Juan 19:30 - La'aqtaqa Ñim Lo'onatac 'Enauacna 2013

³⁰ Nache So Jesús nỹomgui se'eso lataxa 'euaxaic. Ime, nache 'enapeco': –Nagui mashe 'enauac ipacchigui. Huaña, nache naqchiguiñi na lqaic, nache ileu.

Nuevo Testamento Toba Sur

³⁰ Nachi so Jesús nÿomgui se'eso lataxa 'iuaxaic. Ime, nachi 'enapeco': –Nagui ime 'enauac nam qai'otpi. Huaña, nachi naqchiguiñi na lqaic, nachi ileu.

Nuevo Testamento Toba Sombrero Negro

³⁰ Joñe'me Jesús da'me yem da'me niyomigui jo'me lataĝa, qama'le enaac: —¡Male yema yepaquichiguilo nayi! Male naĝañi na'me laqaic, qama'le 'yiyelaĝatot ñe'me Dios ñe'me lepaqal.

Juan 19:30 Referans Kwoze

Juan 17:4

Qaq Aỹem ỹataqta 'am sho'oxoreetac nagui da soota'a ana 'alhua, cha'aye ỹataqta sematta da Aỹem 'auamaxalec da so'ot.

Filipenses 2:8

Qataq co'ollaq mashe ỹaatañi da lataxac ca shiỹaxaua, nache ỹacona da saishet da huo'o ca la'amaqchec. Qataq souaxat da ỹalaxaguet Ñim Lo'onatac 'Enauacna, nache ivitta'a da qaỹalauat, qaiuaxaneguet so npe'enaxaqui.

Hebreos 12:2

Qaq ỹataqta seloqchigui So Jesús, cha'aye nacheso so chegoqo'ot da qanaquitaxac, qataq nacheso som ỹo'ot da nquictasheguem da qarpi'iỹaxac. So Jesús ỹataqta na'añaxateguet da ne'enaguec co'ollaq qaiuaxaneguet so npe'enaxaqui, cha'aye ỹaỹaten da inoxonaqchetec da lta'araic nque'eenaxac, nache ỹaconeguet da lta'araic lamaicỹaxac. Qaq nagui Ñimaye mashe nso'ootañi, netaua'a na aloic añi nso'onaxaqui Ñim Lo'onatac 'Enauacna.

Juan 10:11

Aỹem Nachaỹem no'on qagueta lo'o. Ca no'on qagueta lo'o, camaye ỹaalec da nachaalataxac ana qaguetapi.

Daniel 9:24

Iuen qome da inoxonaqchetrec caua Setenta semanas nam 'arhuo' le'ecpi, qataq na qui'itta huaqta'a't nỹecpi maye 'aralamaxat, da yaqto' nache tachiguiña naqa'en da lle'etaxaloxo qataq da lasouaxashet, qataq yaqto' ỹaconeguet ca nchoxonnataguec souaxat nam qauempi, nache chochaq tatec qome naqa'en da na'ayiñi da nalochiguiñi lataxac, yaqto' ipacchigui qome som 'arauanaqchec qataq som 'ara'aqtaxanaxac, qataq da qaiqui'itaxat yem saqaishetapec.

Lucas 23:46

Nache So Jesús ỹa'alaq, 'eeta': –'Am Ita'a, 'am sepagaqteetot da saqcha'a ica'alaxa da maiche 'aulo'ogue. Qaq co'ollaq mashe nasaxauec de'era la'aqtac, nache ileu.

Isaías 53:10

Cha'aye Ñim Nataxala' maiche lhuennataxac da ỹaneguet da nque'eenaxac somaye. Qaq somaye ye nañaalec na nasouaxashetpi, nache ỹataqta qaỹoqtec da nachaalataxac qaq ivira'a da ỹalectaigui na llalaqpi, qataq chegoqchigui somaye da ỹaỹamaqchiguiñi nam lapaxañipi Ñim Nataxala'.

