Juan 19:36 - La'aqtaqa Ñim Lo'onatac 'Enauacna 2013

³⁶ Cha'aye de'era qanayeuaigui, damaye yo'oq, yaqto' ishet da ipacchigui da 'enapec naua nanettralec ana nere maye huetalec na la'aqtacpi Ñim Lo'onatac 'Enauacna maye 'eeta': «Saishet qome da huo'o ca qainoxon naua lpi'ineqa.»

Nuevo Testamento Toba Sur

³⁶ Cha'ayi de'eda qanayiuaigui, damayi yi'oq, yaqto' ishit da ipacchigui da 'enapec naua nanettrañi n'aqtaqa mayi 'eeta': “Sa ishit qome da huo'o ca qainoxon naua lpi'inqa.”

Nuevo Testamento Toba Sombrero Negro

³⁶ Qama'le uo'oe daa'me daajo' jo'ne di'yo't qaedi yepaquichigui da'me 'yaĝatetac daa'me nedii's joca'li jo'ne eetac: “Gaa'me lep'inaqa, qaya'te 'uo ga'me qoyenoĝon.”

Juan 19:36 Referans Kwoze

Salmos 34:20

Qataq Ñimaye mpaxattalec 'enauac na lpi'inecpi camaye, nache qaica da huo'otaq 'oonolec ca qainoxon na lpi'inecpi camaye.

Números 9:12

qalaxaye qaica qome ca no'onaxatañi que'eca qagueta llalec da taỹaigui naqa'en ca lỹa na'a'q, huo'otaq da ỹacagaxat ca lpi'inec camaye. Nache qanayectelec qome de'era lataxac da qaỹo'ot que'eca Lapascua.

Éxodo 12:46

Qaq camaye da qanallec, qalaq huaña ca 'oonolec nỹec. Qataq saishet da huo'o ca qaicolaxatec laỹe que'eca lapat, nache qairoua'a ca lỹa nỹec. Qataq saishet da qainoxo'n naua lpi'ineqa.

Salmos 22:14

Qataq sheeta'am ca 'etaxat da qaicorec, naua ipi'ineqa qalaq huesoguilo, qaq añi iquiyaqte qalaq 'eeta'am aca dapic lapa da quiguiñi.

Juan 19:28

Qaq So Jesús co'ollaq ỹaỹaten da mashe ipacchigui 'enauac nam ỹamaxalec Ñim Lo'onatac 'Enauacna. Qaq ỹoqo'oye da yaqto' ipacchiguilo naua nanettralec ana nere maye huetalec na la'aqtacpi Ñimaye, nache Somaye 'enapeco': –Huo'o na ỹaquip.

Mateo 1:22

Qaq so José co'ollaq nlouec, nache ỹalaxaguet so lamaxashec Ñim Lo'onatac 'Enauacna, nache lhua aso María. Qalaxaye saishet da nauaña't co'ollaq saxanaxa da ñiguiñi so nogotolec. Qaq co'ollaq mashe ñiguiñi, nache so José ỹanagui da le'enaxat Jesús. Qaq 'enauac dam huaigui asomaye yo'oq, cha'aye yaqto' ipacchigui dam 'enapec co'ollaxa Ñim Nataxala' maye ỹa'axat so la'aqtaxanaxanec Isaías 'eeta': «¡Ỹataqta qana'axaỹaxañiichiguiñi! Aca 'alo saxanaxa da huaron, acamaye hualaxai qome, nache huo'o ca llalec. Qaq camaye le'enaxat qome da Emanuel.» De'era ne'enaxat naigui da 'eeta': «Ñim Lo'onatac 'Enauacna qomi' hueta'agueta.»

Salmos 35:10

Nache imauec qome da iquiyaqteỹaxac da sheeta': «¿Negue'tom ca 'eeta'am 'Am Nataxala'? Cha'aye 'anca'alaxatec na choxoraqpi, qataq na huo'o da lhuenaxanaxa, qataq 'anqateeguesop na napacalec da la'añaxac namayepi qataq nhuottac.»

Juan 19:24

nache soua huataxanaq lashe' 'ena'apo': –Saishet qome da secolaxataqa'ague anamaye. Nachaqrata da ñalletaxagui, yaqto' saỹaanaq chaq negue't ca talec. Huaña, nache ỹataqta ipacchiguilo da 'ena'ape naua nanettrañi la'aqtaqa Ñim Lo'onatac 'Enauacna maye 'eeta': «Qanaloguilo qome naua aỹogo, qanallichiguilo da yaqto' huo'o ca talec.»

Juan 13:18

Qaq Aỹem saishet da imauec da qoñiita da qami' setaqtapoiguilo, cha'aye Aỹem sauattoota nam ỹataqta ica'aguishecpi. Qalaxaye no'on da ỹataqta ipacchiguilo naua nanettralec ana nere maye huetalec na la'aqtacpi Ñim Lo'onatac 'Enauacna maye 'eeta': «Cam maiche iquia'axaua, qalaq camaye Aỹem dataỹa'aguet.»

2 Reyes 15:12

Qaq 'era da 'eetec da ipacchigui da la'aqtac Ñim Nataxala', co'ollaq 'enapega so Jehú, 'eeta': «De'era 'aro'onataxanaxac, talec qome ca 'aỹa'alec, 'arhual, qataq cam llalec ca 'arhual, qataq cam laual camaye, da ilo'ogue na Israel le'ecpi.»