Juan 19:17 - La'aqtaqa Ñim Lo'onatac 'Enauacna 2013

¹⁷ Qaq co'ollaq ime, nache qanayecot So Jesús, maiche ỹachetac qanqa'en so npe'enaxaqui, da nqo'oneuga so 'alhua maye qaỹamata'ac da nqaic lpi'inec lma'. Qaq nam hebreo la'aqtaqa ỹamata'ac Gólgota.

Nuevo Testamento Toba Sur

¹⁷ Qaq co'ollaq ime, nachi qanayicot so Jesús, maichi ÿachitac so npe'enaxaqui, da nqo'oneuga so 'alhua mayi qaÿamata'ac da nqaic lpi'inec lma'. Qaq nam hebreo naua l'aqtaqa ÿamata'ac Gólgota.

Nuevo Testamento Toba Sombrero Negro

¹⁷ jo'ne qoyen yachi jaga'me sodoso da'me qoyauega ga'me aleua lae jo'ne lenaĝat da'me Gólgota, da'me hebreo 'laqatac jo'ne yelo'teguet da'me «Naqaic lep'inec 'lachaqa'.»

Juan 19:17 Referans Kwoze

Lucas 23:33

Qaq co'ollaq mashe ivireuga som 'alhua maye le'enaxat «Nqaic Lpi'inec», nache iuaxaneuo So Jesús, qataq nataqa'en soua dos maye ỹo'otta'ape naua qauema. So 'oonolec ỹana'ague da aloic So Jesús, qaq so lỹa qalaq ỹana'ague da ne'emaq.

Lucas 14:27

Qataq ca Aỹem quegue, da huo'otaq saishet da lhuennataxa da Aỹem ileetalec, qaq camaye saishet da ỹapaxaguenatac.

Lucas 23:26

So huataxanaqpi co'ollaq ỹauegueueegue da laỹe ye nỹecpi So Jesús da ỹauotaique da iuaxaneuo, nache qanatena'aguet so ỹale, le'enaxat Simón, maye lma' ye nỹecpi le'enaxat Cirene. Somaye chegaqauga na no'onaxa. Nache qaỹachelec somaye so npe'enaxaqui So Jesús, nache ca'attaueegue qanqa'en Somaye.

Hechos 7:58

Nache qaỹauogonnaueegue da laỹe so nỹecpi, nache qaira'a na coma' da qaỹasaq. Qaq nam da'aqtaxan co'ollaxa da 'eetega da huo'o ca lasouaxashet, somayepi icotano'oto naua lapo'ote so nsoq le'enaxat Saulo.

Marcos 15:32

Ñimaye 'eetega da Lca'aguishec Ñim Lo'onatac 'Enauacna qataq lta'a na Israel le'ecpi. ¡Da sauanaqchigui da huenoteeguesop ñi npe'enaxaqui, nache ishet da sa'amaqtenaq Ñimaye!» Nataqa'en soua cachaxaiqa maye qaiuaxaatrauo, huaqta'ato So Jesús, isheueetrac Somaye.

Lucas 23:38

Qaq huo'o som nerec maye neta'aguet na lsheenec pa'asheguem so npe'enaxaqui maye 'eeta': «'Ena na Lta'a na judiopi.»

Lucas 9:23

Ime, nache So Jesús 'enapega 'enauac so hueta'a yi'iye, 'eeta': «Ca nshetaique da ỹapaxaguenatac, nache camaye iuen da icoua'ai da ỹo'ot ca maiche 'eetapeguec. Qataq iuen da lhuotta da Aỹem ileualec qataq da ỹo'ot ca samaxalec.

Marcos 15:26

Qaq som qoỹettalec da lasouaxashet somaye huetalec da 'eeta': «'Ena na lta'a na judiopi.»

Marcos 10:21

Nache So Jesús ỹamato'ot somaye, nache ỹataqta huo'o da lauoche, nache 'enapego', 'eeta': –Huo'o da saxanaxa da 'auo'ot. Qojec qome 'aumen 'enauac na 'am hueto'otpi, ime nache 'aỹa'anoigui na choxoraqpi aca lasheue. Yaqto' Ñim Lo'onatac 'Enauacna, 'am ỹami' ca lta'araic 'araueguec da piguem. Ime, nache 'auanac da 'aualegoigui nam Aỹem ca'attague'pi.

Marcos 8:34

Qaq co'ollaq ime de'era, nache So Jesús iỹaxanalo soua lapaxaguenataqa, qataq so shiỹaxauapi. Nache 'enapego', 'eeta': «Da qami' qauauoitaique da qami' ỹapaxaguenataqa, nache iuen da qaucoviỹa'ai cam maiche qoñiitapeguec. Qataq iuen da qami' lhuotte' da qanañañi da qami' qaiuaxanegueta ca qanpe'enaxaqui qataq qauo'oche cam shenapec.

Mateo 16:24

Nache So Jesús 'enapegalo soua lapaxaguenataqa, 'eeta': «Da qami' qansheetaique da qami' ỹapaxaguenataqa, nache iuen da qaucoviỹa'ai da qauo'oche ca maiche qoñiitapeguec. Nachaqrata da iuen da qami' lhuotte', na'aictaxa da qami' qaỹalaua't. Qataq qaualaqaiguet ca ỹa'aqtac.

Mateo 10:38

Qataq cam Aỹem quetague' da huo'otaq saishet da lhuennataxa da na'aictaxa da Aỹem ileetalec, nache camaye saishet da ỹalamaxat.

1 Reyes 21:13

Huaña, nache nvildeuo co'ollaxa soua dos ỹale't maye 'etaxaloxoiqa, nache datategueta qanqa'en so Nabot, nache soomaye da'aqtaxaarem se'eso shiỹaxauapi, da so Nabot isheueetac co'ollaxa Ñim Nataxala', qataq so nta'a Ajab. Qaq co'ollaq ime, nache qaipa'axanec somaye, qaỹauegueuga so pa'auec so huaqta'a't nỹecpi, nache qaỹalauat qairota'a so coma'.

Levítico 24:14

«'Auauegueuga qome na pa'auec ye nanataqa' maye qanayeuta'a que'eca shiỹaxaua maye isheuen da ỹe'enaxat. Nache 'enauac na shiỹaxauapi maye hua'aqchigui co'ollaxa, nache ỹashel-lec na lqaic camaye. Ime, nache ỹalauat ỹauota'a na coma' laỹe da ỹasaq.

Génesis 22:6

Nache so Abraham, ỹacoosop so qo'oipaqpi maye lalonaxat aca lachetaqtaxanaqte, nache ỹachalec na lallac so Isaac, ime nache ỹacona so ỹeelonec qataq so norec, nache je'c, nnaicapega't.

Juan 5:2

Qaq se'eso lpaqtaxat ye nỹecpi ye Jerusalén, huo'o som lasom maye qaỹamata'ac «Nasom ana Qagueta.» Somaye, nache saqaỹapeque asom laỹe' na 'etaxat maye huo'oi soua cinco ñeguereuo maye nataqa'en ishet da qanayeeto'ot na lpaqal, qaq na la'aqtac na hebreo da iỹaxana qalaq Betzatá.

Juan 19:13

Nache so Pilato co'ollaq hua'axaỹa de'era, nache damaxasoxoolec da qanqatec So Jesús. Nache somaye nso'ootaña som huaña da qanmit ca nasouaxashet, maye qaỹamata'ac da le'enaxat Gabata nam hebreo la'aqtaqa. Damaye naigui da ndotec na coma' ca napiaqa'.