Juan 21:15 - La'aqtaqa Ñim Lo'onatac 'Enauacna 2013

¹⁵ Qaq co'ollaq ime da lquia'axa'c, nache So Jesús inat so Simón Pedro, 'eeta': –'Am Simón maye 'am llalec so Jonás, ¿peta'a ỹoqta Aỹem 'arauotaxat, qaq saishet da qoneta'am ne'ena 'araỹepi? Nache so Pedro 'enapeco': –Aja', 'am Ỹataxala', 'am 'auaỹaten mque' da 'am sauotec. Nache So Jesús 'enapego' somaye, 'eeta': –'Antela'a qone' na ilopi qagueta llalaqpi.

Nuevo Testamento Toba Sur

¹⁵ Qaq co'ollaq ime da nqui'axac, nachi so Jesús inat so Simón Pedro, 'eeta': –'Am Simón mayi 'am llalec so Jonás, ¿peta'a ÿacteec da aÿim 'auauotec, qaq sa ishit da qoneta'am ne'ena 'adaÿipi da aÿim ÿauotec? Nachi so Pedro 'enapeco': –Aja', 'am ÿataxala', 'am 'auaÿaten mque' da 'am sauotec. Nachi so Jesús 'enapego' somayi, 'eeta': –'Antela'a qone' na ilopi qagueta llalaqpi.

Nuevo Testamento Toba Sombrero Negro

¹⁵ Ca'li yem da'me niqui'yaĝac, qama'le Jesús yenat ñe'me Simón Pedro: —Simón jo'ne am lec'oĝot ñe'me Juan, ¿qo'li yataqachiñe jayem adoqopita, da'me ja ena'ama naa'me naajo' adaqaya'? Pedro 'yateguet joñe'me: —Jaja'a, Jaliaĝanec, joote auayaten da'me am jauotec. Qama'le Jesús enaac: —Qama'le 'noota qom adetelalo naa'me yoqo'te, jo'ne ena'am ta'le yelopi 'naĝanaĝate lec'oqote.

Juan 21:15 Referans Kwoze

Romanos 15:1

Qomi' maye ỹoqta saỹaanaqta da 'eetapeguec Ñim Lo'onatac 'Enauacna, saishet da nda'a't da seuennaqtega cam 'onaxaic maye maiche qomi' taleguete. Nachaqrata da qomi' setauanaq nam saxanaxa da da'añi da lpi'iỹaxac.

1 Juan 4:19

Qomi' ỹataqta sauotaxac na qarqaỹañicpi, cha'aye Ñim Lo'onatac 'Enauacna hua'auñi da qomi' ỹauoteque.

Isaías 40:11

Qaq namaye anac 'eeta'am ca qagueta lo'o da ilotague' ana lalo qaguetapi, qataq nsoqteuo da ỹachetac na qagueta llalaqpi ỹachetelec ana ltogue, qataq ntela'a da huetague' ana cheta'ague da deco'otac.

1 Pedro 1:8

Qami' na'aictaxa da saishet da qanmiỹa'ai' da qauloito'ot So Jesucristo, qalaxaye qauauochec qataq qaua'amaqchiñi Somaye, qataq huo'o da qantonaxaqui ỹataqta lta'araic qataq 'onaxaic, qaq damaye saishet da qaỹañoxot da ỹataqta qaỹa'axatta.

Efesios 6:24

Qaq Ñim Lo'onatac 'Enauacna, ỹanem qome ca no'on 'enauac nam saishet da ỹalat da lauoche So Qarataxala' Jesucristo.

Hechos 20:28

Qaq ỹoqo'oye ñi 'oonolec da qoñiita ỹataqta ntel-la't, qataq nataqa'en qarchilliỹa'a 'enauac na 'amqaanataxanaxaicpi maye qami' ipataxagueta So Saqcha'a Na'añaxac Qui'itta da yaqto' qauloỹeegue. Namayepi maiche lalamaxatpi Ñim Lo'onatac 'Enauacna, lsheenaxanaxatpi, lasheue co'ollaxa soua ltago'q so maiche Llalec.

