Juan 19:34 - La'aqtaqa Ñim Lo'onatac 'Enauacna 2013

³⁴ Qalaxaye so 'oonolec soua ale't, somaye ỹa'areua'a na laỹe So Jesús aso lataquiaxai, nache anac so ltago'q qataq so 'etaxat.

Nuevo Testamento Toba Sur

³⁴ Qalaxayi so 'oonolec soua ale't, somayi i'adeu'a na laÿi somayi aso lataquiaxai, nachi anac so ltago'q qataq so 'etaxat.

Nuevo Testamento Toba Sombrero Negro

³⁴ dite da'me 'uo ga'me jo'ne onolec jogaa'me coico laje' 'me yejoguec jaga'me miyoĝo, yejoyi'uo jo'me lae joñe'me Jesús, qama'le paja'a da'me naliñi jaga'me letauo' choqojo'me noĝop.

Juan 19:34 Referans Kwoze

1 Juan 5:6

So Jesucristo co'ollaq nvira ana 'alhua, nache qanachelaxangui na 'etaxat, qaq co'ollaq ileu, nache icolde'c soua ltago'q. Qaq som Saqcha'a La'añaxac Ñim Lo'onatac 'Enauacna, nacheso som da'aqtaxan, qaq 'enauac nam ỹa'axat Somaye ỹataqta 'eesa.

Zacarías 12:10

Qalaxaye nam chegoxoguetpi so David, qataq nam hueta'a na Jerusalén secorelec qome dam saqcha'a 'achecỹaxac qataq da atamnaxac. Huaña nache Aỹem ỹamato'ot, Aỹem maye aỹem ỹalauat, nache nỹen 'eeta'am da nỹeetapeguelec ca 'oonolec llalec, huo'otaq ca llalec ỹe.

1 Juan 5:8

Qataq tres naua huetaleguete ana 'alhua maye ỹa'axa't de'era:] Som Saqcha'a La'añaxac Ñim Lo'onatac 'Enauacna, qataq so 'etaxat maye qanachelgui, qataq soua ltago'q So Jesús maye huecolde'c co'ollaq qaiuaxaneguet so npe'enaxaqui. Qaq ne'enaua tres nache 'eeta'a't da la'aqtaxanaxa'c.

Zacarías 13:1

Qaq que'eca na'a'q, qalaq huo'o qome, ca npaxaatasheguem 'etaxat, da yaqto' nỹoxoqui da iỹouec na lasouaxashet qataq na lshepaxanaxa nam chegoxoguetpi so David qataq nam netaña na Jerusalén.

Ezequiel 36:25

Nache qami' seỹoi' qome seỹoxona ca ỹataqta qui'itta 'etaxat, nache seỹouec 'enauac na qarshepaxanaqai, qataq seỹouec da qavio'oxoreñiitac na nqolacpi,

Apocalipsis 7:14

Nache aỹem sasateguet somaye sheeta': –'Am ỹataxala', 'am maye 'auaỹaten. Nache somaye 'eeta': –«Qomye ne'ena, nachena nam saishet da ileu co'ollaq huaigui so lta'araic que'eenaxac ana 'alhua. Namayepi ỹataqta huo'o da lpi'iỹaxac Ñim Lo'onatac 'Enauacna. Qaq Ñimaye nache ỹapalaxat na lasouaxashetpi, chegoqchigui da l-leuaxa Ñi Qagueta Llalec.

Efesios 5:26

Ỹo'ot Somaye de'era, cha'aye ỹauotaique da iqui'itaxatta na 'amqaanataxanaxaicpi, irolec na 'etaxat da iỹo qataq da la'aqtac.

