Juan 20:22 - La'aqtaqa Ñim Lo'onatac 'Enauacna 2013

²² Nache Somaye iquetetoiguilo soomaye so la'at, nache 'enapegalo, 'eeta': –Qauacoñiiguet qome na Saqcha'a Na'añaxac Qui'itta.

Nuevo Testamento Toba Sur

²² Nachi somayi iquetetoiguilo soomayi so l'at, nachi 'enapegalo, 'eeta': –Qauacoñiiguet qome na Espíritu Santo.

Nuevo Testamento Toba Sombrero Negro

²² Qama'le yepetetouelo jogaa'me, qama'le enaac: —¡Auacoñiyeguet joñe'me Dios Lepaqal!

Juan 20:22 Referans Kwoze

Da na'aqtaguec so Job 33:4

Ñim Lo'onatac 'Enauacna maye Qaica ca Ỹaqalanapec aỹem lo'onatac, qataq naua la'a'che Ñimaye, ỹo'ot da ica'alaxa.

Génesis 2:7

Qaq huaña nache Ñim Nataxala', ỹo'ot so shiỹaxaua ỹachegoxotaigui na 'alhua. Ime, nache iquichichiguilo naua nmic lauaco, qataq ỹanem da lca'alaxa. Nache so shiỹaxaua huo'o da lca'alaxa.

Hechos 19:2

nache inatta'apo' soomaye, 'eeta': –¿Qami' peta'a mashe qauacoñiiguet So Saqcha'a Na'añaxac Qui'itta co'ollaq cheta'ague da qaua'amaqchiñi So Jesús? Nache soomaye 'ena'apo': –Qomi' saishet da huo'otaq sa'axaỹaqapeguelec da huo'o ca Saqcha'a Na'añaxac Qui'itta.

Hechos 8:15

Qaq co'ollaq mashe ivi't, nache nqouagaxaueetapegueleguete so ỹa'amaqten So Jesús maye netaña ye Samaria, da yaqto' ỹaconeguet somayepi So Saqcha'a Na'añaxac Qui'itta.

Hechos 2:38

Nache so Pedro 'enapego' somayepi, 'eeta': –Qomye qauỹaxañiỹot Ñim Lo'onatac 'Enauacna da qami' ichoxore'n qataq qavi'eguelaqaỹot da qaualaqaiguet Ñimaye qataq qauaqaita'a da qami' ñachelaxanaxaguilo da le'enaxat So Jesucristo. Yaqto' Ñim Lo'onatac 'Enauacna ỹapalaxa't naua qarasouaxashe'echilli' qataq qami' ỹanema So Saqcha'a Na'añaxac Qui'itta.

Ezequiel 37:9

Nache Ñim nataxala' aỹem 'enapega, 'eeta': «'Auachegoxotchigui da ỹe'enaxat da 'auỹaxanaique caua na'a'che maye ỹo'ot da nca'alaxa, qoneta': Da la'aqtac Ñim Nataxala' 'eeta': 'Am na'a'che, 'auanac qome 'auachegoqteguelo naua cuatro laỹel ana 'alhua, nache 'aỹa'anem ca lca'alaxa ne'ena no'ocỹaxacpi maye leuaxaicpi.»

Salmos 33:6

Ñim Nataxala' ỹauota'aisalo co'ollaxa naua la'aqtaqa da ỹo'ot na piguem, qataq co'ollaq iquetetec na la'at nache ỹo'ot 'enauac ana huaqaañipi.

Hechos 2:4

Nache 'enauac somayepi ỹataqta nlaqchigui So Saqcha'a Na'añaxac Qui'itta. Huaña, nache da'aqtaxanguilo naua ỹaqa'alo na'aqtaqa maye chegoqo'oto Somaye.

Juan 7:39

Qaq de'era 'enapec So Jesús, damaye naigui da ca ỹa'amaqten Somaye, nache camaye ỹaconeguet So Saqcha'a La'añaxac Ñim Lo'onatac 'Enauacna. Cha'aye So Saqcha'a Na'añaxac Qui'itta saxanaxa co'ollaxa da anac, cha'aye So Jesús saxanaxa da ivita ca laloqo' da ileu qataq da nca'alec.

Gálatas 3:2

'Oonolec da sauotaique da aỹem qaua'aqtaxañim nagui, 'eeta': Co'ollaq qauacoñiiguet So Saqcha'a La'añaxac Ñim Lo'onatac 'Enauacna, ¿peta'a qauachegoxochiichigui da qauo'ocheetac na namaxasoxonaxacpi maye chegoqo'ot so Moisés huo'otaq souaxat da qauacoñiiguet da no'on na'axaỹaxac? ¡Aja', damaye ỹoqta 'eesa da chegoqchigui da no'on na'axaỹaxac!

Hechos 4:8

Nache so Pedro maye ỹataqta nlaqchigui da la'añaxac So Saqcha'a Na'añaxac Qui'itta, 'enapeco': –Qami' maye qami' lta'alpi na judiopi, qataq qami' nqueroxonecpi maye nataxala'pi.

Hechos 10:47

Nache so Pedro da'aqtaxanema soua nnaictagueto, 'eeta': –Ñim Lo'onatac 'Enauacna namaq So Saqcha'a Na'añaxac Qui'itta, yaqto' ỹaueca'aguet na shiỹaxauapi maye ỹaqa'a ca chegaqa'ague, 'ena'ama qomi' co'ollaxa da qomi' namaxalo maye qomi' judío lashe'. Qaq nagui qaica ca ishet da npaxateguet nataqa'en da namayepi ñachelaxanaq.

Juan 15:26

Qalaxaye qom ivita da anac cam qami' itaua'n qataq qami' ỹa'añaqche't, Cam Saqcha'a Na'añaxac maye ỹoqta 'eesa, cam qami' ñamaxalo maye chegoqo'ot Ñim Ita'a, camaye qome Aỹem ỹa'axat.

Juan 14:16

Qaq Aỹem ñachoxonnot Ñim Ita'a, da yaqto' qami' namaxalo ca Saqcha'a Na'añaxac Qui'itta da qami' itaua'n, qataq nache 'eetai' da qami' hueta'agueta,

Juan 16:7

Qalaxaye ỹataqta 'eesa de'era qami' sa'axatema, maye 'eeta': Aỹem ỹaỹamaqchiguiñi da ashec souaxat da qoñiita. Cha'aye da saishet da ashec, nache ca Saqcha'a Na'añaxac maye qami' itaua'n qataq qami' ỹa'añaqche't saishet da anac. Qalaxaye da Aỹem ashec, nache ñamaq Camaye.

Juan 20:21

Ime, nache So Jesús qaltaq ỹe'eguelaxalec da 'enapegalo soomaye, 'eeta': –Qami' huo'o da qarlagaxayiqui. Qaq de'era 'eetec co'ollaxa da Aỹem namaq Ñim Ita'a, qaq nachera qome da sheetec da qami' sama'q.

Juan 20:23

Qaq cam qami' qauapalaxache na lasouaxashetpi, nache Ñim Lo'onatac 'Enauacna ỹapalaxat na lasouaxashetpi. Qaq cam saishet da qauapalaxache na lasouaxashetpi, nache Ñimaye saishet da ỹapalaxat na lasouaxashetpi.