1 Juan 5:1

Da sa'amaqtenaq So Jesús da nacheso So Lca'aguishec Ñim Lo'onatac 'Enauacna, nache 'eesa da qomi' llalaqpi Ñimaye. Cha'aye da sauotaxac Ñim Nta'a, nache iuen nataqa'en da sauotaxac na llalaqpi Ñimaye.

Juan 16:27

Ñimaye qami' ỹauoteque, souaxat da Aỹem qauauochec, qataq qaua'amaqchiñi Ñim Ita'a maye Aỹem namaq.

Jeremías 3:15

Qaq sanem qome cam nataxala'pi maye ỹo'ot cam sheetapeguec, qataq huo'o da laỹaanec qataq da laỹaanataxanaxac da ilo'ogue namayepi.

Ezequiel 34:23

Aỹem so'ot qome da ñe'eguelaq so ỹamaxashec David, nache sanem da nachesota da ilo'ogue ana ilopi qaguetapi, qaq somaye nacheso qome so ilo'ogue anamayepi.

1 Pedro 2:25

Qami' co'ollaxa qoñiita'am aca qaguetapi maye isomtac, qalaxaye nagui mashe qañe'eguelaqaiua'a So Cristo maye 'eeta'am ca ilotague' ana qagueta, qataq npaxattalec.

Hebreos 4:13

Qaica ca 'oonolec nam lo'onatacpi Ñim Lo'onatac 'Enauacna da huo'otaq ishet da nqañoxocheesop Ñimaye. Cha'aye Ñim Lo'onatac 'Enauacna da ilotalec 'enauac namayepi, qalaq ỹataqta yo'oqta. Qaq ỹoqo'oye da ñachaataxaua'a Ñimaye qalaq ñachoxola't da ñañanaxaguet cam naigui 'enauac nam so'otaq.

Lucas 22:32

Qalaxaye Aỹem 'am ñeqouagaxaueetapeguelec, da yaqto' saishet da saqca ca 'arpi'iỹaxac Aỹem. Qaq 'am qom ivita da Aỹem 'añe'eguelqot, nache 'autauan qome na 'arqaỹañecpi da yaqto', nache 'eetai' da lpi'iỹaxac.

Hebreos 13:20

Ñim Lo'onatac 'Enauacna ỹo'otec So Qarataxala' Jesús da qaltaq ỹe'eguelaxalec da nca'alec. Qaq So Jesús qalaq 'eeta'am naqa'en da qomi' lalopi qagueta, qaq Somaye qalaq 'eeta'am ca ilotague' aca qaguetapi. Qataq chegoqchiguilo soua ltago'q maye huecolde'c co'ollaq qaỹalauat Somaye, da Ñim Lo'onatac 'Enauacna qomi' naỹamaxatto, qaq da naỹamaxataxac chochaq tatec. Qaq ỹoqo'oye seỹaxaatacot Ñim Lo'onatac 'Enauacna maye hueto'ot da nlagaxayec da qami' nalochiyiñi naqa'en qataq qami' huotaxanaqtaqaiqa. Qaq So Jesucristo qami' itaua'n da imauec da qaualaqaiguet Ñim Lo'onatac 'Enauacna. ¡Qaq So Jesucristo ỹataqta lta'araic da ño'oxonnataguec qataq chochaq tatec da 'enec! Aja', nache 'eetec.

Romanos 14:1

Qauacoñiiguet qataq qauaỹamaxacheeta nam 'amqaanataxanaxaicpi maye saxanaxa da da'añi da lpi'iỹaxac, damaye 'eeta': nam saxanaxa da ỹoqta ỹaỹateeta na lamaxasoxonaxacpi Ñim Lo'onatac 'Enauacna. Da huo'o ca sa qauaỹamaxayiñi lataxac namayepi, nache saishet da qancotaitague'.

