Juan 20:26 - La'aqtaqa Ñim Lo'onatac 'Enauacna 2013

²⁶ Qaq co'ollaq mashe ivi' naua ocho na'axa'te, nache soua napaxaguenataqa qaltaq lapoota'a't da huetra'a so nỹec, nache ỹalectauo so Tomás da hueta'agueta soomaye. Qaq na'aictaxa da ỹataqta ỹapochigui so lasom, qalaq So Jesús pa'auo, nache vichiguinguilo soomaye. Nache iqui'n, 'eeta': –Ñim Lo'onatac 'Enauacna qami' ỹanema da lqouagaxanaqtaic qataq da qarlagaxayiqui.

Nuevo Testamento Toba Sur

²⁶ Qaq co'ollaq mashi ivi' naua ocho na'axa'te, nachi soua napaxaguenataqa qaltaq lapoota'a't da huetra'a so noÿic, nachi ÿalectauo so Tomás da hueta'agueta soomayi. Qaq nai'ctaxa da ÿataqta ÿapochigui so lasom, qalaq so Jesús pa'auo, nachi vichiguinguilo soomayi. Nachi iqui'n, 'eeta': –Huo'o qome da qadlagaxayiqui.

Nuevo Testamento Toba Sombrero Negro

²⁶ Qama'le joca'li yenoĝodegue jaa'me ocho noloqo'ote, jogaa'me napaĝaguenataqa yitaĝa nalo'ta't da'me yema'a'ajalo, netedaue ga'me emec, qama'le nach'e ena'am 'uo ñe'me Tomás. Yataqata napadichigui ga'me najom joca'li, qalaĝaja ñe'me Jesús yitaĝa yenoĝoneua'alo jogaa'me, qama'le yitaĝa yep'iye'n da'me uañe laeñi jogaa'me, enaac: —¡'Nemaĝac ami uetauelo!

Juan 20:26 Referans Kwoze

Juan 20:19

Qaq se'eso na'a'q maye la'auaxanec naua na'axa'te co'ollaq mashe pe, nache soua napaxaguenataqa, soomaye lapoota'a't hueta'a ca nỹec. Qaq so lasom se'eso nỹec ỹataqta napochigui, souaxat da qañe'etega na lataxala'pi na judiopi. Nache So Jesús pa'auo, nache vichiguinguilo na laiñi soua lapaxaguenataqa. Nache iqui'n, 'eeta': –Ñim Lo'onatac 'Enauacna qami' ỹanema da lqouagaxanaqtaic qataq da nlagaxayec.

Juan 20:21

Ime, nache So Jesús qaltaq ỹe'eguelaxalec da 'enapegalo soomaye, 'eeta': –Qami' huo'o da qarlagaxayiqui. Qaq de'era 'eetec co'ollaxa da Aỹem namaq Ñim Ita'a, qaq nachera qome da sheetec da qami' sama'q.

Juan 14:27

Qami' sanema da nlagaxayec, qalaxaye saishet da nachera da nlagaxayec maye huetalec ana 'alhua. Cha'aye dam qami' sanema, nachera da maiche ỹalamaxat ilagaxayec. Saishet qome da leuapigui ye qarvilli, huo'otaq da qayi'i, souaxat de'era maye yaqta'a da qaviyeeguet.

Lucas 9:28

Qaq co'ollaq mashe inoxoore'c soua ocho na'axa'te, nache So Jesús ỹauec so Pedro, Juan qataq so Santiago da taresheguemec aso qaỹoqotcheguemec 'alhua da yaqto' nqouagaxauen.

Mateo 17:1

Qaq co'ollaq mashe inoxoore'c soua seis na'axa'te, nache So Jesús ỹauec so Pedro qataq soua nqaỹa't Santiago qataq Juan, ndoqnaxaatre'c soomaye da taresheguemec aso qaỹoqotcheguemec 'alhua.

Isaías 54:10

Qaq na'aictaxa da ca'aisalo naua hueta'alo ana qasoxonaxapi, qataq da cholaxan ana lcomaraxalatepi, qalaxaye da ỹauotaxanaqtaic da qoneta saishet da nquic, qataq da ñaỹamaxataxac maye ỹo'ot da nlagaxayec, saishet qome da nlaguiñi.» Qaq 'era da la'aqtac Ñim Nataxala' maye 'am ichoxoren.

Isaías 26:12

'Am Nataxala' qomi' 'aỹa'anema qome ca nlagaxayec, cha'aye nache 'am chegoqchigui da yo'oq nam qaro'onatacpi.

Isaías 27:5

Qaq da ỹauotaique da ñepaxattalec nache iuen da aỹem nmane'. Aja', iuen da aỹem nmane'.»

Marcos 16:14

Ime, nache So Jesús nachaxanalo soua once lapaxaguenataqa co'ollaq soomaye ñaq deque'eta'ape. Nache nlaqtegalo soomaye souaxat da qaica ca lpi'iỹaxa'c, qataq da ỹataqta qaramchiguilo naua lquiyaqtel, cha'aye soomaye saishet da ỹa'amaqte'n soua nauaneto Somaye da mashe qaltaq qanca'alaxatec.

Lucas 24:36

Qaq ña qana'aqtaxaatapigui de'era, co'ollaq So Jesús nachaxan nachatchiguingui na laiñi se'esoua lapaxaguenataqa. Nache iqui'n soomaye, 'eeta': –La', qauacoñiiguet da l-lagaxayec Ñim Lo'onatac 'Enauacna.

Juan 11:16

Nache som Tomás maye qaỹamata'ac da huaya', 'enapegalo' soua lỹa't maye napaxaguenaxau', 'eeta': –Qolaq nataqa'en qomi', yaqto' nataqa'en qarleuaxaua damaye.

Juan 21:1

Qaq co'ollaq ime de'era, nache So Jesús qaltaq nachaxanalo soua lapaxaguenataqa huaña ye loigue aso lapel ye Tiberias. 'Era da 'eetec co'ollaq nachaxanalo, 'eeta':

Juan 21:14

Qaq 'era da 'eetec co'ollaq mashe ivi' tres da ỹe'eguelaxalec So Jesús da nachaxanalo soua lapaxaguenataqa co'ollaq ime da mashe qaltaq nca'alec.

Hechos 1:3

Qaq co'ollaq ime da l-leuaxa, nache So Jesús qaltaq nachaxanalo soua lamaxa'she, qaq ivi' naua cuarenta na'axa'te da jec da nachaxanaxac. Qaq de'era nachaxanaxac ỹa'axat da Somaye ỹoqta 'eesa da nca'altauec. Nache Somaye da'aqtaxaatapeguema soomaye da lo'onataxanaxac Ñim Lo'onatac 'enauacna.