Juan 21:22 - La'aqtaqa Ñim Lo'onatac 'Enauacna 2013

²² Nache So Jesús 'enapeco': –Da Aỹem ñeshetaique da namaye nache 'eetai' da nca'altauec, choche ivitta'a qom Aỹem ñe'eguelaq, qaq ¡'aua'aqta'a qome namaye, saishet da 'atapegueua'a! 'Am, qalaxaye Aỹem qoquegue.

Nuevo Testamento Toba Sur

²² Nachi so Jesús 'enapeco': –Da aÿim ñishitaique da namayi nachi 'eetai' qome da nca'altauec, chochi ivitta'a qom aÿim ñi'iguelaq, qalaxayi ¡'auauaqta'a qome; sa ishit da 'atapegueu'a namayi! 'Am, qalaxayi aÿim qoquegue.

Nuevo Testamento Toba Sombrero Negro

²² Jesús 'yateguet joñe'me: —Qom jepaquetapega ta'le nec'aletaye chayovida'a qom yitaĝa 'ñiyelaq, qama'le ¿toqoch'e auepaquetapega ta'le auayaten? Da'me am, nach'edata da'me adema'a da'me jayem oquegue.

Juan 21:22 Referans Kwoze

Marcos 9:1

So Jesús nataqa'en 'enapeco': –Ỹataqta 'eesa de'era qami' sa'axatema, da huo'o nagui nam ỹalectauopi nam saxanaxa qome da ileu, ivitta'a da ỹauaachigui da lo'onataxanaxac Ñim Lo'onatac 'Enauacna qataq da la'añaxac da ilo'ogue 'enauacna.

Apocalipsis 2:25

da nache queto'ot da Aỹem ỹa'amaqteetac, choche ivitta'a ca laloqo' da ñe'eguelaq.

1 Corintios 4:5

Qaq ỹoqo'oye qami', saishet da qaua'aviỹalec da qanmichi ca qarỹai, nato' qom ñe'eguelaq So Jesucristo. Qaq qom ñe'eguelaq Somaye, nache ỹachaxan nam saqcha'a qataq nam iuennatega ñi 'oonolec. Nache Ñim Lo'onatac 'Enauacna ỹo'oxoren ñi 'oonolec, chegoqchigui cam ỹo'ot.

Apocalipsis 3:11

Qaq Aỹem saqaỹaloq da ñanac. Qaq ỹoqo'oye qoqueto'ot da 'aua'amaqteetac Aỹem, yaqto' saishet da huo'o ca ỹacona ca 'ansheetenaxat.

Santiago 5:7

Qalaxaye qami' ỹaqaỹa't, ỹataqta qauauo'oi da qanhualaxaunaxaqui, qataq saishet da leetapigui ye qarvilli, cha'aye mashe saqaỹaloq da nvi' So Cristo maye Qarataxala'. No'on da qaue'enaxache da lataxac na shiỹaxauapi maye netauga na no'onaxa, da ỹataqta huo'o da lhualaxavic da iuattaique ca auot, qataq nataqa'en huo'o da naquitaxac da ana 'alhua ỹami' ca no'on ala ca lañiguishec.

1 Corintios 11:26

Qaq da ivita da qolliqui ana'ana nauole, qataq qanỹomiigui ana'ana ỹomaxaqui, nache qaua'axacheetac da l-leuaxa So Qarataxala' Jesús, choche ivitta'a ca na'a'q da ñe'eguelaq Somaye.

Juan 21:19

Qaq de'era 'enapec So Jesús, damaye naigui da huotaique da ỹaỹaanaxanaxanec da 'eetec qome da l-leuaxa so Pedro qataq da 'eetec da ỹo'oxoren Ñim Lo'onatac 'Enauacna. Qaq co'ollaq ime, nache 'enapego' somaye, 'eeta': –¡Aỹem 'auca'ategue!

Mateo 24:44

Qaq ỹoqo'oye nache 'eetec nataqa'en da qoñiita, iuen da qanloitec qataq qanaỹamaxacheetai' qome. Cha'aye Aỹem Shiỹaxaua Llalec ñevi' qom mashe saishet da Aỹem qaỹauotaique.

