Juan 20:15 - La'aqtaqa Ñim Lo'onatac 'Enauacna 2013

¹⁵ Nache So Jesús inattac asomaye, 'eeta': –'Am 'alo, ¿ta'ainco' ye 'anỹeetac? Qataq ¿negue't ca 'anmittaique? Nache asomaye ipi'itaxaatega da somaye nacheso som ilotague' se'eso nañiguishe lma'. Nache 'eetego', 'eeta': –'Am ỹale, da huo'otaq nache 'am maye 'auache ca Ỹataxala', qaq no'on da aỹem 'aua'axatem cam 'auacha'ague yaqto' aỹem she'eguena'a camaye.

Nuevo Testamento Toba Sur

¹⁵ Nachi so Jesús inattac asomayi, 'eeta': –'Am 'alo, ¿tá'ainco' yi 'anoÿiitac? qataq ¿négue't ca 'anmittaique? Nachi asomayi ipi'itaxaatega da somayi nachiso som ilotague' se'eso nanguishi lma'. Nachi 'eetego', 'eeta': –'Am ÿale, da huo'otaq nachi'am mayi 'auachi ca ÿataxala', qaq no'on da aÿim 'au'axatem cam 'auacha'ague, yaqto' aÿim shi'iguena'a camayi.

Nuevo Testamento Toba Sombrero Negro

¹⁵ Qama'le Jesús yenat jañe'me: —¿Toqoch'e anoyetac? ¿Jach'e ga'me anetetaque? Qama'le jañe'me yepetapega da'me naqaena na'me neteloqo't jaga'me nanaĝanaĝaiqui. Chane'eja 'yateguet, enaac: —Qom naqa'am jo'ne auedoye di'me, qama'le jayem a'uaĝatem ga'me auacha'ña, qaedi jajoyi nayi.

Juan 20:15 Referans Kwoze

Juan 20:13

Nache se'esoua namaxa'she inatta'apo' asomaye, 'eeta': –'Am 'alo, ¿ta'ainco' ye 'anỹeetac? Nache asomaye 'enapeco': –Qomye souaxat da qaỹache so Ỹataxala', qaq aỹem sa saỹaten ca qaỹacha'ague ca lo'ocỹaxac.

Juan 18:7

Nache So Jesús qaltaq ỹe'eguelaxalec da denataxan, 'eeta': –¿Negue't ca qanmichiitaique? Nache somayepi 'enapeco': –Qomye ñimitaqtaique ca Jesús maye Nazaret le'ec.

Juan 1:38

Qaq So Jesús co'ollaq namatapec, nache ila'agueta soomaye da nca'attrauo, nache inatta'ape, 'eeta': –¿Negue't ca qoñiitapeguec? Nache soomaye 'ena'apo': –'Am Napaxaguenataxanaq, ¿hua'ague ca qoneta'ague?

Marcos 16:6

qalaxaye so nsoq 'enapegalo' soomaye, 'eeta': «Saishet da qayi'i. Qami' qanmichiitaique So Jesús som ỹale maye Nazaret le'ec, som ileu qaiuaxaata'aguet so npe'enaxala' soua na'axa'te lỹa't. Somaye saishet da hueta'a ne'ena. Somaye qaltaq nca'alec. Ñaq qaumichiñi yem qaỹachaña co'ollaxa so lo'ocỹaxac.

Mateo 28:5

Nache so namaxashec 'enapegalo soua 'alol, 'eeta': «Saishet qome da qayi'i. Aỹem saỹaten da qami' qanmichiitaique So Jesús som qaỹalauat qataq qaiuaxaneuo co'ollaxa.

Cantares 3:2

Huaña, nache soosheguem, nache semitaxaatac ñimittaique so lauotaxat da ñachaalataxac, shectague' na nqa'aicpi qataq na naponqa'pi. Ñimittaique somaye qalaq saishet da sanata.

1 Samuel 1:16

Qaq 'am saishet qome da 'arhuennataxac da aỹem 'etaxaloxoi, cha'aye aỹem ñeqouagaxaueetacot Ñim Nataxala', cha'aye aỹem ỹataqta lta'araic da ỹaquicoxo qataq da iuogoxo.»

Lucas 24:5

Qaq soua 'alol ỹataqta nlaqchiguilo da lcolanaqa', nache ỹa'alyiñi naua l-llectel, nache ỹataqta iviraxata'agueta naqa'en na 'alhua naua lata'api. Nache se'esoua ỹale't 'ena'apo': –¿Ta'ainco' ye qanmichiitapigui na leuaxaicpi da qanmichiitaique som nca'altauec?

Mateo 12:34

Nam qauapaxaguenataxañiitapeguec qami' ỹataqta qauem 'eeta'am na lshenataxanaxa na na'araxanaq. ¡Aja' ỹoqta 'eesa! Cha'aye ¿ta'ainco' taxa da qanasaqaiuec ca ỹaỹamaqchiguiñi ye qami' qauemaiqa? Cha'aye da huo'o ca no'on da lataxac, nache nataqa'en 'onaxaiqa naua la'aqtaqa, qataq ca qauemaic, nache nataqa'en ipacchigui da qauema naua la'aqtaqa.

Cantares 6:1

'Am maye ỹataqta 'anapacalec da lyacỹaxac na laỹe 'alpi, ¿chaq taigo' cam 'arauotaxat? ¿Chaq hua'ague ca taigue camaye? ¡Qolaq, 'am ñenaigaqapegue' ñimitaqaique camaye!

Lucas 2:44

Qaq so José qataq aso María co'ollaq mashe 'oonolec na'a'q da quete', nache ipettrego' da So Jesús ca'attaigui so laỹepi maye qannaictague'pi de'era ñecỹaxac. Ime', nache nmittrapigui so lauo' le'ecpi qataq so nauattonaxauapi,