Juan 21:9 - La'aqtaqa Ñim Lo'onatac 'Enauacna 2013

⁹ Qaq co'ollaq ivittra so lqaxaỹaxa, nache ilaleguete so norec, qaq nache huetangui so nỹaq qataq huo'o aso nauole.

Nuevo Testamento Toba Sur

⁹ Qaq co'ollaq huenotreec, nachi qailalec so nodec ndoteec lpoqo, qaq huetangui so nÿaq, qataq huo'o aso pan.

Nuevo Testamento Toba Sombrero Negro

⁹ Mane'e ca'li nenochidi'ña jena'me aleua, qama'le yauata joga'me dole' jo'ne edetañgui, choqoga'me niyaq jo'ne uetañgui nataq'aen jaga'me pan.

Juan 21:9 Referans Kwoze

Juan 21:13

Nache So Jesús nquigueuo, nache ỹacona aso nauole 'ayiiña, nache ỹanoiguilo soomaye, qataq nache 'eeta'am naqa'en so nỹaq.

Juan 21:10

Nache So Jesús 'enapegalo' soomaye, 'eeta': –Ñaq huo'o ca qandoita nam nỹaqpi maye cheta'ague da qanqacheesheguem.

Juan 18:18

Qaq cha'aye ỹataqta atom, nache som namaxashecpi qataq som huataxanaqpi maye nauaatalec aso no'onaxanaxaqui late'erai ỹo'ot so l-le', nache nachattañipi da ntootac. Qaq so Pedro nataqa'en ỹalectaigui somayepi, ntootac se'eso norec.

Marcos 8:3

Qaq da huo'otaq shenapega namayepi da taỹalo naua lma'ate da saxanaxa da deque'e, nache yo'oqta qome da huo'o ca decopche da huangui na nqa'aic, cha'aye namayepi huo'o na ỹataqta qaỹoqta ca chegaqa'ague.

Mateo 4:11

Nache so pa'aguenataxanaxaic, somaye ca'ai So Jesús, nache saqaỹaloq da anac so lamaxashecpi Ñim Lo'onatac 'Enauacna da huetague' So Jesús.

Juan 6:9

–Huo'o da nogotolec hueta'a ne'ena. Damaye huo'oi daua ỹacheta'ape cincole nauolel chegaqaigui na cebada, qataq daua dos nỹaxaye. Qalaxaye, daamaye ỹataqta qaica ca la'amaqche'c, saishet da nalouec da qoỹanoigui ne'ena shiỹaxauapi.

Juan 6:11

Nache So Jesús ỹaconalo soua nauolel, ime, nache ỹanot da na'achecỹaxac Ñim Lo'onatac 'Enauacna. Qaq co'ollaq imat da ỹanot da na'achecỹaxac Ñimaye, nache ỹanoiguilo soua lapaxaguenataqa. Qaq soomaye, nache ỹanoiguilo 'enauac som nso'ootañipi. Nataqa'en ỹe'enaxatchigui naqa'en soua nỹaxaye da ỹanoigui 'enauac somayepi, choche ivitta'a da comaraxaicpi.

Juan 21:8

Qaq soua lỹa't napaxaguenataqa qalaq ivittra'ata so loigue da netrangui aso l-llocta', ỹauogoleeta'atalo so lalegue'c ỹataqta nlaqchigui na nỹaq, cha'aye se'eso le'ego ivi' ca cien metro ye lshequetta.