Mateo 16:17

Nache So Jesús 'enapeco': –¡Ỹataqta lta'araic qome da 'aramaicỹaxac, 'am Pedro maye 'am llalec so Jonás! Cha'aye saishet da maiche 'anallegoxottela't da 'auaỹaten de'era, nacheñi Ñim Ita'a maye neta'ague da piguem Ñim 'am ỹapaxaguen.

Jeremías 23:4

Qataq sauo'o qome cam ilotague'pi anamayepi da yaqto' ntela'a, qataq yaqto' saishet da huo'o ca ñe'etaique, qataq saishet da huo'o aca deqat anamayepi. Qaq 'era da ỹa'aqtac Aỹem Nataxala'.»

1 Pedro 2:2

Nachaqrata da qanmichiỹaique 'enauac na no'on maye itauan da saqcha'a qarca'alaqai, 'eeta'am ca nogotolec maye cheta'ague da ñiguiñi da lhuogoxo da nmitta'a na lche' aca late'e. Qaq da nache qoñiitec de'era, nache qami' no'o'n 'amqaanataxanaxaiqa, qaq Ñim Lo'onatac 'Enauacna nache qami' nca'alaxatre'c,

Gálatas 5:6

Ỹataqta huo'o da qana'achecỹaxac chegoqchigui dam ỹo'ot So Cristo, qaq na'aictaxa da huo'o ca la'anaxat na qaro'oc huo'otaq qaica. Cha'aye dam ỹataqta huo'o da naigui nachera da qarpi'iỹaxac So Cristo, qaq de'era qarpi'iỹaxac qomi' ỹo'oteque da sauotaxac na laỹepi shiỹaxauapi.

Juan 21:12

Nache So Jesús 'enapegalo' soomaye, 'eeta': –Qauanaỹeecna'a, qauqui'i. Nache se'esoua napaxaguenataqa saishet da huo'otaq huo'o ca ỹañoxot da inat da chaq negue't Somaye, cha'aye ỹaỹate'n da Somaye nacheso So Qarataxala'.

Juan 21:7

Nache so lapaxaguenatac maye ỹataqta nauochaxaua So Jesús, somaye 'enapego' so Pedro, 'eeta': –¡Nachera da Qarataxala'! Nache co'ollaq choche hua'aqchigui de'era so Simón Pedro da nacheso So Qarataxala', nache ỹaayiñi soua alogo maye nqa't co'ollaxa da ya'aco, nache parenaxangui so 'etaxat.

Mateo 18:10

Qantooñita'ac qome de'era: saishet qome da qauo'otañi ca 'oonolec nam saqca ca la'amaqchec. Cha'aye Aỹem qami' shenapegalo da na lamaxashecpi maye 'amaqtaqaicpi Ñim Lo'onatac 'Enauacna ilotague' namayepi.

Efesios 4:14

Nache saishet qome da shenaqta'am ca nogotolec maye qaica ca lqalaic da qaỹashaxanec da lhuennataxac, qataq saqalaq da qaỹatenachet da qairolec da napaxaguenataxanaxac maye saq 'en, maye lapaxaguenataxanaxac na shiỹaxauapi maye sa nqalaate' da latenataxanaxac maye quetague' da lsomaxac.

1 Corintios 8:11

Qaq 'am, maye huo'o da 'arauattonaxanaxac, nache 'aqataqchet ca qarqaỹa maye saxanaxa da da'añi da lpi'iỹaxac cam nataqa'en ileualec co'ollaxa So Cristo.

Juan 8:42

Nache So Jesús 'enapega somayepi, 'eeta': –Da ỹoqta 'eesactaxa da Qarta'ai Ñim Lo'onatac 'Enauacna, nache qami'ctaxa ỹataqta Aỹem qauauochec. Cha'aye Aỹem nache sachegoqtot Ñimaye. Aỹem saishet da maiche ñallegoxottela't da ñanac, cha'aye Ñim Lo'onatac 'Enauacna maye Aỹem namaq.

