Juan 20:17 - La'aqtaqa Ñim Lo'onatac 'Enauacna 2013

¹⁷ Nache So Jesús 'enapego' asomaye, 'eeta': –Aỹem 'axanec, cha'aye Aỹem saxanaxa da saigue da neta'ague Ñim Ita'a. Qalaxaye 'am qome qojec, nache 'aua'aqtaxanema caua ỹapaxaguenataqa da Aỹem saigue da neta'ague Ñimaye, Ñim nataqa'en Qarta'ai. Ñimaye Ỹataxala', qataq nataqa'en Qarataxala'ai.

Nuevo Testamento Toba Sur

¹⁷ Nachi so Jesús 'enapego' asomayi, 'eeta': –Aÿim 'axaneec qome, cha'ayi aÿim saxanaxa da ñoqo'ongue da neta'ague ñi ita'a. Qalaxayi 'am qome qojec, nachi 'au'aqtaxanem ca ÿaqaÿañicpi da aÿim ñoqo'ongue da neta'ague ñi ita'a, ñim nataq'en qadta'ai, ñim ita'a Dios qataq nataq'en qadta'ai.

Nuevo Testamento Toba Sombrero Negro

¹⁷ Jesús male 'yateguet jañe'me, enaac: —Ena'te jayem anauequetañe, qa'a maliaĝa jona'li jec'ata joñe'me Taĝadena' qaedi jona'ajop qomle. Qalaĝaja da'me am, 'noota qom oc qaedi a'uaqataĝanema jogaa'me yaqaya'olqa queda'me male jec qaedi jona'ajop joñe'me Taĝadena' jo'ne nach'e ena'am mach'e Adet'ai, joñe'me jo'ne Ñedios nataq'aen da'me mach'e Anedios.

Juan 20:17 Referans Kwoze

Juan 16:28

Aỹem sachegoqtot co'ollaxa Ñim Ita'a da ñanaỹa ana 'alhua, qaq nagui qalaq Aỹem sheca'ai ana 'alhua da she'eguelaxa Ñimaye.

1 Pedro 1:3

Ỹataqta sho'oxorenaq Ñim Lo'onatac 'Enauacna maye Lta'a So Qarataxala' Jesucristo, cha'aye chegoqchigui co'ollaq nca'aleeguesop da nleuaxa Somaye da Ñimaye naralaxat imauec da qanachaalataxac. Na'aictaxa da saishet da saxaguet da Ñim Lo'onatac 'Enauacna qomi' ỹauoteque, qalaxaye chegoqchigui da lta'araic lsoxoyec Ñimaye, nache naralaxat da qarataxac qataq qomi' ỹanema da 'itchiguiñi qarca'alaxa,

Gálatas 3:26

Qami' mashe huo'o da qanaquitaxaqui So Jesucristo, qaq ỹoqo'oye 'enauac da qoñiita mashe qami' llalqa Ñim Lo'onatac 'Enauacna.

Juan 17:11

Qaq Aỹem mashe yaqta'a da saishet da soota'a ana 'alhua, cha'aye Aỹem saỹa cam qoueta'a. Qalaxaye naamaye ñaq huetralec ana 'alhua. Qaq ỹoqo'oye 'am seỹaxanot da 'antela'alo, qataq 'anema da 'ara'añaxac dam Aỹem 'aỹa'anem co'ollaxa, da yaqto' naamaye nache 'eetai' da na'atta'a't, 'eeta'am da 'eetec 'Am qataq Aỹem.

1 Juan 3:2

Qami' ñauochaxau' ỹaqaỹa't, ¡qomi' mashe qomi' llalqa Ñim Lo'onatac 'Enauacna! Qaq na'aictaxa da saxanaxa da saỹatenaqta cam 'eeteque qomi' cam ñaq natauo na'a'q, nachaqrata da saỹatenaq da So Jesucristo qom ỹoltaq nachaxan, nache shenaqta'am Somaye, cha'aye ỹataqta ñimaqa'ai' da seloqto'ot qome.