1 Pedro 3:21

Qaq se'eso 'etaxat, nacheso so naigui dam seuenaqtac naxa nagui da so'otaq da achelaxac dam chegoqchigui da Ñim Lo'onatac 'Enauacna qomi' nca'alaxatre'c. Qaq de'era achelaxac maye ỹataqta 'eesa saishet da iỹo da yo'oqchigui qaro'ocỹaxac, nachaqrata da seỹaxanaqot Ñim Lo'onatac 'Enauacna da iỹouec na qarasouaxashetpi, yaqto' saishet da seuennaqtega da huo'o ca qarasouaxashet. Qaq Ñim Lo'onatac 'Enauacna qomi' nca'alaxatre'c, chegoqchigui naqa'en da saxaigui dam qanachelaxac, cha'aye So Jesucristo nca'aleeguesop da nleuaxa, ime, nache taigue da piguem, da nso'ooñi, neta'ague da aloic Ñim Lo'onatac 'Enauacna hueta'a yem ỹataqta ỹo'oxoraq qataq huaña da ilo'ogue 'enauac nam lamaxashecpi Ñim Lo'onatac 'Enauacna qataq 'enauac nam laỹepi maye saqcha'a, maye nataqa'en huo'o da la'añaxac qataq da 'enec.

Hebreos 9:22

Qaq na namaxasoxonaxacpi ỹa'axat da naua ntago'q hua'c da ishet da ỹapalaxat na nasouaxashetpi maye chegaqaigui nam ỹotta'a't qaỹo'otpi. Qataq iuen da sanaqoto Ñim Lo'onatac 'Enauacna caua ntago'q da yaqto' ỹapalaxat na qarasouaxashetpi.

Hebreos 9:13

Ỹoqta 'eesa da la'amqaanataxanaxac na judiopi maye 'eeta': ca shiỹaxaua da nshepaxan da lataxac, nache saishet da ỹañoxot da ỹo'oxoren Ñim Lo'onatac 'Enauacna. Qalaxaye nataqa'en ishet da qui'itta da qaicoreleguete naua ltago'q ca quetaq llalec huo'otaq ca huaca llalec, huo'otaq da qaichegoxolec na alo maye chegaqaigui aca huaca llale maye qaỹavigaxat.

Tito 2:14

Somaye nañan co'ollaxa da qomi' ileualeguete, cha'aye nshetaique da qomi' nca'alaxateeguesopa na qauemsat, qataq qomi' iqui'itaxa't da ỹauo'oi qomi' lalamaqa'ate, qataq da yaqto' so'otaq ca ỹaỹamaqchiguiñi.

1 Corintios 6:11

Qaq huo'o co'ollaxa da qoñiita na 'eeta'am ne'enapi. Qalaxaye Ñim Lo'onatac 'Enauacna mashe qami' ichoxore'n qataq qami' iqui'itaxatte', qataq mashe qami' lalamaqa'ate. Qaq 'enauac de'era chegoqchigui So Qarataxala' Jesucristo qataq So Saqcha'a La'añaxac Ñimaye.

1 Corintios 1:30

Qaq Ñimaye nallegoxottela't da qana'ayeetaua'a naqa'en So Cristo Jesús, qataq chegoqchigui naqa'en Somaye da qaraỹaanec. Qataq chegoqchigui naqa'en Somaye da qomi' ỹaỹamaxareete' Ñimaye, qataq da qomi' lalamaqa'ate, qataq da saconaxaguet ca nca'alaxa chochaq tatec.

Mateo 27:62

Qaq so lỹa na'a'q maye nmataxaqui na judiopi, nache so lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq so fariseopi nqo'oneua'a so Pilato.

Salmos 51:7

¡Aỹem 'auqui'itaxatta qome, aỹem 'aurolec ana nquetegaxanaqte hisopo yaqto' aỹem qui'itta! ¡Aỹem 'auỹo yaqto' aỹem qui'itta, nache ñapacalec da lapagaxa ana aloñi!

Hechos 22:16

Qaq nagui, ¿negue't cam 'auatta'a? Qoñisheguem qome, nache 'am qanachelaxan, ỹataqta 'aupi'iỹa'a da le'enaxat So Qarataxala', yaqto' ishet da qaỹapalaxat na 'arasouaxashetpi.»

Juan 19:33

Qalaxaye co'ollaq nqo'onalo So Jesús, nache ilora'a da mashe ileu, nache saishet da inoxo'n naua lchel.

Juan 20:20

Qaq co'ollaq ime da 'enapec de'era Somaye, nache ỹachaxa'n naua lhua'q qataq na laỹe. Nache soomaye ỹataqta huo'o da ntonaxa'c da iloro'ot So Qarataxala'.