Juan 19:15 - La'aqtaqa Ñim Lo'onatac 'Enauacna 2013

¹⁵ Qalaxaye somayepi ỹa'alaqtagui, 'eeta': –¡Qaỹalauat qome damaye! ¡Qaỹalauat qome damaye! Qataq ¡qaiuaxaneuo qome! Nache so Pilato 'enapeco': –¿Peta'a isheto' da aỹem seuaxaneuo dam qarta'ai? Qalaxaye som lataxala'pi na ntaxaỹaxanaxanecpi 'enapeco': –Qomi' qaica ca lỹa qarta'a, nachaqñita ñim lta'a na nta'alpi maye neta'ague da Roma.

Nuevo Testamento Toba Sur

¹⁵ Qalaxayi somayipi i'alaqtagui, 'eeta': –¡Qaÿalauat qome damayi! ¡Qaÿalauat qome damayi! Qataq ¡qaiuaxaneuo qome! Nachi so Pilato 'enapeco': –¿Peta'a ishito' da aÿim seuaxaneuo dam qadta'ai? Qalaxayi som lataxala'pi na ntaxaÿaxanaxanecpi 'enapeco': –Qomi' qaica ca lÿa qadta'a, chaqñita ñim lta'a na nta'alpi mayi neta'ague da Roma.

Nuevo Testamento Toba Sombrero Negro

¹⁵ Qalaĝaja joga'me jiyaĝadipi yitaĝa nalaĝadijeguem, enapega'ajalo: —¡Aualachi! ¡¡Aualachi!! ¡¡Auep'eñiyajeguem!! Pilato yitaĝa denataĝan: —¿Qo'li naq'aeta da'me ami jetaque jep'enajeguem jenjo' adejaliaĝanequi? Qama'le jogaa'me lajoĝola'te jogaa'me tamenaĝaiqui lo'ol 'yadeteguet joñe'me: —¡Qo'mi qaya'te qadejaliaĝanec laqaya, nach'eñeta ñe'me César!

Juan 19:15 Referans Kwoze

Lucas 23:18

Qalaxaye 'enauac so shiỹaxauapi maye hueta'a yi'iye nmasheguem da ỹa'alaq, 'eeta': –¡'Auamaxasoxoolec da qaỹalauat da Jesús! ¡Qaq ca Barrabás, qalaxaye 'ausouec!

Hechos 22:22

Huaña, nache tachiguiña da saishet da qana'axaỹaxana. Nache so shiỹaxauapi ỹataqta ỹa'alaqtagui, 'eeta': –¡No'on da qaỹalauat de'era ỹale! ¡Saishet da nache 'eetai' da nca'altauec!

Hechos 21:36

Cha'aye 'enauac namayepi nca'attauo, ỹataqta ỹa'alaqtagui, 'eeta': –¡No'on da qaỹalauat!

Juan 19:6

Qaq co'ollaq ila'a Somaye na lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq nam nauaatalec naxa añi no'onaxanaxaqui late'erai, nache ỹa'alqagui, 'eeta': –¡Qaiuaxaneuo qome damaye! ¡Qaiuaxaneuo qome damaye! Nache so Pilato 'enapego' somayepi, 'eeta': –Qauaviquiiuec qone' damaye, nache maiche qauaxañiiuo, cha'aye aỹem saishet da huo'o ca sanata lasouaxashet damaye.

Génesis 49:10

Qaica qome ca ishet da deuotaxanec da lamaxasoxonaxac da Judá qataq da lamaxasoxonaxat npon maye nasoqta'a, choche ivitta'a da nvi' cam lalamaxat de'era pon, cam ỹataqta ỹalaxaguet qome na nhuo' le'ecpi.

Juan 18:31

Nache so Pilato 'enapego' somayepi, 'eeta': –Damaye qauaviqui, nache qauroilec nam namaxasoxonaxacpi maye qami' qoỹanema co'ollaxa da maiche qanmichi. Nache somayepi 'enapeco': –Qalaxaye qomi' judío lashe' saishet da huo'o ca qana'aqtac, da yaqto' huo'o ca salauataq.

Mateo 22:17

Qaq ñaq qomi' 'aua'axatema nagui ca 'arhuennataxac dam senataxanaqtapeguec maye, 'eeta': ¿Ỹaỹamaqchiguiñi peta'a da sesheetenaq ñim lta'a na nta'alpi maye netaña ye Roma qalqo' saishet?

Hechos 13:28

Qaq na'aictaxa da saishet da ỹanata co'ollaxa ca lasouaxashet Somaye da yaqto' ỹalauat, qalaxaye, nache 'ena'am iỹaxanot so Pilato, da yaqto' damaxasoxoolec da qaỹalauat.