Juan 20:20 - La'aqtaqa Ñim Lo'onatac 'Enauacna 201320 Qaq co'ollaq ime da 'enapec de'era Somaye, nache ỹachaxa'n naua lhua'q qataq na laỹe. Nache soomaye ỹataqta huo'o da ntonaxa'c da iloro'ot So Qarataxala'. Gade chapit laNuevo Testamento Toba Sur20 Qaq co'ollaq ime da 'enapec de'eda somayi, nachi ÿachaxa'n naua lhua'q qataq na laÿi. Nachi soomayi ÿataqta huo'o da ntonaxa'c da ilodo'ot so qadataxala'. Gade chapit laNuevo Testamento Toba Sombrero Negro20 Mane'e da'me yem da'me nenaĝategue, qama'le yaloĝonalo naa'me loua' nataq'aen ga'me lae. Qama'le yataqachiñe made'tapolqa jogaa'me napaĝaguenataqa queda'me yitaĝa yauata joñe'me Jaliaĝanec. Gade chapit la |
Sauoqo'o ana qorere da qami' samaxasaxalo, da qami' sa'aqtaxanaxama som sauanaqchigui qataq sa'axasoqchigui, som Na'aqtac maye chegaqaigui da nca'alaxa som nale'ena co'ollaxa da huo'o, co'ollaq saxanaxa da ỹo'ot ana 'alhua Ñim Lo'onatac 'Enauacna. So'otaq damaye yaqto' ishet da nalochiguiñi da qantonaxac, qataq da yaqto' nache 'eetai' da qomi' qana'ayeetaua'alo, 'eeta'ama qomi' da qolaqto'ot da ña'araqtaua'a Ñim Lo'onatac 'Enauacna maye Nta'a qataq So Llalec Jesucristo. Se'eso Na'aqtac maye chegaqaigui da nca'alaxa nacheso So Jesucristo, qataq nacheso so ỹan da 'eesa nca'alaxa. Qaq de'era nca'alaxa damaye chochaq tatec. Somaye nache 'eetai' da hueta'aguet Ñim Lo'onatac 'Enauacna maye Lta'a, qalaxaye qomi' naỹalo. Qaq qomi' maye qomi' lapaxaguenataqa sa'axasoqchiguilo naua la'aqtaqa qataq ỹataqta ñeloqta'ai' qataq seviraqa'a da ishet da sepotaxaua'a.
Ỹataqta 'eesa de'era qami' sa'axatema nagui, da qami' qome ỹataqta qauaquicoita qataq qanỹiñiitac; qalaxaye na shiỹaxauapi maye ndota't da iuennatega na lataxacpi maye huetalec ana 'alhua, namayepi ỹataqta machiguiñi. Qalaxaye na'aictaxa da qami' ỹataqta qauaquicoita, qalaxaye de'era qaraquicoqoi, damaye nmeneguet qome ca qantonaxaqui.
Qaq ỹoqo'oye co'ollaq nvireuo so Tomás, nache soua lỹa't napaxaguenataqa da'aqtaxaatapeguema somaye, 'eetra': –Qomi' ñauanaxai' So Qarataxala'. Qalaxaye so Tomás 'enapegalo' soomaye, 'eeta': –Saishet da sa'amaqten de'era aỹem qaua'aqtaxañiiteguem da huo'otaq saxanaxa da sela'alo caua lliguiyiñi ana clavo naua lhua'q camaye, qataq da ỹataqta sa'aroigui ana ỹaxaata, qataq da sepoteua'a ca lque'emaxa na laỹe.