Marcos 14:29

Nache so Pedro 'enapego' Somaye, 'eeta': –Na'aictoxo' da 'enauac 'am qaỹalata'a't, qalaxaye aỹem saishet da 'am salat.

Lucas 12:32

Saishet qome da qayi'i, qami' maye qoñiita'am acam ỹalamaqte qagueta maye selotague'. Ỹataqta qami' saq 'amaqtache, qalaxaye Ñi Qarta'ai ỹataqta maiche lhuennataxac da qanhuañiỹaua'a naqa'en da lo'onataxanaxac da ilo'ogue 'enauacna.

Génesis 33:13

Nache so Jacob, 'enapeco': «'Am ỹaqaỹolec, 'am 'auaỹateeta da na ñaqpiolec sa da'añi, qataq huo'o ana ilo qaguetapi, qataq anam huacapi maye cheta'ague da deco'o, qaq da nasamñi anamayepi, nache ishet da huaigui ca 'oonolec na'a'q da ileu 'enauac ana qaguetapi.

Mateo 10:37

Ca ỹactec da ỹauotec ca lta'a, huo'otaq aca late'e, da saq 'ena'am naqa'en Aỹem da lauoche, huo'otaq cam ỹactec da ỹauotec ca llalec, huo'otaq aca llale, da saq 'ena'am naqa'en Aỹem da lauoche, nache camaye saishet da ỹalamaxat.

2 Reyes 20:3

«'Am Nataxala', 'am ñachoxonnot, da 'antoueeta'ac qome da ỹataqta 'am salaxaguet co'ollaxa, qataq ỹataqta imauec da iquiyaqteỹaxac da so'ot nam 'auaỹamaxareeta.» Nache so Ezequías ỹataqta lta'araic da nnoinaxac souaxat da laquicoxo.

2 Samuel 7:20

Qaq ¿negue'tom ca lỹa da 'am sa'aqtaxanem 'Am Nataxala', ye ỹataqta 'auauattoota ne'ena 'aramaxashec?

Juan 13:37

Nache so Pedro 'enapeco': –'Am Ỹataxala', ¿ta'ainco' ye saishet da 'am seca'ategue nagui? Ye aỹem qaica ca shega da na'aictaxa da 'am saalec da ñachaalataxac.

Juan 1:42

Ime, nache so Andrés ỹauec so Simón da ỹauega ca netaña So Jesús. Qaq So Jesús co'ollaq ila'aguet somaye, nache 'enapega, 'eeta': –'Am Simón maye 'am llalec so Jonás, 'am qaỹamata'ac da 'are'enaxat Cefas. (De'era ne'enaxat naigui da Pedro, nataqa'en naigui da Coma'.)

Mateo 26:35

Nache so Pedro 'enapeco': –Na'aictaxa da 'am seleetañi', qalaxaye saishet qome da sheetega da 'am sa sauatton. Nache 'enauaque soua lỹa't napaxaguenataqa ỹe'enaxatchigui da la'aqtac somaye.

Mateo 26:33

Nache so Pedro 'enapeco': –Na'aictaxa da 'enauac 'am qaỹalata'a't, qalaxaye aỹem saishet da 'am salat.

Hechos 20:29

Cha'aye aỹem saỹateeta da qom sheca'ai ne'ena, nache huo'o qome ca lỹa anac da huotaique da nlaxaañi na 'amqaanataxanaxaicpi, 'eeta'am da 'eetec ca dequi'iỹapec da detoxongui ana qaguetapi.

Ezequiel 46:24

Qaq huaña nache se'eso shiỹaxaua aỹem 'enapega, 'eeta': 'Ena na nhuoshaqa'pi, nam huaña qome da na do'onataxaategueua'a añi atamnaxaqui ỹaneuaq ca shiguiỹacpi maye ỹaneuo da lachetaqtaxanaxat na nhuo' le'ecpi.