Juan 20:31 - La'aqtaqa Ñim Lo'onatac 'Enauacna 2013

³¹ Qalaxaye de'era qoỹiyiñi, damaye qoỹiyiñi, yaqto' qami' ishet da qaua'amaqchiñi da So Jesús, nacheso Som Lca'aguishec Ñim Lo'onatac 'Enauacna maye maiche Llalec, qataq yaqto' qami' ishet da huo'o da qarca'alaqai chochaq tatec da qaua'amaqchiñi Somaye.

Nuevo Testamento Toba Sur

³¹ Qalaxayi de'eda qoÿiyiñi, damayi qoÿiyiñi, yaqto' qami' ishit da qau'amaqchiñi da so Jesús nachiso som nta'a mayi qadca'alaxaqui, som llalec ñi Dios, qataq yaqto' qami' ishit da huo'o da qadca'alaqai da qau'amaqchiñi somayi.

Nuevo Testamento Toba Sombrero Negro

³¹ Qalaĝaja naa'me naajo' 'naqataqa male qoyedidiñe qaedi a'uamaqachiñe joñe'me Jesús da'me nach'eñe jo'ne Dios Liquiyac, nataq'aen da'me yataqachiñe Lec'oĝot joñe'me Dios. Chane'eja qom auep'iiya'a joñe'me qama'le 'uo da'me adec'alaĝaqui jo'ne chiyaqayi joñe'me.

Juan 20:31 Referans Kwoze

Hechos 10:43

Nataqa'en soua hua'au' vi'iye 'enauac co'ollaxa som la'aqtaxanaxanecpi Ñim Lo'onatac 'Enauacna ỹa'axatta'aguet So Jesús, da ca ỹa'amaqten Somaye, nache qaỹapalaxat na lasouaxashetpi, chegoqchigui da la'añaxac Somaye. Qaq 'oonolec Somaye chegoqchigui da ishet da seviraqa'a da saconaxaguet da lchoxonnataxanaxa Ñim Lo'onatac 'Enauacna.

1 Juan 5:1

Da sa'amaqtenaq So Jesús da nacheso So Lca'aguishec Ñim Lo'onatac 'Enauacna, nache 'eesa da qomi' llalaqpi Ñimaye. Cha'aye da sauotaxac Ñim Nta'a, nache iuen nataqa'en da sauotaxac na llalaqpi Ñimaye.

1 Juan 5:20

Nataqa'en saỹatenaq da So Llalec Ñim Lo'onatac 'Enauacna, Somaye anac da qomi' ỹanema da qaraỹaanec da yaqto' sauattonaqta Ñim Lo'onatac 'Enauacna maye 'eesa. Qataq ña'araqtaua'a som Llalec Jesucristo; Somaye nacheso som ỹataqta 'eesa Lo'onatac 'Enauacna maye chegoqo'ot da nca'alaxa chochaq tatec.

1 Juan 4:15

Da huo'o ca shiỹaxaua da ỹa'amaqten So Jesucristo da Llalec Ñim Lo'onatac 'Enauacna, qaq que'eca shiỹaxaua qataq Ñim Lo'onatac 'Enauacna ỹataqta na'atta'a't, 'eeta'am da 'oonolec.

Juan 3:36

Qaq cam ỹa'amaqten na Ñalec, nache camaye huo'o da lca'alaxa chochaq tatec. Qaq cam saishet da ỹa'amaqten, nache camaye saishet da taỹot de'era nca'alaxa, nachaqrata da huetalec camaye dam qaica ca 'ena'am da lchec lhuaxanaxanaxac Ñim Lo'onatac 'Enauacna.

Juan 3:18

Ca ỹa'amaqten na Llalec Ñim Lo'onatac 'Enauacna, nache camaye saishet da huo'o ca nhuaxanaguec. Qalaxaye cam sa ỹa'amaqten Namaye, nache sogote da huetalec da huo'o da nhuaxanaguec qanqa'en, souaxat da saishet da ỹa'amaqten na 'oonolec Llalec Ñim Lo'onatac 'Enauacna.

2 Juan 1:9

Da saishet da qoquiitegue nam qami' ỹapaxagueneque So Cristo, nache Ñim Lo'onatac 'Enauacna saishet da qami' hueta'agueta. Qalaxaye da qana'añaxacheetec dam qami' ỹapaxagueneque Ñimaye, nache Ñim Lo'onatac 'Enauacna maye Nta'a qataq So Llalec nache 'eetai' da qami' hueta'agueta.

Juan 6:40

Qataq Ñimaye, nshetaique da 'enauac nam ỹamato'ot na Llalec qataq ỹa'amaqten, nache huo'o da lca'alaxa chochaq tatec, qataq Aỹem ñeca'alaxatec qom iviteuga ca pa'atec na'a'q.

Juan 19:35

Qaq som ỹa'axat de'era, somaye co'ollaxa ỹauaachigui qataq ỹataqta 'eesa de'era 'enapec. Cha'aye somaye ỹaỹateeta da ỹataqta 'eesa de'era la'aqtac, yaqto' qami' nataqa'en ishet da qaua'amqaanataxañi.

Juan 20:28

Nache so Tomás 'enapeco': –¡'Am Ỹataxala' qataq 'am Ita'a maye 'Aro'onatac 'Enauacna!

Juan 10:10

Ca cachaxaic da anac, qalaq camaye nalemaqte' da lcachaxac, lalaataxanaxac qataq delaqtaxan. Aỹem, qalaxaye ñanac, da yaqto' qami' huo'o da qarca'alaqai qataq qaica ca qaviñiỹa'a.

