Juan 2:14 - La'aqtaqa Ñim Lo'onatac 'Enauacna 2013

¹⁴ Qaq co'ollaq ivireua'a ye nqasoxoc aso no'onaxanaxaqui late'erai, nache ilalec na imeetac na huacapi qataq ana qaguetapi qataq na qoto'pi. Nataqa'en ilalec na shiỹaxauapi nso'ootañipi, datatalec na nmenaxala'pi, nmenaxanaxaatega't ana alom na shiỹaxauapi.

Nuevo Testamento Toba Sur

¹⁴ Qaq co'ollaq ivideu'a aso n'onaxanaxaqui late'edai, nachi ilalec na imeetac na huacapi qataq ana qaguetapi, qataq na qoto'pi. Nataq'en ilalec na nso'ootañipi, datatalec na nmenaxala'pi, nmenaxanaxaatega't ana alom na shiÿaxauapi.

Nuevo Testamento Toba Sombrero Negro

¹⁴ Qama'le yauanalo gaa'me menaĝayaqa jo'ne uetedaue joga'me tamenaĝaiqui da'me yemedac gaa'me uacadi jo'ne ueganaĝayaqa, choqogaa'me 'naĝanaĝatel nataq'aen joga'me doqoto'pi, nach'e ena'ama gaa'me jo'ne ñichidiñe 'me 'lonata'j da'me quetot nale jaga'me laicaua laqaya.

Juan 2:14 Referans Kwoze

Marcos 11:15

Qaq co'ollaq ivildeua'a ye Jerusalén, nache So Jesús pa'aigui aso no'onaxanaxaqui late'erai. Huaña, nache ỹo'orauec som huo'o na imeetac qataq som desheenaxatega na qaimeetac. Qataq ỹamaxañi so nmenaxala'pi nam nmeetega't naqa'en ana alom na shiỹaxauapi, qataq ỹamaxañi aso laỹe' na qoto'pi.

Marcos 11:17

Huaña, nache dapaxaguenataxaatac, 'eeta': «Naua nanettrañi la'aqtaqa Ñim Lo'onatac 'Enauacna, 'eeta': ‹Ne'ena ima', namaye qaỹa'axatta da qouagaxaunaqa', nqouagaxaunaqa' 'enauac na ỹotta'a't shiỹaxauapi.› Qalaxaye qami' qauo'ochec namaye da nqañoxotaqa' na cachaxaicpi.»

Ezequiel 36:38

Qataq yem huaqta'a't nỹecpi maye ỹotta'a't naua nañalo maye dolachigui co'ollaxa, nlaxagui qome na qalota shiỹaxauapi, qaq 'eeta'am ana qaguetapi naxa da qaỹauega ye Jerusalén da ivita da huo'o ye naponaxac, da yaqto' qoỹaneuo da nachetaqtaxanaqte qaỹavigaxatta. Qaq huaña nache namayepi ỹaỹaten da Aỹem nachaỹem Nataxala'.»

Juan 2:15

Qaq co'ollaq ilalec ne'enapi, nache So Jesús ỹacona so nañec da ỹauo'o lalashenaxanaxat. Nache ỹo'orauec 'enauac na nmenaxaicpi, lỹaueegue' naqa'en ana lmena qaguetapi, qataq na huacapi. Qataq icorec ana alom na nmenaxanaxaatega't ana alom na shiỹaxauapi, qataq ỹamaxañi na nmenaxala'pi.