Juan 21:7 - La'aqtaqa Ñim Lo'onatac 'Enauacna 2013

⁷ Nache so lapaxaguenatac maye ỹataqta nauochaxaua So Jesús, somaye 'enapego' so Pedro, 'eeta': –¡Nachera da Qarataxala'! Nache co'ollaq choche hua'aqchigui de'era so Simón Pedro da nacheso So Qarataxala', nache ỹaayiñi soua alogo maye nqa't co'ollaxa da ya'aco, nache parenaxangui so 'etaxat.

Nuevo Testamento Toba Sur

⁷ Nachi som napaxaguenatac mayi ÿataqta nauochaxaua so Jesús, somayi 'enapego' so Pedro, 'eeta': –¡Nachida da qadataxala'! Nachi co'ollaq chochi hua'aqchigui de'eda so Simón Pedro da nachiso so qadataxala', nachi ÿaayiñi soua alogo (cha'ayi somayi nqa't co'ollaxa soua alogo), nachi padenaxangui so 'etaxat.

Nuevo Testamento Toba Sombrero Negro

⁷ Chane'eja ñe'me napaĝaguenatac jo'ne yataqata nauotaĝaua joñe'me Jesús t'aqataĝanem joñe'me Pedro, enaac: —¡Naqaeñe ñe'me Qadejaliaĝanec! Mane'e da'me domachiya ñe'me Simón Pedro da'me naqaeñe joñe'me Jaliaĝanec, qampaja'a da'me nejachegue jaga'me lapoto, da'me qaya'te louo laqaya ta'le yatañe, qama'le tañgui joga'me noĝop.

Juan 21:7 Referans Kwoze

Juan 13:23

Qaq huo'o so 'oonolec soua lapaxaguenataqa So Jesús, som ỹataqta nauochaxaua, qaq somaye nache netaua'a na laỹe da lquia'axaua.

Juan 20:2

Nache asomaye jec, nqalgoqtaua'a ca hueta'a so Simón Pedro qataq so lỹa napaxaguenatac som ỹataqta nauochaxaua So Jesús. Nache 'enapegalo', 'eeta': –So Qarataxala' qanqateeguesop co'ollaxa añi nhuachiqui, qaq qomi' saishet da saỹaanaq ca qaỹacha'ague camaye.

Juan 19:26

Nache So Jesús co'ollaq ila'a aso late'e da nachattañi, huaqta'ai' som lapaxaguenatac maye ỹataqta lauotaxat, nache 'enapego' aso late'e, 'eeta': –'Am 'alo, 'era qome da 'aỹa'alec.

2 Corintios 5:14

Da lsoxoyec So Cristo nachera da qomi' ỹauecta'agueta, cha'aye qomi' saỹaanaqta da 'oonolec so ileualec 'enauac na shiỹaxauapi, qaq ỹoqo'oye 'enauac na shiỹaxauapi 'eeta'am nataqa'en da ileu.

Juan 21:24

Qaq nacheso se'eso napaxaguenatac, som ỹa'axattac 'enauac de'era, qataq maiche ỹiyiñi. Qaq qomi' saỹaanaq da ỹoqta 'eesa de'era 'enapec.

Juan 21:20

Qaq co'ollaq namatapec so Pedro, nache ila'aguet so napaxaguenaxaua maye ỹataqta nauochaxaua So Jesús, som huetaua'a co'ollaxa na laỹe co'ollaq huo'o so lquia'axa'c so na'a'q le'enaxat Lapascua, som inattac somaye co'ollaq 'eeta': «'Am Ỹataxala', ¿chaq negue't cam taỹa'a da 'am ỹaneuo?»

Hechos 10:36

Ñim Lo'onatac 'Enauacna namaxa co'ollaxa na Israel le'ecpi da la'aqtac, dam la'aqtac maye ỹo'ot da nlagaxayec, chegoqchigui So Jesucristo, Som Lca'aguishec qataq Lataxala' 'enauac na shiỹaxauapi.

Hechos 2:36

Ỹoqo'oye qami', Israel le'ecpi, iuen da ỹataqta qauaỹaañita de'era, da So Jesús maye qami' qauaxañiiuo co'ollaxa, nacheso so ỹanagui Ñim Lo'onatac 'Enauacna da Qarataxala' qataq Lca'aguishec Ñimaye.

Lucas 7:47

Añimaye ỹataqta lta'araic da lauotaxanaqtaic Aỹem, cha'aye ỹaỹaten da na qalota lasouaxashetpi mashe qaỹapalaxat. Qalaxaye ca saq 'amaqtaq na lasouaxashetpi maye qaỹapalaxat, camaye saq 'amaqtaq da lauotaxanaqtaic.

Lucas 2:11

¡Ye Qarca'alaxaqui mashe ñiguiñi hueta'a ye Belén! ¡Nacheye ye Lca'aguishec Ñim Lo'onatac 'Enauacna qataq Nataxala'!

Marcos 11:3

Qaq da huo'o ca qami' ina't, da ta'ainco' da qausoiteguec, nache qaua'aqtaxañim qome qoñiita': «Ñi Qarataxala' iuen namaye, qalaxaye qom imat, nache ñe'eguelaxataq.»

Cantares 8:7

Na 'etaxat maye huetangui 'enauac ana auaxai saishet da ỹalamat de'era nauotaxanaqtaic, qataq na talapi saishet da imeuo naqa'en damaye. Da huo'o ca nshetaique da ỹaneguet 'enauac da lsallaxa da nmeneguet naqa'en de'era nauotaxanaqtaic, camaye ndotec da ne'enaguec ỹaconeguet.

Salmos 118:23

Damaye nachera da ỹo'ot co'ollaxa Ñim Nataxala', qaq damaye ỹo'ot da qara'aalaxa.

Santiago 2:1

Qami' ỹaqaỹarolqa, qami' maye qaua'amaqchiñiitac so 'añaxaic Qarataxala' Jesucristo, saisheto' qome da qalca'aitagui na shiỹaxauapi da qoñiitega huo'o ca ỹactec da 'onaxaic, qaq ca lỹa qalaq saishet.

1 Corintios 15:47

So hua'auchiguiñi shiỹaxaua, qaỹachegoxotaigui ana 'alhua. Qalaxaye so pa'atec shiỹaxaua, Somaye chegoqo'ot na piguem.

Juan 20:28

Nache so Tomás 'enapeco': –¡'Am Ỹataxala' qataq 'am Ita'a maye 'Aro'onatac 'Enauacna!

Juan 20:20

Qaq co'ollaq ime da 'enapec de'era Somaye, nache ỹachaxa'n naua lhua'q qataq na laỹe. Nache soomaye ỹataqta huo'o da ntonaxa'c da iloro'ot So Qarataxala'.

Lucas 12:35

Qami' iuen da nache 'eetai' da qami' lhuotte'. Iuen da qoñiita'am ca namaxashecpi maye ca na'aco' nqo'ona ca naronaxac. Camayepi nache 'eetai' da nlotauec qataq 'ettaigui aca lcoỹaraxanaxaqui, iuattaique cam na'aco' da deỹaxan da netaigui ca lasom, nache sa naỹaloxon da ỹauateguet.

Juan 21:8

Qaq soua lỹa't napaxaguenataqa qalaq ivittra'ata so loigue da netrangui aso l-llocta', ỹauogoleeta'atalo so lalegue'c ỹataqta nlaqchigui na nỹaq, cha'aye se'eso le'ego ivi' ca cien metro ye lshequetta.