Juan 20:19 - La'aqtaqa Ñim Lo'onatac 'Enauacna 2013

¹⁹ Qaq se'eso na'a'q maye la'auaxanec naua na'axa'te co'ollaq mashe pe, nache soua napaxaguenataqa, soomaye lapoota'a't hueta'a ca nỹec. Qaq so lasom se'eso nỹec ỹataqta napochigui, souaxat da qañe'etega na lataxala'pi na judiopi. Nache So Jesús pa'auo, nache vichiguinguilo na laiñi soua lapaxaguenataqa. Nache iqui'n, 'eeta': –Ñim Lo'onatac 'Enauacna qami' ỹanema da lqouagaxanaqtaic qataq da nlagaxayec.

Nuevo Testamento Toba Sur

¹⁹ Qaq se'eso na'a'q mayi l'auaxanec naua na'axa'te co'ollaq mashi pe, nachi soua napaxaguenataqa, soomayi lapoota'a't. Qaq ÿataqta ÿapochiyigui so lasom, souaxat da qañi'itega na judiopi. Nachi so Jesús pa'auo, nachi vichiguinguilo na laiñi soua lapaxaguenataqa. Nachi iqui'n, 'eeta': –Qami' huo'o qome da qadlagaxayiqui.

Nuevo Testamento Toba Sombrero Negro

¹⁹ Mane'e ca'li yovita jo'me pi'yaq, jo'me nolo' jo'ne domingo, qama'le jogaa'me napaĝaguenataqa joote yemeda'uet ga'me emec. Yataqata napadichigui joca'li joga'me najom qa'a 'uo da'me loqolanaqa' jogaa'me, t'oiyapegalo joga'me judiopi. Qalaĝaja ñe'me Jesús yenoĝoneua'alo, uañe laeñi jogaa'me qama'le yep'iye'n, enaac: —¡'Nemaĝac ami uetauelo!

Juan 20:19 Referans Kwoze

Juan 20:26

Qaq co'ollaq mashe ivi' naua ocho na'axa'te, nache soua napaxaguenataqa qaltaq lapoota'a't da huetra'a so nỹec, nache ỹalectauo so Tomás da hueta'agueta soomaye. Qaq na'aictaxa da ỹataqta ỹapochigui so lasom, qalaq So Jesús pa'auo, nache vichiguinguilo soomaye. Nache iqui'n, 'eeta': –Ñim Lo'onatac 'Enauacna qami' ỹanema da lqouagaxanaqtaic qataq da qarlagaxayiqui.

Juan 14:27

Qami' sanema da nlagaxayec, qalaxaye saishet da nachera da nlagaxayec maye huetalec ana 'alhua. Cha'aye dam qami' sanema, nachera da maiche ỹalamaxat ilagaxayec. Saishet qome da leuapigui ye qarvilli, huo'otaq da qayi'i, souaxat de'era maye yaqta'a da qaviyeeguet.

Juan 20:21

Ime, nache So Jesús qaltaq ỹe'eguelaxalec da 'enapegalo soomaye, 'eeta': –Qami' huo'o da qarlagaxayiqui. Qaq de'era 'eetec co'ollaxa da Aỹem namaq Ñim Ita'a, qaq nachera qome da sheetec da qami' sama'q.

Efesios 2:14

So Cristo nacheso so qomi' ỹanema da qarlagaxayec. Chegoqchigui da nque'eenaxac Somaye co'ollaq qaiuaxaata'aguet so npe'enaxaqui da ilaxachigui so npaqtaxanaxat maye nachera da nquiỹaxanaqtaic, maye ỹo'ot da na judiopi sa nhuoone' nam saishet da judiopi. Qaq nagui ne'enaua dos, Somaye ỹo'oteguet da 'enauac da nhuo' le'ecpi.

2 Ts 3:16

Qaq So Qarataxala' Jesús maye chegoqo'ot da nlagaxayec, Somaye qami' ỹanema qome da l-lagaxayec 'enauaque naua na'axa'te qataq, nache 'eetai' da qami' nnaictagueto.

Juan 7:13

Qalaxaye namayepi saishet da ỹoqta ỹa'axaỹaqchet 'enauac na shiỹaxauapi da 'eetega Somaye, souaxat da ñe'etega na lataxala'pi na judiopi.

Marcos 16:14

Ime, nache So Jesús nachaxanalo soua once lapaxaguenataqa co'ollaq soomaye ñaq deque'eta'ape. Nache nlaqtegalo soomaye souaxat da qaica ca lpi'iỹaxa'c, qataq da ỹataqta qaramchiguilo naua lquiyaqtel, cha'aye soomaye saishet da ỹa'amaqte'n soua nauaneto Somaye da mashe qaltaq qanca'alaxatec.