Juan 14:6

Nache So Jesús 'enapega somaye, 'eeta': –Aỹem Nachaỹem nqa'aic, qataq Nachaỹem 'eesa lataxac, qataq Nachaỹem nca'alaxa. Qaica ca lỹa ñegueuo da qainoxoneua'a Ñim Ita'a, Nachaqaỹemta.

Marcos 16:19

Qaq co'ollaq so Qarataxala' Jesús imat da na'aqtaxaategueto soua lapaxaguenataqa, nache Ñim Lo'onatac 'Enauacna ỹaueegue da piguem. Huaña, nache Somaye nso'oota'ague da aloic Ñim Lo'onatac 'Enauacna, yem huaña da qaica ca 'ena'am da llo'oxoyec.

Salmos 68:18

'Am Ñatamnaxala', 'asheguema co'ollaxa na qaỹoqotcheguema da 'auauec na 'oxonecpi, nache 'auaconeguet ana lsheetenaxanaqte na shiỹaxauapi, qataq ivira'a na saỹalaq huo'o 'anqa'en añi isheeten.

Apocalipsis 21:3

Nache sa'axaỹa so na'aqtac ỹataqta alam, chemqot ye hueta'a aso so'onaxaqui, 'eeta': «'Ena na hueta'a Ñim Lo'onatac 'Enauacna da hueta'aguet na lalamaxatpi. Ñimaye hueta'aguet namayepi, qaq namayepi nache ỹataqta lalamaxat Ñimaye. Qaq nacheñi Ñim Lo'onatac 'Enauacna maye 'oonolec da Lta'a namayepi.

2 Corintios 6:18

Yaqto' Nachaỹem maye Aỹem Qarta'ai. Qaq qami', qalaq qami' ỹalqa qataq qami' ỹalel. Qaq 'era dam shenapec, Aỹem Nataxala' maye qaica ca seqalanapec.»

Romanos 8:29

Cha'aye nam nale'ena co'ollaxa da ỹauattonpi Ñim Lo'onatac 'Enauacna, qaq nachena nam lca'aua'a co'olloxocheye Ñimaye, da yaqto' 'eeta'am naqa'en So Llalec, qataq yaqto' So Llalec nacheso so ñaxanec.

Juan 17:25

'Am Ita'a, 'am ỹataqta no'on da 'arataxac, qalaxaye nam huetalec ana 'alhua saishet da ỹauatto'n naua ỹaỹamaqchiyiñi 'auo'o't. Aỹem qalaxaye 'am sauatton, qaq naua Aỹem 'anema mashe sogote da ỹaỹate'n da Aỹem 'aramaxashec.

Mateo 28:7

Qaq nagui sa qanaỹaloxoñi qome da qoqui, nache qaua'aqtaxañima caua lapaxaguenataqa, da Somaye mashe nca'alec qataq hua'auta'ague da Galilea. Qaq huaña qome yemaye, nache qanauañi'. Qaq 'era da na'aqtac maye qami' sa'axatema.»

Mateo 12:50

'Ena nam 'eeta'am aca ỹate'e qataq ca ỹaqaỹañicpi. Cha'aye camachaqca ca ỹalaxaguet na lamaxasoxonaxacpi ñi Ita'a maye neta'ague da piguem, qaq nacheca cam ỹaqaỹañicpi qataq ỹate'e.

Apocalipsis 21:7

Qaq cam saishet da iqallem na lqalaiguesat qataq nache queto'ot da lpi'iỹaxac Aỹem, nache sami' 'enauac ne'ena, nache camaye ỹataqta ỹalec qataq camaye ỹataqta Aỹem Lta'a.