Romanos 10:4

Qaq Ñimaye saishet da qomi' ỹaỹamaxareete' souaxat da salaxasoxoguet na namaxasoxonaxacpi; cha'aye nagui Ñimaye nda'a't da ỹaconeguet cam huo'o da lpi'iỹaxac So Cristo. Cha'aye So Cristo nacheso so loga't nam namaxasoxonaxacpi.

Juan 19:28

Qaq So Jesús co'ollaq ỹaỹaten da mashe ipacchigui 'enauac nam ỹamaxalec Ñim Lo'onatac 'Enauacna. Qaq ỹoqo'oye da yaqto' ipacchiguilo naua nanettralec ana nere maye huetalec na la'aqtacpi Ñimaye, nache Somaye 'enapeco': –Huo'o na ỹaquip.

Marcos 15:37

Nache So Jesús ỹataqta na'axannec da la'alaxac, ime, nache ileu.

Juan 10:18

Qaica ca ishet da deuotaxanec de'era ñachaalataxac, qalaxaye maiche Aỹem chegoqchigui da san damaye. Qaq Aỹem huo'o da shenec da san damaye, qataq da ñe'eguelaxaala't. Qaq 'era dam Aỹem ỹamaxalec Ñim Ita'a.

Juan 4:34

Qalaxaye So Jesús 'enapeco': –Dam anoq, nachera da 'eetapeguec Ñim Aỹem namaq qataq da yaqto' semat da lo'onataxanaxac.

Mateo 20:28

Aỹem Shiỹaxaua Llalec, nache ỹataxac de'era, sa ñanaỹa ana 'alhua da yaqto' Aỹem qanhualaxaueetapegue', nachaqrata da Aỹem ñeualaxaueetac qataq ñanac da sesoueeguesop na lasouaxashetpi na shiỹaxauapi qataq san da ñachaalataxac da lasheue damaye.»

Mateo 27:50

Nache qaltaq ỹe'eguelaxalec So Jesús da na'axannec da la'alaxac. Ime, nache ileu.

Isaías 53:12

Qaq ỹoqo'oye Ñim Lo'onatac 'Enauacna ỹanem da ỹalectaigui na 'amaqtaqaicpi qataq ỹalectaigui na 'añaxaicpi da dauegaxan, cha'aye nañaneguet co'ollaxa da nleuaxa qataq da ỹalectaigui qanqa'en na qauemaicpi, qamaq somaye ỹache na lasouaxashetpi na qalota shiỹaxauapi qataq detaqteguelec nam 'etaxaloxoicpi.

Salmos 22:15

Qaq na aỹap qalaq ỹataqta daqaqta, 'eeta'am ca chaic maye nhuo' lapo', ñi ỹachaxat qalaq lapaqot na ñaquiaq. Qataq ỹataqta aỹem 'alaroigui na 'alhua da seleu.

Hebreos 9:22

Qaq na namaxasoxonaxacpi ỹa'axat da naua ntago'q hua'c da ishet da ỹapalaxat na nasouaxashetpi maye chegaqaigui nam ỹotta'a't qaỹo'otpi. Qataq iuen da sanaqoto Ñim Lo'onatac 'Enauacna caua ntago'q da yaqto' ỹapalaxat na qarasouaxashetpi.

Romanos 3:25

Ñim Lo'onatac 'Enauacna namaxa ana 'alhua So Jesucristo da yaqto' qomi' ileualeguete. Da sepi'iỹaqa'a da So Jesús qomi' ileualeguete, nache Ñim Lo'onatac 'Enauacna ỹapalaxat na qarasouaxashetpi. 'Era da 'eetec da ỹachaxan Ñim Lo'onatac 'Enauacna da ỹataqta 'eesa. Qana'achec souaxat da lhualaxavic Ñimaye. Cha'aye nagui ỹapalaxat 'enauac nam qauem maye so'otaqtac co'ollaxa. Ñimaye ỹataqta no'on da lataxac qataq ỹaconeguet nam huo'o da lpi'iỹaxac So Jesús.

