Juan 19:18 - La'aqtaqa Ñim Lo'onatac 'Enauacna 2013

¹⁸ Qaq huaña yemaye, nache qaiuaxaneuo So Jesús, nataqa'en soua dos ỹale't. So 'oonolec soomaye pa'ata'ague qanqa'en da aloic, qaq so lỹa pa'ata'ague da ne'emaq.

Nuevo Testamento Toba Sur

¹⁸ Qaq huaña yimayi, nachi qaiuaxaneuo somayi, nataq'en soua lÿa't dos. So 'oonolec soomayi pa'ata'ague da aloic, qaq so lÿa pa'ata'ague da n'emaq. Nachi so Jesús pa'atangui na laiñi.

Nuevo Testamento Toba Sombrero Negro

¹⁸ Qama'le naqaedi di'me ua'ña da'me qoyep'enajeguem, choqogaa'me dojolqa jiyaĝa'u laqaya' jo'ne na'ñalo qoyen naa'me lael joñe'me Jesús, qama'le ñe'me Jesús uañgui laeñi qoyen jogaa'me dos jiyaĝa'u.

Juan 19:18 Referans Kwoze

Isaías 53:12

Qaq ỹoqo'oye Ñim Lo'onatac 'Enauacna ỹanem da ỹalectaigui na 'amaqtaqaicpi qataq ỹalectaigui na 'añaxaicpi da dauegaxan, cha'aye nañaneguet co'ollaxa da nleuaxa qataq da ỹalectaigui qanqa'en na qauemaicpi, qamaq somaye ỹache na lasouaxashetpi na qalota shiỹaxauapi qataq detaqteguelec nam 'etaxaloxoicpi.

Gálatas 3:13

Qalaxaye So Cristo qomi' nca'alaxateeguesopa dam lta'araic qanhuaxanaguec souaxat da saishet da salaxasoxoguet na namaxasoxonaxacpi. 'Era da 'eetec da qomi' nca'alaxatre'c Somaye. Cha'aye naua ñiyigui'she maye nanettaleguete ana nere maye huetalec na la'aqtacpi Ñim Lo'onatac 'Enauacna 'eeta': «Ñim Lo'onatac 'Enauacna ỹauo'o qome ca nhuaxanaguec cam qaiuaxaata'aguet ca npe'enaxaqui qo'oipaq souaxat da saishet da ỹalaxaguet na namaxasoxonaxacpi.»

Juan 18:32

Huaña, nache ỹataqta ipacchigui da 'enapec So Jesús co'ollaq ỹa'axata'a da 'eetec qome da nalaataguec.

Mateo 27:44

Qataq ivira'alo nataqa'en soua 'etaxaloxoiqa maye npe'enaxau' So Jesús, soomaye nataqa'en isheueetrac So Jesús.

Salmos 22:16

Qaq so qalota qauemaicpi qalaq 'eeta'am na pioxoppi da aỹem coleesop, nache aỹem nanaxachigui, nache icolaxatta'ape naua ihua'q qataq naua ichel.

Hebreos 12:2

Qaq ỹataqta seloqchigui So Jesús, cha'aye nacheso so chegoqo'ot da qanaquitaxac, qataq nacheso som ỹo'ot da nquictasheguem da qarpi'iỹaxac. So Jesús ỹataqta na'añaxateguet da ne'enaguec co'ollaq qaiuaxaneguet so npe'enaxaqui, cha'aye ỹaỹaten da inoxonaqchetec da lta'araic nque'eenaxac, nache ỹaconeguet da lta'araic lamaicỹaxac. Qaq nagui Ñimaye mashe nso'ootañi, netaua'a na aloic añi nso'onaxaqui Ñim Lo'onatac 'Enauacna.

Juan 19:32

Nache soua ale't je'c, nache ỹacagaxa't naua lchel soua npe'enaxau' So Jesús.

Hechos 2:23

Qaq nache 'eetai' da Ñimaye lhuennataxac da So Jesús huo'o da nque'eenaxac qataq qoỹaneua'a na npa'aguenaxauapi. Qami' qaucoñiye Somaye qataq qaỹa'añiiua'a na Roma le'ecpi da yaqto' ỹalauat.