Apocalipsis 1:4

Aỹem Juan, samaxa ana ỹere qataq sequiita'ape naua siete 'aleu' maye netaleguete na ỹa'amaqten so Jesús maye netaigui ye 'alhua Asia. Ñim Lo'onatac 'Enauacna, Ñim nache 'eetai' da huo'o, qataq Ñim do'onataxaatac nagui, qataq naỹa'acna. Aỹem ỹataqta huo'o da iyaxa da Ñim Lo'onatac 'Enauacna qataq So Jesucristo qataq soua siete na'añaxaco saqcha'alo maye nachattraua'a añi nso'onaxaqui Ñimaye, da qami' ỹauoteque qataq qami' ỹanema ca qarlagaxayiqui. Sa'amaqtenaq da So Jesucristo qomi' ỹauoteque qataq qomi' da'aqtaxanema da 'eesa na'aqtaguec Ñim Lo'onatac 'Enauacna. So Jesucristo nacheso so la'auaxanec da nca'aleeguesop da nleuaxa, qataq nacheso so ilotague' 'enauac nam nta'alpi maye ilotague' nam 'alhuapi. Qataq chegoqchigui da l-leuaxa So Jesucristo da Ñim Lo'onatac 'Enauacna ỹapalaxat na qarasouaxashetpi.

1 Corintios 15:5

Qaq ime, nache Somaye hua'auchiguiñi da nachaxana so Pedro, ime qaltaq jec soua lỹa't once lamaxa'she.

Juan 16:33

Qaq Aỹem qami' sa'axatema 'enauac de'era, yaqto' huo'o da qarlagaxayiqui da Aỹem qana'ayeetaua'a. Qami' ana 'alhua maye qoviitalec huo'o da qanque'eenaxaqui. Qalaxaye qana'añaxache qome, cha'aye Aỹem mashe sogote da ỹoxonec nam 'onataxacpi maye huetalec ana 'alhua.

Hebreos 7:2

Nache so Abraham ỹanem so Melquisedec aso ndiezmo maye ỹachegoxotaigui nam lhuotaxanaxatpi maye ỹachegoxotaigui se'eso alaataxac. Qaq de'era ne'enaxat Melquisedec, da hua'auchiguiñi naigui 'eeta': «Nta'a maye no'on da lataxac.» Qalaxaye nataqa'en da qaiỹaxana qalaq lta'a nam netaña ye nỹecpi ye Salén, qaq damaye naigui da «Lta'a da nlagaxayec.»

Filipenses 1:2

Qaq Ñim Lo'onatac 'Enauacna maye Qarta'a, qataq So Qarataxala' Jesucristo qami' ỹanema qome da lqouagaxanaqtaic qataq da l-lagaxayec.

Efesios 6:23

Ỹataqta huo'o da iyaxa da Ñim Lo'onatac 'Enauacna maye Qarta'a, qataq So Qarataxala' Jesucristo qami' ỹanema da nlagaxayec qataq da nsoxoyec qataq da npi'iỹaxac nataqa'en 'enauac nam laỹepi 'amqaanataxanaxaicpi.

Romanos 15:33

Qaq Ñim Lo'onatac 'Enauacna maye chegoqo'ot da nlagaxayec hueta'aguet ñi 'oonolec da qoñiita. Aja', nache 'eetec.

Juan 16:22

Qaq nache 'eetec nataqa'en da qoñiita nagui huo'o da qarachetataiqui, qalaxaye Aỹem qami' ñe'eguelaxalo qome, nache da qarquiyaqteỹaxaqui ỹataqta nlaqchigui da qantonaxaqui, qaq que'eca qantonaxaqui saishet da huo'o ca nqat.

Mateo 18:20

Cha'aye cam huetra'a caua dos, huo'otaq tres da qoñiita da na'aqtaxaatapiguilo da ỹe'enaxat, nache Aỹem soota'agueta caamaye.

Mateo 10:13

Qaq cam lalamaxat que'eca nma', da huo'otaq ỹaconeguet, nache qano'onaxachiỹa'aguet de'era qarquinaxanaxaqui maye naigui da nlagaxayec. Qalaxaye da saishet da ỹaconeguet, nache qami' saishet da huo'o ca qarasouaxashechi.

Salmos 122:8

Qaq souaxat da ỹauotaxanaqtaic na ỹaqaỹañicpi, qataq na ñauochaxauapi, nache sheeta': «Ñaq huo'o qome da nlagaxayec, 'am Jerusalén.»

Juan 21:1

Qaq co'ollaq ime de'era, nache So Jesús qaltaq nachaxanalo soua lapaxaguenataqa huaña ye loigue aso lapel ye Tiberias. 'Era da 'eetec co'ollaq nachaxanalo, 'eeta':

Juan 21:14

Qaq 'era da 'eetec co'ollaq mashe ivi' tres da ỹe'eguelaxalec So Jesús da nachaxanalo soua lapaxaguenataqa co'ollaq ime da mashe qaltaq nca'alec.

Hechos 1:3

Qaq co'ollaq ime da l-leuaxa, nache So Jesús qaltaq nachaxanalo soua lamaxa'she, qaq ivi' naua cuarenta na'axa'te da jec da nachaxanaxac. Qaq de'era nachaxanaxac ỹa'axat da Somaye ỹoqta 'eesa da nca'altauec. Nache Somaye da'aqtaxaatapeguema soomaye da lo'onataxanaxac Ñim Lo'onatac 'enauacna.

3 Juan 1:14

cha'aye seuata'a qom huo'otaq saqaỹaloq da 'am ñauane', nache ỹataqta ñimaqa'a't da ña'aqtaxanaxa't.