Apocalipsis 22:20

Qaq som ỹa'axattac de'era 'eeta': «Aja', Aỹem ỹoqta 'eesa da saqaỹaloq da ñanac.» ¡Aja', nache 'eetec! ¡Ña 'auanac, 'am Qarataxala' Jesús!

Apocalipsis 22:7

«¡Ỹataqta qana'axaỹaxañiichiguiñi! ¡Aỹem saqaỹaloq da ñanac! Qaq Ñim Lo'onatac 'Enauacna ỹaalec da nqouagaxa cam ỹalaxalec de'era na'aqtaxanaxac maye nanettalec ana'ana nere.»

Apocalipsis 1:7

¡Ñaq qauloỹa! ¡Na Cristo mashe anacta, netalec na lo'oc na piguem! 'Enauac da qailota'aguet da anacta, ivira'a nam ỹalauat co'ollaxa; qataq nataqa'en 'enauac na huetalec ana 'alhua, nỹen souaxat namaye. 'Era dam 'eetec qome, ¡aja', nache 'eetec!

Mateo 25:31

Qaq Aỹem Shiỹaxaua Llalec qom ivita da ñe'eguelaq, nache ca iviraxac 'eeta'am da lviraxac ca nta'a 'añaxaic, Aỹem coleesop na ỹamaxashecpi nache ñeso'ongui aca ñeso'onaxaqui da Aỹem Nta'a.

Mateo 24:27

Cha'aye Aỹem Shiỹaxaua Llalec qom ñanac, nache saishet da ñeqañoxottañi. 'Enauac da Aỹem qaila'a, cha'aye que'eca iviraxac 'eeta'am ca nqashelgaxa da nqashilliguiñi qalaq imata na piguem.

Mateo 24:3

Qaq co'ollaq ime de'era, nache So Jesús qataq soua lapaxaguenataqa taresheguemec aso saqaỹoqotcheguemec 'alhua maye nanqa' ana Olivo. Nache So Jesús nso'ooñi, nache co'ollaq ndoteto soua lapaxaguenataqa, nache qainat Somaye, qoỹeeta': –Sauoqtaique da qomi' 'aua'axatema ¿chaq lagui qaq ivita de'era, da qailaxachigui añi no'onaxanaxaqui late'erai? ¿Ca 'eetec da saỹaanaq da ỹoltaq 'añe'eguelaq qome, qataq da ivita cam loga't ana 'alhua? ¿Chaq 'eetec ca la'anaxat qome?

Mateo 8:22

Nache So Jesús 'enapeco': –Aỹem 'auca'ategue, cha'aye ỹoqta ỹactec da 'onaxaic da Aỹem 'auca'ategue nagui. ¡Ñaq 'aua'axaỹa'a nam leuaxaicpi da ilayiñi nam lqatacpi!

Mateo 16:24

Nache So Jesús 'enapegalo soua lapaxaguenataqa, 'eeta': «Da qami' qansheetaique da qami' ỹapaxaguenataqa, nache iuen da qaucoviỹa'ai da qauo'oche ca maiche qoñiitapeguec. Nachaqrata da iuen da qami' lhuotte', na'aictaxa da qami' qaỹalaua't. Qataq qaualaqaiguet ca ỹa'aqtac.

Juan 21:21

Qaq so Pedro co'ollaq ila'aguet somaye, nache inattac So Jesús, 'eeta': –'Am Ỹataxala', qaq ne'ena cha'aguet ¿chaq 'eetec qome ca taỹa'a?

1 Ts 2:19

Huo'o da qaryaxa da qami' ñauanaxato, cha'aye So Qarataxala' qom ñe'eguelaq, nache qomi' iỹaxanoto qome da sanaxaua'a da qaro'onataxanaxac, nache qomi' qome huo'o da qana'amqaanaxac, qataq da qantonaxac souaxat da qaro'onataxanaxac da qoñiita.