Juan 20:16 - La'aqtaqa Ñim Lo'onatac 'Enauacna 2013

¹⁶ Nache So Jesús 'enapego' asomaye, 'eeta': –¡María! Nache asomaye ỹamato'ot, nache huota'ai naua la'aqtaqa na hebreo da 'enapega, 'eeta': –¡Raboni! (Damaye naigui da 'eeta': 'Am Napaxaguenataxanaq).

Nuevo Testamento Toba Sur

¹⁶ Nachi so Jesús 'enapego' asomayi, 'eeta': –¡María! Nachi asomayi ÿamato'ot, nachi huota'ai naua l'aqtaqa na hebreo da 'enapega, 'eeta': –¡Raboni! (Damayi naigui da 'eeta': 'Am napaxaguenataxanaq).

Nuevo Testamento Toba Sombrero Negro

¹⁶ Qama'le ñe'me Jesús enaac: —¡María! Qama'le yitaĝa nejouoĝoñe jañe'me, dajoya'aguet joñe'me, qama'le en da'me hebreo 'laqatac da'me enaac: —¡Raboni! (jo'ne yelo'teguet da'me “am paĝaguenataĝanaĝaic.”)

Juan 20:16 Referans Kwoze

Juan 10:3

Nache cam lasom lo'o ỹauateguet camaye, da yaqto' pa'auo, qaq anam qaguetapi ỹauatton da lavilỹaxac camaye. Nache camaye iỹaxaataua'a na le'enaxatpi añi 'oonole ana qaguetapi, ime, nache nqateeguesop aca laỹe' da ỹauec.

Juan 1:38

Qaq So Jesús co'ollaq namatapec, nache ila'agueta soomaye da nca'attrauo, nache inatta'ape, 'eeta': –¿Negue't ca qoñiitapeguec? Nache soomaye 'ena'apo': –'Am Napaxaguenataxanaq, ¿hua'ague ca qoneta'ague?

Hechos 10:3

Qaq huo'o so na'a'q mashe dasheta añi nala', nache somaye huo'o so lauanaqchec: ila'aguet so lamaxashec piguem le'ec Ñim Lo'onatac 'Enauacna da naỹa'a ca hueta'a somaye, nache 'enapego', 'eeta': «¡Cornelio!»

Hechos 9:4

Nache so Saulo naañi. Huaña, nache hua'axaỹa so na'aqtac, 'eeta': –Saulo, Saulo, ¿ta'ainco' ye Aỹem 'aucaatac?

Juan 6:25

Nache somayepi co'ollaq ivittague da le'ego aso lapel, nache ilalec So Jesús. Nache inattac, 'eeta': –'Am Napaxaguenataxanaq, ¿chaq lagui co'ollaxa da 'anvitta ne'ena?

Isaías 43:1

Qalaxaye 'am Israel, maye 'auachegoxoguet so Jacob, Ñim Nataxala' maye 'am lo'onatac, 'eeta': Saishet qome da 'añe'etac, cha'aye Aỹem 'am ñeca'alaxatec, Aỹem sauo'o co'ollaxa da 'are'enaxat, cha'aye 'am ỹalamaxat.

Génesis 22:11

nache so lamaxashec Ñim Nataxala', chemqot na piguem, da deỹaxan, 'eeta': «¡Abraham! ¡Abraham!» Nache so Abraham 'enapeco': «Aja', aỹem soota'a ne'ena.»

Juan 20:28

Nache so Tomás 'enapeco': –¡'Am Ỹataxala' qataq 'am Ita'a maye 'Aro'onatac 'Enauacna!

Juan 13:13

Qami' naxa da Aỹem qauỹaxañiỹa, qalaq qoñiỹapec da Aỹem Napaxaguenataxanaq, qataq Aỹem Qarataxala'ai. Qaq damaye saishet da seqoleguet, cha'aye ỹataqta 'eesa da Aỹem Napaxaguenataxanaq qataq Aỹem Nataxala'.

Juan 11:28

Qaq co'ollaq ime de'era la'aqtac aso Marta, nache asomaye jec da iỹaxana aso lqaỹa María. Nache isoxootot da 'enapega, 'eeta': –Dam Napaxaguenataxanaq hueta'a ne'ena, qaq damaye 'am nỹaxaneua'a.

Juan 5:2

Qaq se'eso lpaqtaxat ye nỹecpi ye Jerusalén, huo'o som lasom maye qaỹamata'ac «Nasom ana Qagueta.» Somaye, nache saqaỹapeque asom laỹe' na 'etaxat maye huo'oi soua cinco ñeguereuo maye nataqa'en ishet da qanayeeto'ot na lpaqal, qaq na la'aqtac na hebreo da iỹaxana qalaq Betzatá.

