Juan 19:41 - La'aqtaqa Ñim Lo'onatac 'Enauacna 2013

⁴¹ Qaq se'eso 'alhua maye huaña co'ollaq qaiuaxaneuo So Jesús, somaye huo'o so nañiguishe lma', qaq somaye nache naigui aso huachiqui dalaxai maye saxanaxa da huo'o ca qaỹachangui.

Nuevo Testamento Toba Sur

⁴¹ Qaq se'eso 'alhua mayi huaña co'ollaq qaiuaxaneuo so Jesús, somayi huo'o so nanguishi lma', qaq somayi nachi naigui aso huachiqui dalaxai mayi saxanaxa da huo'o ca qaÿachangui.

Nuevo Testamento Toba Sombrero Negro

⁴¹ Di'me jo'ne ua'ña ca'li qoyep'enajeguem joñe'me Jesús 'uo jaga'me nanaĝanaĝaiqui nataq'aen jaga'me napa'l lae't jo'ne na'ña jaga'me jo'ne dalaĝai nataq'aen da'me maliaĝa qaya'te ta'le qoyachaue.

Juan 19:41 Referans Kwoze

Lucas 23:53

Qaq co'ollaq ime da nqaañi So Jesús, nache lpataxangui so nacanec maye no'on qataq late'erai añi lasheue, nache irouga asom huachiqui maye no'onata, naigui so coma' lta'araic. Asomaye saxanaxa da huo'o ca qaỹachangui.

Mateo 27:60

nache ỹachangui aso huachiqui. Asomaye ỹataqta ñaq dalaxaale, cha'aye cheta'ague co'ollaxa da damaxasoxoolec somaye da qaỹo'ot qoỹanaigui so coma'. Nache so José ỹapogui asomaye dapoxona so coma' lta'araic, ime, nache jec.

Juan 20:15

Nache So Jesús inattac asomaye, 'eeta': –'Am 'alo, ¿ta'ainco' ye 'anỹeetac? Qataq ¿negue't ca 'anmittaique? Nache asomaye ipi'itaxaatega da somaye nacheso som ilotague' se'eso nañiguishe lma'. Nache 'eetego', 'eeta': –'Am ỹale, da huo'otaq nache 'am maye 'auache ca Ỹataxala', qaq no'on da aỹem 'aua'axatem cam 'auacha'ague yaqto' aỹem she'eguena'a camaye.

Isaías 22:16

Qaq ¿negue't cam 'auo'ottac da qoueta'a ne'ena? ¿Negue't ca 'am ỹamaxalec da 'anaña ne'ena añi 'anhuachiqui? ¿Ta'ainco' da 'analec na pa'asheguem añi 'araỹe' qataq da 'anshe' ana coma' da 'auo'ot ca 'anmataqa'?

2 Reyes 23:30

Nache so 'amaqtaqaic nataxala'pi maye ltauapi so Josías, ỹacoosop somaye, nache ỹachangui aso laigona, nache chegoqchiguiña ye Meguido da ira'a ye Jerusalén, yem huaña da qaỹachaigui aso maiche nhuachiqui. Huaña, nache so shiỹaxauapi maye lma' se'eso 'alhua, ỹaneuo so Joacaz, maye llalec so Josías, qataq icorelec da yaqto' nta'a, nache talec naqa'en da lo'onataxanaxac so lta'a.

Juan 19:42

Qaq asomaye nache qaỹachangui So Jesús, cha'aye asa'aso huachiqui, asomaye saqaỹapeque, qataq souaxat da mashe yaqta'a da ivita da nnoxoneuo so nmataxaqui na judiopi.