Juan 19:2 - La'aqtaqa Ñim Lo'onatac 'Enauacna 2013

² Nache som alleppi ỹanaxanaxaangui na lqaic So Jesús aso lo'onata ỹaxat, qataq ỹanaxanaxaanguilo soua anogo maye naueraleguete da ltogaxa.

Nuevo Testamento Toba Sur

² Nachi som allippi ÿanaxanaxangui na lqaic so Jesús aso l'onata ÿaxat, qataq qoÿanaxanaxanguilo soua anogo mayi ÿataqta nauedalguete na ltogaxa.

Nuevo Testamento Toba Sombrero Negro

² Jogaa'me coico laje' yipaĝa't jaga'me yaĝat qaedi yanedaye ga'me laqaic joñe'me Jesús, nataq'aen da'me yaidiñe q'aen ga'me lapoto jo'ne tomaĝadaic da'me 'loyaĝac.

Juan 19:2 Referans Kwoze

Lucas 23:11

Nache so nta'a Herodes qataq so nalleppi ỹataqta ỹe'enai' So Jesús, nache lapaxalec so npo' ỹataqta qaica ca 'ena'am da lyac, 'eeta'am naqa'en ca nta'a. Qaq co'ollaq ime, nache qaltaq ỹe'eguelaxata so Pilato.

Isaías 53:3

na ỹalleppi qalaq ỹo'otan co'ollaxa qataq sa ỹaconeguet. Ỹale maye nlaqchigui da nqui'ic, qataq nala'aguet da nque'eenaxac. Qataq 'eeta'am ca sa iuen da qailotagui, nache 'enauac qomi' da so'otanaq qataq saishet da sauotaxac.

Salmos 22:6

Qalaxaye aỹem choche aỹem qoche'l, qaq saishet da aỹem shiỹaxaua, na shiỹaxauapi qalaq choche aỹem ỹe'eetac.

Juan 19:5

Nache qanpa'axanec So Jesús, netagui qanqoỹen na lqaic aso ỹaxat maye no'onata, qataq ỹaatrañi soua anogo maye naueraleguete na ltogaxa. Nache so Pilato 'enapego' somayepi, 'eeta': –¡'Era dam ỹale!

Isaías 49:7

Ñim Nataxala' maye Ca'alaqtaxanaxaic, Ñim Qui'itta natamnaxala' na Israel le'ecpi, 'enapega na shiỹaxauapi maye ỹataqta saq qaiyacnapec, nam lqaigaxat na laỹepi shiỹaxauapi, nam l-latac co'ollaxa nam qaica ca ireetacpi Ñimaye, 'eeta': «Qom 'am ila'a na nta'alpi qataq nam 'amaqtaqaicpi, nache nachaañi qome qataq 'am ỹa'aroto naua l-llecte, cha'aye Aỹem Nataxala', maye Qui'itta natamnaxala' na Israel le'ecpi, 'am lleca'aguishec co'ollaxa, qaq sepacchigui qome nam sachaxanapecpi.»