Juan 21:23 - La'aqtaqa Ñim Lo'onatac 'Enauacna 2013

²³ Nache jec de'era na'aqtaxanaxac da huetaigui som ca'attague'pi So Jesús da se'eso paxaguenaxaua, somaye qoỹeetega da saishet da ileu. Qalaxaye So Jesús saishet da 'eetega somaye da saishet da ileu. Cha'aye de'era 'enapec, 'eeta': «Da Aỹem ñeshetaique namaye da nache 'eetai' da nca'altauec, choche ivitta'a qom Aỹem ñe'eguelaq, qaq ¡'am saishet qome da 'atapegueua'a namaye!»

Nuevo Testamento Toba Sur

²³ Nachi jec de'eda n'aqtaxanaxac som nqaÿañicpi da se'eso apaxaguenaxaua, somayi sa ishit da ileu. Qalaxayi so Jesús sa ishit da 'eetega somayi da sa ishit da ileu. Cha'ayi de'eda 'enapec 'eeta': “Da aÿim ñishitaique namayi da nachi 'eetai' qome da nca'altauec, chochi ivitta'a qom aÿim ñi'iguelaq, qaq ¡'am sa ishit qome da 'atapegueu'a namayi!”

Nuevo Testamento Toba Sombrero Negro

²³ Jena'me jenjo' 'laqatac qodomachiya'at jogaa'me laqaya'olqa queda'me uotaĝa ja yitaĝa yeleu da'me dojo' napaĝaguenatac, qalaĝaja ñe'me Jesús ja eetac da'me ja yeleu ga'me lapaĝaguenatac, dite da'me naq'aeta da'me eetac ca'li: “Qom jepaquetapega ta'le nec'aletaye chayovida'a qom yitaĝa 'ñiyelaq, qama'le ¿toqoch'e auepaquetapega ta'le auayaten?”

Juan 21:23 Referans Kwoze

Da na'aqtaguec so Job 33:13

¿Ta'ainco' da 'ancotatague' Ñimaye, ye saishet da ỹasateguet ca 'oonolec nam 'ara'aqtacpi?

Deuteronómio 29:29

Nam saqcha'a lataxacpi namayepi lalamaxatpi Ñim Nataxala' maye Qanatamnaxala', qalaxaye nam yo'oqta lataxacpi namayepi qomi' qaỹachaxanalo qome, qataq ca qoyalaqpi, yaqto' sepagaqtelec da so'otaq 'enauac ne'ena na'aqtacpi ne'ena qoỹan nqataxacpi.

Hechos 1:15

Qaq se'esoua na'axa'te, nache so Pedro nachangui na laiñi so lqaỹañecpi maye ivi' ye ciento veinte shiỹaxauapi. Nache 'enapega, 'eeta':

Daniel 4:35

Nam huetalec ana 'alhua qalaq qaica ca la'amaqchec da nachatto'ot Ñimaye, qataq Ñimaye da huo'o ye ỹo'ot qalaq maiche ca ỹataxaateuga, nam hueto'ot na piguem qataq nam huetalec ana 'alhua. Qataq qaica ca ishet da dataỹa'aguet da la'añaxac, qataq da ichemaxattac nam ỹo'otpi Ñimaye.

Da na'aqtaguec so Job 28:28

Nache Ñimaye 'enapego' na shiỹaxauapi, 'eeta': ‹Da huo'o naq 'enec qanqa'en Ñim Nataxala', nachera da ỹoqta 'eesa naỹaanec›, qataq da qanayeca'ai na qauemsat, ‹nachera da ỹo'ot da qaica ca qanqalaate'.›»

Mateo 16:27

Cha'aye Aỹem Shiỹaxaua Llalec, saqaỹaloq da ñe'eguelaq ñanactaigui da la'añaxac Ñim Lo'onatac 'Enauacna qataq na ỹamaxashecpi da yaqto' sanem ca laueguec nam 'onaxaic nam ỹo'ottacpi qataq sauo'o ca nhuaxanaguec na qauem nam ỹo'ottacpi.

Hechos 6:3

Qaq ỹoqo'oye qami' qarqaỹa't, qanmichiỹapigui caua siete ỹale't da qoñiita, cam nache 'eetai'salo da npe'e'te, qataq huo'o na ỹaỹate'n, qataq nlaqchiguilo da la'añaxac So Saqcha'a Na'añaxac Qui'itta, qaq nachecaua ca qaupataqaileguete de'era no'onataxanaxac.

Hechos 28:14

Nache huaña, qaq huo'oi soua ñatenaqaleguete qarqaỹa't, nache soomaye qomi' 'eetegalo da seviraxataqtre'c caua siete na'axa'te da souaqa'a yemaye. Qaq can ime, nache qaltaq qolaq da saxague da Roma.

1 Corintios 4:5

Qaq ỹoqo'oye qami', saishet da qaua'aviỹalec da qanmichi ca qarỹai, nato' qom ñe'eguelaq So Jesucristo. Qaq qom ñe'eguelaq Somaye, nache ỹachaxan nam saqcha'a qataq nam iuennatega ñi 'oonolec. Nache Ñim Lo'onatac 'Enauacna ỹo'oxoren ñi 'oonolec, chegoqchigui cam ỹo'ot.

1 Corintios 11:26

Qaq da ivita da qolliqui ana'ana nauole, qataq qanỹomiigui ana'ana ỹomaxaqui, nache qaua'axacheetac da l-leuaxa So Qarataxala' Jesús, choche ivitta'a ca na'a'q da ñe'eguelaq Somaye.

Santiago 5:7

Qalaxaye qami' ỹaqaỹa't, ỹataqta qauauo'oi da qanhualaxaunaxaqui, qataq saishet da leetapigui ye qarvilli, cha'aye mashe saqaỹaloq da nvi' So Cristo maye Qarataxala'. No'on da qaue'enaxache da lataxac na shiỹaxauapi maye netauga na no'onaxa, da ỹataqta huo'o da lhualaxavic da iuattaique ca auot, qataq nataqa'en huo'o da naquitaxac da ana 'alhua ỹami' ca no'on ala ca lañiguishec.

Apocalipsis 2:25

da nache queto'ot da Aỹem ỹa'amaqteetac, choche ivitta'a ca laloqo' da ñe'eguelaq.