Mateo 3:15

Qalaxaye So Jesús 'enapeco': –'Onaxaic da 'auo'ot nagui de'era. Cha'aye qomi' iuen da sepagaqtelec dam la'aqtac Ñim Lo'onatac 'Enauacna. Nache so Juan ỹaỹamaxareeta,

1 Corintios 5:7

Qaq ỹoqo'oye qaỹa'axañiiñi da qauo'ocheetac naua qarasouaxashe'echilli'. Cha'aye dam ñe'etaxaloxo, 'eeta'am ana mashe qauem maye ỹasheeraxachigui ca ndaqnec 'ayiiña, da iqataqchet 'enauac naqa'en camaye. Da qami' qaỹa'axañiiñi da qauo'ocheetac na qauem, nache qami' dalaxaiqa shiỹaxau', qoñiita'am aca dalaxai nauole maye qaca aca lalecte maye ỹasheeraxachigui da qanallec da iviteuga ye na'a'q le'enaxat Lapascua. De'era dalaxaic qanachaalataxac, 'eeta'am de'era naponaxac. Qaq so qagueta llalec maye qaỹalauat da huaigui de'era naponaxac, nacheso So Cristo maye qaỹalauat co'ollaxa, qaiuaxaneguet so npe'enaxaqui. Qaq qomi' qalaq shenaqta'am aca nauole maye qanallec da huaigui de'era naponaxac, qaq ỹoqo'oye iuen da shenaqta'am aca nauole maye qaca aca lalecte maye ỹasheeraxachigui, damaye naigui da huesota qarataxac qataq no'on. Saishet qome da qomi' qauemaiqa qataq saishet da so'otaxac ca qauem ca qarỹa, cha'aye da nache shenaqtec de'era, nache shenaqta'am aca nauole maye lalecte qanqa'en ana mashe qauem maye ỹasheeraxachigui.

Zacarías 13:7

Ñim Nataxala' maye Qaica ca Ỹaqalanapec da la'aqtac 'eeta': ¡'Anachaañi 'am ỹeelonec, nache 'auataỹa'aguet ñi ỹamaxashec maye ilotague' ana qagueta, qataq ñim ỹale maye itaua! ¡'Aualauat qome ñim ilotague' ana qaguetapi, yaqto' anam lhuateguishe qaguetapi laga't qome, qaq Aỹem sataỹa'aguet qome da salauat na qagueta llalaqpi!

Génesis 3:15

Qaq Aỹem, so'ot da 'am, qataq ara 'alo qami' npa'aguenaxau', nache 'ena'am qome ca 'aỹa'alaqpi, qataq ca llalaqpi aramaye. Ca llalaqpi aramaye pigui qome na 'arqaic, qaq 'am 'anaigui qome ana lla'axa.»

Daniel 9:26

Qaq qom inoxoorec caua sesenta y dos semanas, nache qanqat da nachaalataxac cam nataxala' maye nca'aguishec. Nache ye Jerusalén qataq añi atamnaxaqui ilaxachiguilo qome cam shiỹaxauapi maye nalleppi cam nta'a maye anac qome. Qaq ỹataqta nque'elaxatta qome que'eca loga't, 'eeta'am da lviraxac ca ndep. Qataq huo'o qome ca nlaqtaxanaxac qaq camaye vi'iiguet qom ime ca alaataxac.

Lucas 22:37

Cha'aye Aỹem shenapec da ỹataqta iuen da ipacchigui qome da ña'aqtaguec maye ỹa'axa't naua ñiyigui'she la'aqtaqa Ñim Lo'onatac 'Enauacna maye 'eeta': «Nache qaỹalecnoigui nam 'etaxaloxoicpi camaye.» Cha'aye 'enauac nam ña'aqtaguec maye qoỹettañi, namaye iuen da ipacchigui.