Hebreos 8:10

Ỹoqo'oye da dalaxaic ñaỹamaxataxac da ñaỹamaxate' na Israel le'ecpi, damaye 'eeta': So'otec namayepi da ỹataqta saishet da icoua'ai na ỹapaxaguenataxanaxacpi, qataq nachena na ỹaueca'aguet da nachaalataxac. Nache namayepi, Aỹem Lataxala', qaq namayepi, nache ỹalamaxatpi. Qaq de'era san ỹa'aqtac, damaye ỹataqta 'eesa.

Juan 20:27

Ime, nache 'enapego' so Tomás, 'eeta': –Ñaq 'aumete'n naua ihua'q qataq na ỹaỹe. Qataq 'aua'aroiguilo naua 'aya'axaatal na ique'emaxa. Saishet qome da 'am qolectaxanaxaic, nachaqrata da 'aua'amqaanataxan.

Juan 17:5

Qaq nagui, 'am Ita'a, ñeshetaique da sootaua'a na 'araỹe, da Aỹem 'aỹa'anem da ỹo'oxoyec maye saatañi co'ollaq 'am sooto'ot co'ollaq saxanaqaca ana 'alhua.

Juan 14:28

Qami' mashe qaua'aqaichigui naxa Aỹem da sheeta', ashec, qalaxaye ỹoltaq qami' ñe'eguelaxalo. Qaq da ỹoqta 'eesa da Aỹem qauauochec, nache iuen da qantoñiitapeguec de'era, cha'aye Aỹem she'eguelaxa ca hueta'a Ñim Ita'a, qaq Ñimaye ỹactec da la'amaqchec saishet da sheeta'am.

Juan 14:2

Cha'aye ye lma' Ñim Ita'a ỹataqta qalota ye ndaqa'pi. Qaq da saishet da 'eetec taxa de'era, nache saishettaxa da qami' sa'aqtaxanema da sheeta', ashec da seqataxanai' ca qarmaye.

Juan 13:1

Qaq nacheso se'eso lỹa na'a'q maye huetoiguilo soua na'axa'te da qaiuennate so na'a'q le'enaxat Lapascua. Qaq So Jesús mashe ỹaỹaten da ivita ye laloqo' da ca'ai ana 'alhua, da ỹe'eguelaxa Ñim Lta'a maye Lo'onatac 'Enauacna. Qaq Somaye nache 'eetai' da lauotaxanaqtaic na lalamaxatpi maye huetalec ana 'alhua, qaq da lauotaxanaqtaic ỹachaxana somayepi choche ivitta'a da loga't da nachaalataxac.

Juan 7:33

Nache So Jesús 'enapeco': –Aỹem ñaq cara'acolec da qami' soota'agueta. Qaq qom ime, nache Aỹem she'eguelaxa Ñim Aỹem namaq.

Lucas 10:4

Saishet da qauache aca qo'omi qataq caua qarachoxonaxaquilli' qataq caua lỹa't qarapela'achilli'. Qataq saishet da huo'o ca qaumiilec da qoviita'a da qauquinaxañiitac na nqa'aic.

Ezequiel 37:27

Qaq Aỹem sootangui qome namayepi, qaq nachaỹem qome da Aỹem Natamnaxala', qaq namayepi ỹalamaxatpi qome.

Ezequiel 36:28

qataq qoñiỹalec qome yem 'alhua maye sanem co'ollaxa so hua'au qarta'ailpi, qaq qami' nhuo' qami' ỹalamaqa'ate qome, qaq Aỹem nachaỹem Qanatamnaxala'ai.

Jeremías 32:38

Nache ne'ena nhuo' le'ecpi ỹalamaxat qome, qataq Aỹem Natamnaxala' qome.

Jeremías 31:33

Qaq 'era da ñaỹamaxataxac que'eca na'a'q qom ñaỹamaxate' na Israel le'ecpi, 'eeta': Sanaigui qome añi lquiyaqte naua iqataxaco qataq serelec da ntoonaxac. Nache namayepi Aỹem Natamnaxala' qome, qataq nache ỹalamaxatpi namayepi. Qaq 'era da ỹa'aqtac Aỹem Nataxala'.

