La'aqtaqa Ñim Lo'onatac 'Enauacna 2013

¹¹ Aja', qalaxaye ỹataqta 'eesa de'era 'am sa'axatem, da qomi' saỹatenaqta da sa'axataqtac, cha'aye ỹataqta sauanaqchigui. Qalaxaye qami' saishet da qaua'amaqchiñi da sa'axataqtac.

Nuevo Testamento Toba Sur

¹¹ Aja', qalaxayi ÿataqta 'eesa de'eda 'am sa'axatem, da qomi' sa'axataqtac cam saÿajnaq qataq cam sauanaqchigui, qalaxayi qami' sa ishit da qomi' qau'amaqchiñi'.

Nuevo Testamento Toba Sombrero Negro

¹¹ Eja da'me am ja'aĝatem: queda'me qo'mi ja'aĝataqatac da'me jo'ne mach'e jayatenaq, nataq'aen jechoqotaqatac da'me jo'ne joote jauanaĝa. Qalaĝaja da'me ami ja auacoñiyeguet da'me jo'ne ñenaĝataĝaye.

Juan 3:11 Referans Kwoze

Juan 8:38

Aỹem nachaqrata da sa'axatta'ape naua Aỹem ỹapaxagueneque Ñim Ita'a. Qalaxaye qami' qauo'ocheeta'ape naua lapaxaguenataxanaxaco so qarta'ai.

Juan 14:24

Qaq cam saishet da Aỹem ỹauotec, camaye nataqa'en saishet da Aỹem ỹalaxaguet. Qaq de'era ỹa'aqtaxanaxac maye qana'axaỹaxañeetega, damaye saishet da ỹalamaxat; damaye chegoqo'ot Ñim Ita'a maye Aỹem namaq.

Juan 12:49

Cha'aye Aỹem nam ỹa'aqtaqa saishet da maiche ñallegoxottela't; cha'aye Ñim Ita'a maye Aỹem namaq, Ñimaye chegoqtot cam ỹa'aqtac qataq cam sapaxaguenataxanec.

Juan 8:14

Nache So Jesús 'enapeco': –De'era ỹa'aqtaxanaxac, damaye ỹataqta 'eesa, na'aictaxa da huo'otaq Aỹem maiche ña'axattapeguela't. Cha'aye saỹateeta ye sachegoqchiguiña, qataq dam sata'ague. Qami', qalaxaye saishet da qauaỹaañi.

Juan 7:16

Nache So Jesús 'enapeco': –Da ỹapaxaguenataxanaxac, damaye saishet da ỹalamaxat, damaye chegoqo'ot Ñim Aỹem namaq.

Juan 1:18

Qaica ca ishet da nma'ai' da ila'a Ñim Lo'onatac 'Enauacna, qalaxaye so 'oonolec Llalec maye ỹataqta neto'ot Ñimaye, Somaye nacheso so qomi' ỹauattonaxanaxaneque Ñimaye.

2 Corintios 4:4

Dam no'on na'axaỹaxac, damaye qomi' da'aqtaxanema da la'amaqchec So Cristo, qaq Somaye qomi' ỹachaxanalo da la'amaqchec Ñim Lo'onatac 'Enauacna. De'era na'aqtaxanaxac 'eroigui, 'eeta'am na le'eraxa aca ncoỹaraxanaxaqui. Qalaxaye nam saishet da ỹa'amaqten saishet da ila'a, cha'aye so pa'aguenataxanaxaic saishet da ỹashenem da ila'a.

Isaías 65:2

Imauec ye na'a'q da saatraue'c naua ihuaxaye, da yaqto' ñaueguela't nam nhuo' le'ecpi maye saỹalaq maye quetegueto naua qauema nqa'aico, qataq quetegueto naua maiche lhuennataxaco,

Juan 1:11

Qaq So Na'aqtac anaỹa ana 'alhua, qalaxaye na lauo' le'ecpi saishet da ỹaconeguet.

Lucas 10:22

Ime, nache So Jesús 'enapego' so shiỹaxauapi maye hueta'aguet Somaye, 'eeta': «Ñi Ita'a Aỹem imato'ot 'enauac na lataxacpi, qataq qaica ca Aỹem ỹauattoota da 'ena'am Ñimaye. Qataq Aỹem maye Aỹem Llalec, ỹataqta sauattoota Ñim Ita'a maye Lo'onatac 'Enauacna, qaica ca shena'am qataq maiche lleca'aua'a cam shiỹaxaua maye sauotaique da ỹauatton Ñimaye da 'ena'am Aỹem.»

Isaías 53:1

¿Negue't qome ca ỹa'amaqten da qara'aqtaxanaxac? Qataq Ñim Nataxala' ¿negue't cam ỹachaxana dam la'añaxac?

