Juan 19:25 - La'aqtaqa Ñim Lo'onatac 'Enauacna 2013

²⁵ Qaq se'eso npe'enaxaqui So Jesús, nache saqaỹapeque ca huetaua'a aso late'e, qataq aso lỹa María maye lhua so Cleofas asom lasoro So Jesús, qataq aso María maye lma' ye Magdala.

Nuevo Testamento Toba Sur

²⁵ Qaq se'eso npe'enaxaqui so Jesús nachi huetau'a na laÿi aso late'e, qataq aso lqaÿa, qataq aso lÿa María mayi lhua so Cleofás, qataq aso María mayi lashi yi Magdala.

Nuevo Testamento Toba Sombrero Negro

²⁵ Nataq'aen da'me uo'oe gaa'me yauo' ueteda'ajop jaga'me nesodoso ñe'me Jesús, nach'añe jañe'me María mach'e lat'e, nataq'aen jañe'me laqaya jaga'me lat'e chaqañe'me María jo'ne loua ñe'me Cleofás nataq'aen jañe'me María jo'ne Magdala laje.

Juan 19:25 Referans Kwoze

Lucas 23:49

Qaq 'enauac nam nauochaxauapi So Jesús qataq som 'alpi maye ca'attague' Somaye co'ollaq chegoqchiguiña ye 'alhua Galilea, nache qaỹatauga ca hueta'a co'ollaq imeteetac da huaigui Somaye.

Juan 20:1

Qaq som la'auaxanec na'a'q naua na'axa'te, nache aso María maye lma' ye Magdala, asomaye tauga aso huachiqui co'ollaq nte'etom, co'ollaq ñaq napaltañi, qaq co'ollaq mashe saqaỹapeque aso huachiqui, nache asomaye ila'a da so coma' maye lapoxot asomaye da mashe qanqat.

Lucas 24:18

Nache so 'oonolec soomaye, le'enaxat Cleofas, ỹasat, 'eeta': –'Enauac nam shiỹaxauapi maye hueta'a na Jerusalén qaica ca sa ỹaỹaten da qanayeuaigui se'esoua na'axa'te. Qaq ¿chaq 'amto' da qonetaña yemaye da sa 'auaỹaten de'era?

Lucas 8:2

nataqa'en qalota so 'alpi. Se'eso 'alpi itauaateguec ana alom co'ollaxa So Jesús qataq soua lapaxaguenataqa. Huo'o asomayepi co'ollaxa da So Jesús, nataren na ỹotta'a't lalolaxapi qataq ỹo'orauec na saqcha'a na'añaxacpi leguemaxaicpi. Qaq ỹalectaigui asomayepi aso María maye Magdala lashe asom chegaqaigui co'olloxocheye soua siete saqcha'a na'añaxac leguemaxaicpi. Nataqa'en ỹalectauo aso Juana qataq aso Susana. Aso Juana lhua so le'enaxat Cuza, som ilotague' ca lma' qataq da lsallaxa so Herodes Antipas.

Lucas 2:35

Huaña, nache ishet da qaỹaỹaten ca ỹoqta lhuennataxac ñi 'oonolec. Qaq 'am María, de'era qome ỹataqta ỹo'ot da 'anque'eenaxac, 'ena'am da ỹa'attagui qome añi 'arquiyaqte ca ỹeelonec.

Marcos 16:9

[Qaq so nte'etom so la'auaxanec na'a'q co'ollaq mashe qaltaq nca'alec So Jesús, nache hua'auchiguiñi da nachaxana aso María maye lma' ye Magdala. Soua hua'au' na'axa'te nataren So Jesús asomaye ỹo'oldauec soua siete saq cha'alo na'añaxaco leguemaxaiqa maye netaigui co'ollaxa asomaye.

Mateo 12:46

Qaq So Jesús ñaq na'aqtaxaatague' se'eso shiỹaxauapi co'ollaq nvireua'a ca hueta'a Somaye aso late'e qataq soua lqaỹa't, qaq soomaye pa'atraue'c, qaq huotraique da detaxairapegue' Somaye.