Juan 19:39 - La'aqtaqa Ñim Lo'onatac 'Enauacna 2013

³⁹ Qaq nataqa'en so Nicodemo, maye huo'o so pe co'ollaq naua'a da detaxaỹapegue' So Jesús, somaye nachetac so treinta kilos na qaỹalecna't qo'oipaq lcha'q, le'enaxat mirra qataq áloe.

Nuevo Testamento Toba Sur

³⁹ Qaq nataq'en so Nicodemo, som nactagui so pe co'ollaq nau'a da detaxaÿapegue' so Jesús, somayi nachitac so treinta kilos na qaÿalecna't qo'ipaq lcha'q, l'enaxat mirra qataq áloes.

Nuevo Testamento Toba Sombrero Negro

³⁹ Nach'e ena'am ñe'me Nicodemo, ñe'me jo'ne 'uo ca'li jo'me pi'yaq yec'ata joñe'me Jesús qaedi dojapegue', qama'le yovidaĝachet ga'me treinta kilos ga'me yoĝoqui jo'ne jama da'me laetayaĝac, yaleeguet ga'me li'i jaga'me epaq jo'ne lenaĝat da'me mirra, nataq'aen ga'me aloe.

Juan 19:39 Referans Kwoze

Cantares 4:14

Qataq ana nardo, azafrán, qataq na canela, cálamo, qataq na 'enauac ỹotta'a't qo'oipaqpi maye chegaqaigui na nchenaxanaxat, qataq na lcha'q ana mirra qataq ana áloe, qataq 'enauac na ỹataqta no'on ỹotta'a't 'amnaxatpi.

Juan 12:7

Nache So Jesús 'enapega so Judas, 'eeta': –'Aua'axaỹa'a aramaye. Cha'aye aramaye ỹaỹamaxattac co'ollaxa de'era coraxat, da yaqto' lhuotta qom iviteuga ca na'a'q da Aỹem qailareñi.

Marcos 16:1

Qaq co'ollaq mashe inoxonec so na'a'q mataxaqui maye saishetapec na judiopi, nache aso María maye lma' ye Magdala, Salomé qataq aso María maye late'e so Santiago, soomaye desheenaxara so coraxat da yaqto' icorelec da lo'ocỹaxac So Jesús.

Mateo 19:30

Qalaxaye ỹataqta qalota qome nam shiỹaxauapi nam huo'o da la'amaqchec nagui, qalaq qaica ca la'amaqchec qome. Qataq qalota nam qaica ca la'amaqchec nagui, nam huo'o da la'amaqchec qome.

Mateo 12:20

Qataq saishet da nquigaxatec da nque'eenaxac cam mashe nache 'eetai' da que'emaxaic, qataq saishet da iviraxata'a da ỹalauat, nam mashe ileetapigui'. Nachaqrata da ỹa'añaqchet nam mashe qaica ca la'añaxac qataq iviraxata'a da dauegaxan da 'eetapeguec Ñim Lo'onatac 'Enauacna.

Cantares 4:6

Da ñaq napaltañi qataq natomchiguiñi, nache aỹem salec ana qasoxonaxapi maye hualec ana mirra, qataq aye lcomaraxalatepi maye hualec na nchenaxanaxat.

Proverbios 7:17

qataq mashe secorelec so coraxat ama da laitaỹaxac, chegaqaigui na qo'oipaq lcha'q, qataq ana áloe qataq na lỹa coraxat.

Salmos 45:8

Qaq 'enauac na 'ogoxot ỹataqta quichigui da laitaỹaxac na coraxat maye chegaqaigui ana mirra, áloe, qataq ana canela. Qataq da l-lamaxa ana nviquepi maye huo'oi naua lque'ete, ỹo'ot da 'antonaxac da qouetaigui ca nỹec lta'araic maye llo'oxoraxat na marfil.

2 Crónicas 16:14

Qaq co'ollaq qailareñi, nache qaỹachaigui aso huachiqui maye maiche iqataxanai' co'ollaxa somaye, asom naigui so huaqta'a't nỹecpi maye lalamaxat so David. Nache qaỹachangui aso laỹe' maye nlaqchigui na coraxat, qataq nam ỹotta'a't maye ama na laita maye lo'onatac som shiỹaxauapi maye ỹataqta ỹaỹaten da ỹo'ot nam coraxat. Ime, nache qaỹauo'o so ỹataqta lta'araic norec, da yaqto' qaỹauo'o da llo'oxoyec somaye.

Génesis 50:2

Ime, nache ỹamaq so natannaxanaqpi maye lamaxashecpi da icoyigui da lo'ocỹaxac so lta'a Israel, da yaqto' saishet da nlaguiñi, qaq 'era da qoỹeetec somaye.

Cantares 1:13

So ỹauotaxat 'eeta'am ana laỹe' na ña'amnaxat mirra da huetanguilo naua itetel.

Mateo 2:11

Qaq co'ollaq inoxooroigui so nỹec, nache ilora'a so nogotolec qataq aso late'e María. Ime, nache ỹa'alyiñi naua l-llectel, nache ỹo'oxoreetrac. Ime, nache ỹauanguilo soua lachoxonaxaqui', nache ỹachete'c na chegaqaigui na oro, qataq na nchenaxanaxat maye ama na laita, qataq na lcha'q ana qo'oipaq le'enaxat mirra.

Juan 12:3

Nache aso María maye lqaỹa't soomaye, asomaye ndouo so ivi' na medio litro na coraxat maye le'enaxat nardo. Somaye ỹataqta late'erai añi lasheue, nache icoreleguete naua lapia'ate So Jesús. Ime, nache deqaxaỹaqtaxana na laue. Qaq 'enauac se'eso nỹec ỹataqta ỹe'eguelaxaigui na laita so coraxat.