Juan 5:24

Qaq ỹataqta 'eesa de'era qami' sa'axatema, da ca na'axaỹaxana de'era sa'axattac, qataq ỹa'amaqten Ñim Aỹem namaq, nache camaye mashe inoxoneua'a da lataxac da nca'alaxa maye qaica ca loga't. Qaq camaye nataqa'en saishet da qaỹauo'o qome ca nhuaxanaguec, cha'aye mashe sogote da ca'ai da nleuaxa da inoxoneua'a da nca'alaxa.

Mateo 16:16

Nache so Simón Pedro 'enapeco': –Qomye nache 'am maye 'am Lca'aguishec qataq 'am Llalec Ñim Lo'onatac 'Enauacna maye nca'altauec, qaltaq chegoqo'ot da nca'alaxa.

Lucas 24:47

Nataqa'en iuen da qaỹa'aqtaxanem na ỹotta'a't shiỹaxauapi Aỹem, yaqto' 'enauac namayepi ỹe'egueloqot Ñim Lo'onatac 'Enauacna, qaq Ñimaye ỹapalaxat na lasouaxashetpi. Qaq chegoqchiguiña na Jerusalén,

Marcos 16:16

Qaq ca Aỹem ỹa'amaqten, nache qanachelaxan, yaqto' camaye nca'alec. Qalaxaye ca saishet da Aỹem ỹa'amaqten, nache camaye saishet da saconeguet.

Mateo 27:54

Nache so huataxanaq lta'a maye Roma le'ec qataq som nalleppi maye nauaatalec So Jesús co'ollaq ỹauaachigui so nacholaxanaxa qataq nam laỹepi maye yo'oq, nache ỹataqta iviloxolaqchet da lcolanaxa. Nache somayepi 'enapeco': «¡Ñi'iñi ỹale ỹoqta 'eesa da Llalec Ñim Lo'onatac 'Enauacna!»

Hechos 9:20

Qaq co'ollaq ime de'era, nache so Saulo da'aqtaxaatapoigui ana napaxaguenaxaquipi na judiopi, ỹa'axattac So Jesús da nacheso So Llalec Ñim Lo'onatac 'Enauacna.

Hechos 8:36

Qaq co'ollaq ivitra som huaña da huo'o na 'etaxat, nache se'eso ỹale maye 'amaqtaqaic 'enapeco': –Ne'ena huo'o na 'etaxat, qaq ¿negue'to' ca iqalaatac da saishet da aỹem 'anachelaxan?

Hechos 3:16

Qomi' sepi'iỹaqa'a da la'añaxac So Jesús, qaq qami' mashe qauauañiichigui. Qaq chegoqchigui da qarpi'iỹaxac da huo'omshe imauec da no'oita de'era ỹale.

Juan 1:49

Nache so Natanael 'enapeco': –'Am Napaxaguenataxanaq, nache 'am Llalec Ñim Lo'onatac 'Enauacna, qataq nache 'am Lta'a na Israel le'ecpi.

Salmos 2:12

Qataq qavio'oxoyiñi Ñim Nataxala', yaqto' saishet da dalemata, cha'aye saiuena'a da dalemata nache qaullivi da huangui na nqa'aic, cha'aye da lalemataic ishet da nque'elaxatta da 'eroigui. ¡Qaq ỹataqta machiguiñi qome ca nmittaique da ltelaxanaqtaic Ñimaye!

Salmos 2:7

Qaq aỹem sa'axatec qome da lhuennataxac Ñim Nataxala', cha'aye Ñimaye aỹem 'enapega, 'eeta': «'Am, nache 'am ỹalec, aỹem 'am seco'oic na na'a'q.

Apocalipsis 2:18

«Nataqa'en 'auauo'o aca 'ere, nache 'auamaxa ñi namaxashec maye ilotague' nam ỹa'amaqten So Jesús maye netaña ye nỹecpi ye Tiatira. Qoneta': ‹¡Aỹem maye Aỹem Llalec Ñim Lo'onatac 'Enauacna! Naua ỹa'ai'te 'eeta'ama na le'eraxa na norec, qaq naua ichel qalaq qashelectrapiguiñi 'eeta'am da lqashelgaxa na lcat le'enaxat bronce da ime da nqatelaguec. Ñaq 'ana'axaỹaxana dam 'am sa'axatem:

1 Pedro 1:9

Qami' qoviitaigui da lta'araic qantonaxaqui, cha'aye qauaỹaañi da Ñim Lo'onatac 'Enauacna qami' nca'alaxatre'c. Qaq ỹoqo'oye huo'o da qarpi'iỹaxaqui Ñimaye.

Mateo 4:3

Nache nvi' so pa'aguenataxanaxaic da ỹe'eguen Somaye. Nache 'enapego', 'eeta': –Da ỹoqta 'eesa da 'am Llalec Ñim Lo'onatac 'Enauacna, qaq no'on qome da nañigui nauole 'ayiiña 'anqa'en ne'ena coma'pi.

Lucas 1:35

Nache so namaxashec 'enapeco': –Qomye So Saqcha'a Na'añaxac Qui'itta anac qome da 'am tanguit, nache da la'añaxac Ñim Lo'onatac 'Enauacna maye 'amaqtaqaic 'am ipelteelec. Qaq ỹoqo'oye que'eca nogotolec, camaye da nachaalataxac ỹataqta imato'ot Ñim Lo'onatac 'Enauacna, nache camaye da le'enaxat 'eeta' «Llalec Ñim Lo'onatac 'Enauacna.»

Hechos 8:37

[Nache so Felipe 'enapego' somaye, 'eeta': Da ỹataqta imauec da 'arquiyaqteỹaxac da 'aua'amqaanataxan nache ishet da 'am ñachelaxan. Nache se'eso ỹale 'enapeco' aỹem sa'amaqten da so Jesucristo nacheso so Llalec Ñim Lo'onatac 'Enauacna.]