Salmos 89:26

Nache ñimaye aỹem iỹaxana qome, 'eeta': ‹'Am, nache 'am ita'a, 'Am Ñatamnaxala', qataq coma' maye ica'alaxaqui.›

2 Reyes 7:9

Qaq ime, nache na'aqtaxaatega't nache, 'eeta': Qomi', saỹaỹamaxañi de'era so'otaqtac. Cha'aye ne'ena na'a'q laloxoqui da no'on na'axaỹaxac, qaq qomi' da saishet da sa'axataq nagui, da seuataqta'a da yo'oxoñi, nache qomi' qarasouaxashet qome. Ỹoqo'oye no'on da qolaq nagui, da ñeqo'onaxaua'a ca nta'a nache sa'aqtaxanaxam de'era la'axaỹaxac.

Mateo 25:40

Qaq Aỹem maye Aỹem Nta'a, sheeta': «Dam qauo'ochec na shiỹaxauapi maye qaica ca la'amaqchec ana 'alhua, qataq nam samata'ac da ỹataqta ỹaqaỹañicpi, nache damaye 'eeta'am da nache Aỹem da Aỹem qauo'ochec.»

Salmos 48:14

Da Ñim Qanatamnaxala', Ñimaye chochaq tatec. Qaq Ñimaye nache 'eetai' qome da qomi' ỹauecta'agueta.

Salmos 43:4

Yaqto' ishet da seviraua'a aca nca'atoxonaxalate maye 'aralamaqte 'am maye Ñatamnaxala', huaña nache sauota'a aca ivique arpa da 'am sho'oxoreetac, cha'aye 'am Ñatamnaxala' maye 'anlaxatchigui da ñachaalataxac da ñetonaxac.

Salmos 22:22

Qaq aỹem sa'axatem qome da 'are'enaxat na ỹaqaỹañicpi, qataq 'am sho'oxoreetac qom lapoota'a't namayepi.

2 Reyes 4:29

Nache so Eliseo 'enapega so Guejazí, 'eeta': Ña 'anaỹamaxat, qataq 'auacona ana ỹashelte, nache qojec. Qaq da huo'o ca 'anatena'aguet, nache saishet da 'auquin. Qataq da huo'o ca 'am iquin, nache saishet da 'auasateguet. Qaq qom 'avita que'eca nogotolec, nache 'auachalec na lashec camaye ana ỹashelte.

Hebreos 11:16

Cha'aye da lyaxayec somayepi, huotaique da huo'o ca lalamaxat na'alhua maye ỹataqta no'on hueta'ague da piguem. Qaq ỹoqo'oye Ñim Lo'onatac 'Enauacna saishet da na'aloxootac da ỹamata'ac da llalaqpi somayepi, cha'aye Ñimaye sogote da iqataxaatai' da pa'asheguem cam nỹecpi maye huotaique da lma' somayepi.

Isaías 41:10

Saishet qome da 'añe'etac cha'aye Aỹem 'am soota'aguet, saishet da 'añe'etac cha'aye nache Aỹem 'Anatanmaxala'. Aỹem 'am sanem da 'ara'añaxac, Aỹem 'am setauan qome, Aỹem sauota'a qome na ihuaq maye huegaxanaxaic da 'am ñasoqtañi.

Marcos 12:26

Qaq de'era lataxac da qaltaq qanca'alaxatec na leuaxaicpi, qalaq ¿saisheto' peta'a da qautaxaỹaxañi aso lere so Moisés, qataq yem hueta'a da na'aqtaguec aso qo'oipaqole maye 'ettaigui, qalaxaye saishet da ỹoqta ỹavic asom netaigui co'ollaxa Ñim Lo'onatac 'Enauacna da detaqtague' so Moisés? Co'ollaq Ñimaye 'enapeco': «Aỹem maye Nachaỹem Natameetacot co'ollaxa so Abraham, qataq so Isaac qataq so Jacob som 'auachegoxogueta.»