Juan 3:2

Se'eso Nicodemo huo'o so pe, nache somaye nqo'ona So Jesús. Nache 'enapega, 'eeta': –'Am Napaxaguenataxanaq, qomi' saỹaanaq da 'am namaq Ñim Lo'onatac 'Enauacna da qomi' 'auapaxague'n. Cha'aye qaica ca ishet da ỹo'ot na 'auo'otpi na'anec maye sa qaỹauanapega. Nachaqcata cam hueta'aguet Ñim Lo'onatac 'Enauacna.

Juan 1:49

Nache so Natanael 'enapeco': –'Am Napaxaguenataxanaq, nache 'am Llalec Ñim Lo'onatac 'Enauacna, qataq nache 'am Lta'a na Israel le'ecpi.

Lucas 10:41

Qalaxaye So Jesús ỹasategueto' asomaye, 'eeta': –Marta, Marta, ¿ta'ainco' ye ỹataqta 'aumatalec da 'arhuogoxo nam chochaqna? Huo'o da 'oonolec maye ỹataqta 'onaxaic. Qaq añi María lca'ateua'a, qaq damaye qaica ca ishet da nqat.

Mateo 14:27

Nache So Jesús 'enapegalo soomaye, 'eeta': –¡Qaue'enaxañiitai'! ¡Saishet da qayi'i! ¡Nachaỹem!

Cantares 5:2

Aỹem so'ocheta, qalaxaye añi iquiyaqte saishet da do'oche. 'Eco' sa'aqtega so ỹauotaxat da deỹaxaatac, 'eeta': «¡Aỹem 'auauateguet, 'am ỹoqopitaqte ỹaqaỹole, 'am qoto'ole maye nalochiguiñi! ¡Ten na 'aỹa mashe ỹapapiaxatta na ỹaqaic! ¡Na 'aỹa maye anactañi da pe qalaq mashe queueegue na ỹaue nache ñettañi!»

Cantares 3:4

Qaq can choche sheca'ai somayepi, nache sanata som lauotaxat da ñachaalataxac. Nache sacona na lhuaq somaye, nache saishet da saxanec, nache sauegueua'a ye lma' aso ỹate'e, yem lo'ochaqa' asomaye, nache huaña da ỹataqta ỹalamaxat.

1 Samuel 3:10

Huaña nache Ñim Nataxala' qaltaq nvita somaye, nache qaltaq iỹaxana, 'eeta': ¡Samuel! ¡Samuel! Nache so Samuel 'enapeco': Ña 'autaqa, cha'aye na 'aramaxashec 'am hua'aqtega.

1 Samuel 3:6

Qalaxaye Ñim Nataxala' qaltaq ỹe'eguelaxalec da iỹaxana, 'eeta': ¡Samuel! Nache somaye ñisheguem, nache taua'a so hueta'a so Elí, nache 'enapega, 'eeta': Mashe soota'a ne'ena, ¿negue't ca huo'omshe aỹem 'auỹaxaneua'a? Nache so Elí 'enapeco': Aỹem saishet da 'am seỹaxaneua'a, 'am ỹalcolec. ¡'avi'eguelaxauo, 'annaañi!

Éxodo 33:17

Nache Ñim Lo'onatac 'Enauacna qaltaq, 'eeta': «De'era 'anasaxauec, damaye nataqa'en so'ot qome, cha'aye ỹoqta 'eesa da 'am ỹauotaxat qataq 'am ipe'et.»

Éxodo 3:4

Qaq Ñim Nataxala' co'ollaq ila'aguet so Moisés da nquigueua'a da ỹauotaique imeten asomaye, nache deỹaxan, chemaqtoigui asa'aso qo'oipaqole, 'eeta': «¡Moisés! ¡Moisés!» Nache so Moisés ỹasat, 'eeta': «Aja', nachaỹem.»

Génesis 45:12

Qaq da ỹaqaỹa Benjamín qataq qami', qaua'aqaichigui da nachaỹem da shenapec de'era.

Génesis 22:1

Qaq co'ollaq mashe qaỹoqteguelo soua vi'iye, nache Ñim Lo'onatac 'Enauacna ỹe'eguen so Abraham, nache iỹaxana somaye, 'eeta': «Abraham.» Nache somaye ỹasat, 'eeta': «Aja', aỹem soota'a ne'ena.»

Marcos 10:51

Nache So Jesús inattac somaye, 'eeta': –¿Negue't ca 'anshetaique da 'am so'otec? Nache se'eso qanamaic 'enapeco': –'Am Napaxaguenataxanaq, aỹem 'avi'eguelaxatem da qaltaq ñauaañi.