Juan 20:9 - La'aqtaqa Ñim Lo'onatac 'Enauacna 2013

⁹ Cha'aye soomaye saxanaxa da ỹaỹate'n ca llec naua nanettrañi la'aqtaqa Ñim Lo'onatac 'Enauacna, da So Jesús iuen da qaltaq nca'aleeguesop qanqa'en na leuaxaicpi.

Nuevo Testamento Toba Sur

⁹ Cha'ayi soomayi saxanaxa da ÿaÿate'n ca llic naua n'aqtaqa, da so Jesús iuen da qaltaq nca'aleeguesop qanqoÿin na leuaxaicpi.

Nuevo Testamento Toba Sombrero Negro

⁹ Qa'a maliaĝa ja yayate'n naa'me nedii's jo'ne 'yaĝatetedac da'me 'niyelaĝajeguem joñe'me Jesús.

Juan 20:9 Referans Kwoze

Salmos 16:10

cha'aye da ñachaalataxac saishet da 'ano'onaxatangui aca huachiqui, qataq saishet da 'aualatangui aca nshere ne'ena 'aramaxashec.

Isaías 25:8

Ñim Nataxala' nlaxaañi qome da la'añaxac da nleuaxa, huaña nache iỹorec naua lache' 'enauac na shiỹaxauapi, qataq nqateeguesop da ne'enaguec nam lalamaxat nhuo' le'ecpi 'enauac ana 'alhua. Qaq 'era da la'aqtac Ñim Nataxala'.

Isaías 26:19

Qalaxaye so 'aralamaxatpi maye ileu, somayepi qaltaq nca'alec qome, so mashe qailareñi qalaq ỹoltaq nca'alec qome, qaq nam do'ochetapi maye huetaigui ana 'alhua qalaq nlouec qome nache ỹa'alaqtagui souaxat da ntonaxac, cha'aye 'am 'anamaxa qome ca 'arcoỹaraxanaxac 'eeta'am 'anqa'en na 'aỹa ye nte'etom, nache nam leuaxaicpi chegoqtoigui qome ana 'alhua da qaltaq nachaañi.

1 Corintios 15:4

Somaye qailareñi. Qaq co'ollaq inoxoore'c soua tres na'axa'te, nache Ñim Lo'onatac 'Enauacna qaltaq nca'alaxatec.

Lucas 24:26

¿Sa qauaỹaañiỹo' peta'a, da que'eca Lca'aguishec Ñim Lo'onatac 'Enauacna hua'auñi qome da nque'etaxan da saxanaxa da inoxoneua'a ca lo'onataxanaxac da ilo'ogue 'enauacna?

Mateo 22:29

Nache So Jesús 'enapeco': –Qami' qausomiỹapec, cha'aye saishet da qauaỹachiñi' naua ñiyigui'she maye nanettaleguete ana nere maye huetalec na la'aqtacpi Ñim Lo'onatac 'Enauacna, qataq da la'añaxac Ñimaye.

Oseas 13:14

Qaq namayepi, ¿peta'a ñeca'alaxateeguesop qome da la'añaxac añi huachiqui? Qataq ¿peta'a ñeca'alaxateeguesop qome da nleuaxa? Qaq 'am nleuaxa ¿Hueta'ague ca 'ara'añaxac? 'Am huachiqui ¿Hueta'ague cam qauem 'aro'onataxanaxac? ¡Aỹem saishet da sechoxoreetac qome ne'ena shiỹaxauapi!

Juan 2:22

Qaq ỹoqo'oye So Jesús co'ollaq mashe qaltaq nca'alec, nache soua lapaxaguenataqa tachigui lauel de'era la'aqtac Somaye. Huaña, nache ỹataqta ỹa'amaqte'n naua nanettralec ana nere maye huetalec na la'aqtacpi Ñim Lo'onatac 'Enauacna, qataq naua la'aqtaqa So Jesús.

Lucas 9:45

Qalaxaye soua lapaxaguenataqa saishet da ỹaỹate'n de'era la'aqtac So Jesús, cha'aye saxanaxa da ivira ye laloqo' da yaqto' ỹaỹate'n. Nataqa'en huo'o da lcolanaqa' da ina't Somaye da chaq negue't ca naigui de'era la'aqtac.

Salmos 22:15

Qaq na aỹap qalaq ỹataqta daqaqta, 'eeta'am ca chaic maye nhuo' lapo', ñi ỹachaxat qalaq lapaqot na ñaquiaq. Qataq ỹataqta aỹem 'alaroigui na 'alhua da seleu.

Hechos 2:24

Qalaxaye Ñim Lo'onatac 'Enauacna qaltaq nca'alaxatec Somaye, nca'alaxateeguesop da la'añaxac da nleuaxa, cha'aye da nleuaxa qaica ca la'añaxac da nllañi Somaye.

Hechos 17:3

nache do'ogoxona anamaye da ỹa'axattac da ca Lca'aguishec Ñim Lo'onatac 'Enauacna, iuen da ileu qataq nca'alec. Nache 'enapeco': –So Jesús maye qami' sa'axattapeguema, Somaye nacheso som Lca'aguishec Ñim Lo'onatac 'Enauacna.