Juan 19:31 - La'aqtaqa Ñim Lo'onatac 'Enauacna 2013

³¹ Qaq se'eso na'a'q, nache pa'aiguet so na'a'q maye huetoigui da qaiuennate so na'a'q le'enaxat Lapascua. Nache na lataxala'pi na judiopi sa ỹaỹamaxaren da nache netragui da lo'ocỹaxa'c soomaye soua npe'enaxaqui' se'eso na'a'q mataxaqui. Cha'aye se'eso na'a'q ỹataqta ỹactec da qairen. Qaq ỹoqo'oye qaiỹaxanot so Pilato da yaqto' damaxasoxoolec da qaỹacagaxa't naua lchel soua tres ỹale't maye qaiuaxaatrauo, da yaqto' saqaỹaloq da ileu', nache qaiỹalapegueto da qanqaayiñi da lo'ocỹaxa'c soomaye.

Nuevo Testamento Toba Sur

³¹ Qaq se'eso na'a'q, nachi pa'aiguet so na'a'q mayi huetoigui da qaiuennate co'ollaq qanayica'ai yi Egipto. Nachi na judiopi sa ÿaÿamaxaden da nachi netragui da l'oquiaxa'c soomayi soua npe'enaxaqui' se'eso na'a'q mataxaqui. Cha'ayi se'eso na'a'q ÿataqta ÿacteec da qaiden. Qaq ÿoqo'oyi qaiÿaxanot so Pilato, da yaqto' damaxasoxoolec da qainoxo'n naua lchil soua qaiuaxaatrauo, nachi qanqajyiñi da l'oquiaxa'c soomayi.

Nuevo Testamento Toba Sombrero Negro

³¹ Qama'le nach'ejo jo'me nolo' jo'ne yauaqa'a ga'me Pascua, qama'le jogaa'me judiopi lajoĝola'te ja jetaque ta'le nach'e eta't netayelo jogaa'me sodosol gaa'me napa'che ga'me nolo' jo'ne niyamaqatac, queda'me naloja'a jojo'me nolo' jo'ne p'ajaye qoyen da'me qo'nonaĝachichigui. Chane'eja yiyaĝade'uo ñe'me Pilato qaedi damaĝajoĝolegue da'me qoyenoĝo'n naa'me lichil lep'inaqa jogaa'me jiyaĝa'u jo'ne qoyep'enajeguem, qaedi paja'a da'me yele'u qama'le qoye'n ca'ae jogaa'me neteda'ña gaa'me lapa'che.

Juan 19:31 Referans Kwoze

Juan 19:14

Qaq se'eso na'a'q nacheso so pa'aiguet som na'a'q maye le'enaxat Lapascua. Qaq mashe na'a'q laiñi co'ollaq so Pilato 'eetega na judiopi, 'eeta': –¡'Era dam qarta'ai!

Juan 19:42

Qaq asomaye nache qaỹachangui So Jesús, cha'aye asa'aso huachiqui, asomaye saqaỹapeque, qataq souaxat da mashe yaqta'a da ivita da nnoxoneuo so nmataxaqui na judiopi.

Marcos 15:42

Qaq co'ollaq mashe avit se'eso na'a'q maye aỹamaxataxaqui maye pa'aiguet so na'a'q mataxaqui maye saishetapec na judiopi.

Josué 8:29

Qaq so Josué icoñerasheguemec aso qo'oipaq so nta'a ye Ai, nache ivitta'a so avit da netasheguem naqa'en, qaq co'ollaq mashe yaqta'a da inoxooñi aso nala' nache damaxasoxoolec da qanqaañi se'eso leuaxaic, ime nache qairouga so ñegueuo so huaqta'a't nỹecpi, nache se'eso lo'ocỹaxac somaye qalaponalec so coma'. Qaq se'eso naponec coma'pi nache huetaña, choche ivitta'a nagui.

Juan 19:1

Nache so Pilato damaxasoxoolec da qaỹaconeua'a So Jesús, nache qaiuaxan.

Miqueas 3:3

Qaq nache nca'altauec qanqa'eñi da qollequiitac na ỹalamaxat nhuo' le'ecpi, qataq da ime da qancolaxacheetauec na lapat nache qaunoxoñi' naua lpi'ineqa, qataq qanpelliquiichiguiñe 'eeta'am ca lapat maye taỹa'a da qaỹasaxangui aca taxaqui.

Proverbios 12:10

Ca no'on da lataxac ỹaỹaten da ntela'a na na'atetpi, qaq ca qauemaic qalaq sa ỹaỹaten da dechoxonnataxan.

Éxodo 12:16

Qaq que'eca la'auaxanec na'a'q qataq nache 'ena'am ca pa'atec na'a'q qom mashe ivi' caua siete na'axa'te, nache huetoiguilo da qaỹo'ot ca lta'araic naponaxac da qavio'oxonnataxañi. Nache que'ecaua na'axa'te qaica ca ishet da do'onataxan. Nachaqrata da iqataxaatai' ca aloq ñi 'oonolec.

Mateo 27:62

Qaq so lỹa na'a'q maye nmataxaqui na judiopi, nache so lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq so fariseopi nqo'oneua'a so Pilato.