Juan 2:22 - La'aqtaqa Ñim Lo'onatac 'Enauacna 2013

²² Qaq ỹoqo'oye So Jesús co'ollaq mashe qaltaq nca'alec, nache soua lapaxaguenataqa tachigui lauel de'era la'aqtac Somaye. Huaña, nache ỹataqta ỹa'amaqte'n naua nanettralec ana nere maye huetalec na la'aqtacpi Ñim Lo'onatac 'Enauacna, qataq naua la'aqtaqa So Jesús.

Nuevo Testamento Toba Sur

²² Qaq ÿoqo'oyi so Jesús co'ollaq mashi qaltaq nca'aleec, nachi soua lapaxaguenataqa tachiguilo yi lauel de'eda l'aqtac somayi. Huaña, nachi ÿataqta i'amaqte'n naua nanettrañi l'aqtaqa ñi Dios, qataq naua l'aqtaqa somayi.

Nuevo Testamento Toba Sombrero Negro

²² Qo'che' ca'li 'niyelaĝajeguem, gaa'me lapaĝaguenataqa male netouetec da'me dojo' 'me nenaĝategue, qama'le ja yoqolegue't naa'me nedii's nataq'aen naa'me 'laqataqa ñe'me Jesús.

Juan 2:22 Referans Kwoze

Juan 12:16

Qaq co'ollaq cheta'ague, nache soua lapaxaguenataqa saishet da ỹaỹate'n ca llec de'era. Qalaxaye co'ollaq qaỹata'ague de'era, co'ollaq mashe ime da ileu qataq da nca'alec So Jesús, nache cheta'ague da tachiguilo ye lauel da 'enauac nam qaỹo'otec So Jesús, mashe ỹa'axata'alo co'ollaxa naua nanettrañi la'aqtaqa Ñim Lo'onatac 'Enauacna.

Juan 16:4

Qaq nagui qami' sa'axatema de'era, yaqto' qom ivita ca laloqo', nache qami' ishet da qauennache da mashe sogote da qami' sa'aqtaxaateguema de'era. Saishet da qami' sa'axatema de'era co'ollaq cheta'ague da so'onataxan, cha'aye Aỹem ñaq qami' soota'agueta.

Juan 14:26

Qalaxaye ca Saqcha'a Na'añaxac Qui'itta maye Ñim Ita'a qami' namaxalo nactaigui naqa'en da ỹe'enaxat da yaqto' qami' itaua'n qataq qami' ỹa'añaqche't, camaye qami' ỹapaxagueneque 'enauac na lataxaguesat qataq qami' iuennataxanaxaneque 'enauac na ỹa'aqtacpi maye qami' sa'aqtaxaateguema nagui.

Salmos 16:10

cha'aye da ñachaalataxac saishet da 'ano'onaxatangui aca huachiqui, qataq saishet da 'aualatangui aca nshere ne'ena 'aramaxashec.

Juan 2:17

Nache soua lapaxaguenataqa iuennate naua nanettraleguete ana nere maye huetalec na la'aqtacpi Ñim Lo'onatac 'Enauacna, maye 'eeta': «Da ỹauoche ñi 'arma', ỹataqta 'eco' 'eroigui naqa'en da sheeta.»

Hechos 11:16

Huaña, nache aỹem seuennate co'ollaxa da la'aqtac So Qarataxala' maye 'eeta': «'Eesa so Juan da dachelaxanataxana na 'etaxat, qalaxaye da qoñiita qome qami' qanachelaxanguilo So Saqcha'a Na'añaxac Qui'itta.»

Juan 2:11

Qaq de'era ỹo'ot So Jesús co'ollaq huaña ye nỹecpi ye Caná maye huaigui ye 'alhua Galilea. Damaye, nachera da hua'auchiguiñi nam ỹo'otpi na'anec maye sa qaỹauanapega co'ollaq ỹachaxan da llo'oxoyec. Nache soua lapaxaguenataqa ỹataqta ỹa'amaqte'n Somaye.

Lucas 24:44

Qaq co'ollaq ime, nache 'enapegalo soomaye, 'eeta': –De'era souaigui, nachera dam sa'axattac co'ollaq ña qami' soota'agueta: da iuen da ipacchigui qome 'enauac na ña'aqtaguec maye ỹa'axat nam namaxasoxonaxacpi maye ỹiyiñi co'olloxocheye so Moisés qataq naua leregui'she som la'aqtaxanaxanecpi Ñim Lo'onatac 'Enauacna qataq nam no'onecpi le'enaxat Salmos.

Lucas 24:26

¿Sa qauaỹaañiỹo' peta'a, da que'eca Lca'aguishec Ñim Lo'onatac 'Enauacna hua'auñi qome da nque'etaxan da saxanaxa da inoxoneua'a ca lo'onataxanaxac da ilo'ogue 'enauacna?

Juan 2:2

Nache So Jesús qataq soua lapaxaguenataqa, soomaye nataqa'e'n qaicoyegue'n da yaqto' ỹalectraua'a se'eso naronaxac.

Hechos 13:33

Cha'aye qomi' maiche qomi' llalaqpi somayepi, qaq ỹoqo'oye Ñim Lo'onatac 'Enauacna ỹataqta ipacchigui dam 'enapec co'ollaxa da qaltaq nca'alaxatec So Jesús da Qarca'alaxaqui. Cha'aye nache nanettalec aso nere le'enaxat Salmos da la'aqtac, 'eeta': «'Am maye nache 'am Ỹalec; qaq nache chegoqchiguiña ne'ena na'a'q da Aỹem 'Arta'a.»