Juan 21:25 - La'aqtaqa Ñim Lo'onatac 'Enauacna 2013

²⁵ Nataqa'en ỹataqta qalota co'ollaxa na laỹepi ỹo'otpi So Jesús, qaq namayepi ctaxa da 'enauac da qoỹiyiñi, nache aỹem sepeta'a da saishet da nalolec ana 'alhua aca nerepi maye ishet da qoỹeraxaalec. Aja', nache 'eetec de'era.

Nuevo Testamento Toba Sur

²⁵ Nataq'en ÿataqta qalota co'ollaxa na laÿi i'otpi so Jesús, qaq namayipíctaxa da 'enauac da qoÿiyiñi, nachi aÿim sepeta'a da ÿoqta sa ishit qome da nalolec ana 'alhua ana nedepi mayi qoÿiyiñi. Aja', nachi 'eetec de'eda.

Nuevo Testamento Toba Sombrero Negro

²⁵ Nataq'aen uo'oe qayoĝode' jogaa'me 'nanaqa laqaya' jo'ne e'n di'yo't ñe'me Jesús. Qalaĝaja ta'le onolqa'tape qoyedidiñe, jeetapega yema jena'me aleua ja nalodelegue gaa'me nedel jo'ne qoyachalo'te da'me qoyediñe.

Juan 21:25 Referans Kwoze

Salmos 40:5

'Am Nataxala' qataq Ñatamnaxala', ỹataqta qalota na ỹo'ot da na'aalaxa maye 'auo'ot co'ollaxa. Saishet da qaivi' da qanaloqten da 'arauotaxanaqtaic da shenaqta. Qaq huo'o da iyaxa da sa'axatec damaye, qalaxaye saishet da sevi' da sa'axat ye lcata.

Salmos 71:15

qaq 'enauac qome ye na'a'q da 'am sa'axattac, da nache 'am da qomi' 'anca'alaxatrec, qataq qomi' 'anema da ỹaỹamaqchiguiñi lataxac. Qaq na'aictoxo' da sa sevi' da saỹaten ca lcata damaye.

Da na'aqtaguec so Job 26:14

Qaq de'era, 'eeta'am da laỹolec 'enauac na lo'onatacpi, qaq de'era sa'axasoqchigui nagui, damaye 'eeta'am da l-lamaxa ana qo'oipaq lauepi. ¿Qalaxaye negue'tom ca ishet da ỹaỹateeteguet da ivita da dellimigui naqa'en da la'añaxac Ñimaye?»

Hebreos 11:32

Qaq ¿negue't ca lỹa ishet da qami' sa'aqtaxanema? Cha'aye mashe qaica ca iraqa' da qami' sa'axatema da lpi'iỹaxac Ñim Lo'onatac 'Enauacna so Gedeón, Barac, Sansón, Jefté, David, Samuel, qataq so laỹepi la'aqtaxanaxanecpi Ñimaye.

Hechos 10:38

So Jesús maye Nazaret le'ec. Qaq Ñim Lo'onatac 'Enauacna ỹanem co'ollaxa da la'añaxac Somaye So Saqcha'a Na'añaxac Qui'itta. Qaq Ñimaye ye hueta'aguet So Jesús, nache Somaye nache 'eetai' naxa da ỹo'ottac na ỹaỹamaqchiguiñi qataq nataren 'enauac nam huetalec da la'añaxac so pa'aguenataxanaxaic.

Hechos 20:35

Qaq nache 'eetai' da qami' sapaxagueetapegueque de'era, da ca shiỹaxaua iuen da do'onataxan yaqto' ishet da itauan cam huo'o da lhuenaxanaxa. Qaq ỹoqo'oye ñetoonaqta'ac qome da la'aqtac co'ollaxa So Qarataxala' Jesús, maye 'eeta': Ñim Lo'onatac 'Enauacna ntootapeguec cam «ỹataqta machiguiñi da dachetaqtaxan, qaq saq 'ena'am cam choche qaỹachet.»

Mateo 11:5

Nagui nam sanauaañi, qalaq nauaachiguiñi, qataq nam ñe'eerauo naua lchel, qalaq queuoỹapigui', qataq nam nchega na lo'oc, qalaq no'oita, qataq nam sa hua'aqa, qalaq ishet da hua'aqa, qataq na mashe ileu, qalaq nca'alec qanqa'en, qataq nam choxoraqpi, qalaq qaỹa'axatem da no'on na'axaỹaxac maye chegaqaigui da nca'alaxa.

Eclesiastés 12:12

Qaq nagui 'am ỹalcolec, 'auasateguet qome ca nvitaqtaxanaxac. Cha'aye da qaỹo'ot aca qalota nerepi qalaq qaica ca loga't, qataq da qalota da paxaguenaxac nache damaye ỹo'ot da nasamaxa.

Amós 7:10

Qaq so Amasías, maye ntaxaỹaxanaxanec ye Betel, ỹamaxa da la'aqtac so Jeroboán, maye nta'a ye Israel, 'eeta': «So Amós, quetagui na Israel le'ecpi da 'am quetapeguelec, qaq ne'ena shiỹaxauapi sa iuen da nache queta da na'axaỹaxaatega somaye.

Mateo 19:24

Qaq ỹoqta 'eesa da saqalaq aca shiguiỹac le'enaxat nauanaxanaxa da taigui qanqa'en ca lauac aca qana, qaq saq 'ena'am da lqalaic ca sallaxanec da inoxoneua'a da lo'onataxanaxac Ñim Lo'onatac 'Enauacna.

Marcos 5:16

Qaq som shiỹaxauapi maye ỹauaachigui de'era ỹo'otec So Jesús se'eso ỹale, somayepi da'aqtaxaatapeguem 'enauac so laỹepi shiỹaxauapi.