Isaías 50:2

¿Ta'ainco' co'ollaq ñevi', nache qaica ca selalec? ¿Ta'ainco' co'ollaq seỹaxan, nache qaica ca ỹasat? ¿Qaupicheetega peta'a da aỹem sañaloua'a da qami' ñeca'alaxatrec? ¿Qaupicheetega peta'a da sa sañoxot da qami' sesore'c? Qamaq aỹem ishet da choche 'oonolec ỹa'aqtac ca san nache deqaqa aso auaxai, qataq ana talapi qalaq ỹe'eguelaxa da toolec 'alhua, yaqto' na nỹaqpi ilem na laquip nache nchega souaxat da qaica ca 'etaxat.

Hechos 22:18

Aỹem sela'a So Qarataxala', nache aỹem 'eetega, 'eeta': «Sa 'anaỹaloxon qome da qoca'ai na Jerusalén, cha'aye saishet da qaỹaconeguet da 'ara'aqtaxanaxac da Aỹem 'aua'axattac.»

Juan 5:43

Ñimaye maiche Ita'a, qaltaq Aỹem namaq, qalaxaye qami' saishet da Aỹem qauacoñiiguet. Qalaxaye da huo'o ca anac da maiche ỹacoolec ca maiche 'eetapeguec, nache camaye qami' qauacoñiiguet.

Juan 3:13

Cha'aye saishet da huo'o ca taigue da piguem, nachaqcata cam chegaqa'ague da piguem, maye nachena nam Shiỹaxaua Llalec.

Juan 3:5

Nache So Jesús 'enapeco': –Aja', ỹataqta 'eesa de'era 'am sa'aqtaxanem, da ca saishet da nañan da qaltaq qanachelaxangui na 'etaxat qataq da nañanot So Saqcha'a Na'añaxac da naralaxat, nache camaye saishet da inoxoneua'a da lo'onataxanaxac Ñim Lo'onatac 'Enauacna.

Juan 3:3

Nache So Jesús 'enapega somaye, 'eeta': –Aja', ỹataqta 'eesa de'era 'am sa'axatem, da ca shiỹaxaua da saishet da ỹe'eguelaxalec da qaltaq ñiguiñi, qaq camaye saishet da ila'a da lo'onataxanaxac Ñim Lo'onatac 'Enauacna.

Mateo 23:37

¡Qami' shiỹaxauapi maye qoñiitaña na Jerusalén! ¡Qami' shiỹaxauapi maye qoñiitaña na Jerusalén! Qami' qaualauache co'ollaxa so la'aqtaxanaxanecpi Ñim Lo'onatac 'Enauacna qataq so lamaxashecpi maye qami' namaxalo Ñimaye. Aỹem ỹataqta qalota naxa da sauotaique da qami' ñepaxattaleguete da sheeta'am aca 'olgaxa da ltelaxa ca llalaqpi da nqapaxaatalec, qalaxaye qami' saishet da Aỹem qauaqaita'a.

Mateo 11:27

Ime, nache 'enapega som hueta'a yi'iye, 'eeta': «Ñim Ita'a Aỹem imato'ot 'enauac da lo'onataxanaxac qataq nachaqaỹemta da Aỹem ỹauatton, cha'aye Aỹem Llalec. Qaq qaica ca ishet da ỹauattoota Ñim Ita'a da 'eeta'am Aỹem. Ỹoqo'oye sauotaique da sa'aqtaxanem ca lỹa shiỹaxaua da sa'axat ñi Ita'a, yaqto' nataqa'en camaye ishet da ỹauatton Ñimaye.

Isaías 55:4

Aỹem sanem somaye da yaqto' aỹem ỹa'axat da da'aqtaxanem nam ỹotta'a't shiỹaxauapi, qataq nataxala' qataq ỹapaxaguen na ỹotta'a't shiỹaxauapi.

Apocalipsis 3:14

'Auauo'o nataqa'en aca 'ere, ime nache 'auamaxa ñi namaxashec maye ilotague' nam ỹa'amaqten So Jesús maye netaña ye nỹecpi ye Laodicea. Qoneta': ¡Aỹem maye ỹe'enaxat da 'Eesa! Qaq ỹe'enaxat de'era, cha'aye sapaxaguenataxaateguec da 'eesa na'aqtaguec Ñim Lo'onatac 'Enauacna, qaq saishet da satenataxaatac. Qataq chegoqchigui Aỹem da Ñim Lo'onatacna ỹo'ot 'enauacna. Ñaq 'ana'axaỹaxana dam 'am sa'axatem:

Juan 3:12

Cha'aye qami' da saishet da Aỹem qaua'amaqchiñi da huo'otaq qami' sa'aqtaxaateguema da lataxac ana 'alhua, nache ¿hua'aguectoxo' da ishet da Aỹem qaua'amaqchiñi da qami' sa'axatema cam hueta'ague da piguem?

Juan 8:26

Aỹem ỹataqta qalota na ỹa'aqtacpi da sa'axat 'enauac nam qauemsat maye qauo'ocheetac. Qaq Ñim Aỹem namaq, Ñimaye ỹataqta 'eesa dam la'aqtac, qaq 'enauac nam sa'axatem nam huetalec ana 'alhua, nachena na sa'aqchigui la'aqtacpi Ñimaye.