Juan 19:11 - La'aqtaqa Ñim Lo'onatac 'Enauacna 2013

¹¹ Nache So Jesús 'enapeco': –'Am qaica ca qonec da huo'otaq saishet da 'am ỹanem Ñim Lo'onatac 'Enauacna ca 'ara'añaxac, da yaqto' ishet da huo'o ca 'auo'otec Aỹem. Qaq ỹoqo'oye cam Aỹem ỹaneua'a 'am, camaye ỹataqta ỹactec da lta'araic da lasouaxashet, qaq saq 'ena'am da qoneta.

Nuevo Testamento Toba Sur

¹¹ Nachi so Jesús 'enapeco': –'Am qaica ca qonec da huo'otaq sa ishit da 'am ÿanem ñi Dios ca 'ad'añaxac, da yaqto' ishit da huo'o ca qoneta'ac aÿim. Qaq ÿoqo'oyi cam aÿim ÿaneu'a 'am, camayi qome ÿataqta ÿacteec da lta'adaic da lasouaxashit, qaq saq 'en'am da qoneta.

Nuevo Testamento Toba Sombrero Negro

¹¹ Qama'le Jesús male 'yateguet joñe'me Pilato: —Ñe'me Dios jo'ne na'ague di'me piyem, nach'eñe jo'ne am yanem da'me adañoqotaĝanaĝac qaedi jayem anejaliaĝatelegue. Chane'eja ga'me jo'ne jayem yaneuo, nach'ega jo'ne yaguegue da'me laviyaĝajet jo'ne yajouaĝat, ja ena'am da'me am.

Juan 19:11 Referans Kwoze

Romanos 13:1

'Oonolec Ñim Lo'onatac 'Enauacna maye ishet da ỹami' da la'añaxac ca shiỹaxaua, qataq nacheñi Ñim ỹami' da damaxasoxon ca nta'a maye qomi' ilotegueto. Qaq ỹoqo'oye iuen da salaxasoxoguet nam nta'alpi.

Juan 3:27

Nache so Juan 'enapegalo soomaye, 'eeta': –Qaica ca shiỹaxaua maiche nallegoxottela't da huo'o ca ỹo'ot da huo'otaq saishet da ỹanem Ñim Lo'onatac 'Enauacna camaye.

Hechos 2:23

Qaq nache 'eetai' da Ñimaye lhuennataxac da So Jesús huo'o da nque'eenaxac qataq qoỹaneua'a na npa'aguenaxauapi. Qami' qaucoñiye Somaye qataq qaỹa'añiiua'a na Roma le'ecpi da yaqto' ỹalauat.

Daniel 4:17

Qaq 'era da lapaxañi la'aqtac som qui'itta namaxashecpi maye nauanaxanaxanecpi, yaqto' 'enauac na shiỹaxauapi ỹaỹaten da Ñim Lo'onatac 'Enauacna maye Nataỹaña 'Enauacna, huo'o da la'añaxac da ilo'ogue 'enauac da lo'onataxanaxac na shiỹaxauapi, Ñimaye ỹanem da no'onataxanaxac cam taalec da ỹanem, qataq ỹo'ot da lataxala' na ỹotta'a't shiỹaxauapi cam qaica ca la'amaqchec da ỹalectaigui na shiỹaxauapi.

Hechos 3:13

Qalaxaye Ñim Lo'onatac 'Enauacna maye ỹo'oxoreetrac co'ollaxa soua hua'au' qarta'al Abraham, qataq so Isaac, qataq so Jacob, Ñimaye nacheñi Ñim ỹanem da lta'araic la'amaqchec So Llalec Jesús, Som qami' qaỹa'añiiua'a co'ollaxa na lta'alpi na Roma le'ecpi. Nache so nta'a Pilato co'ollaq huotaique da ỹaxanec, qalaq qami' saishet da qauaỹamaxayiñi.

Juan 7:30

Huaña, nache qanshetaique da qaỹaconeua'a Somaye da qaicoñe'. Qalaxaye saishet da huo'o ca nañoxot da ỹaconeua'a, cha'aye Somaye saxanaxa da ivita ca laloqo' da qaỹaỹaten da chaq negue't Somaye.

Santiago 1:17

Ñim Lo'onatac 'Enauacna nacheñi ñi qomi' ỹanema 'enauac na 'onaxaic qataq nalochiguiñi. Cha'aye Ñimaye nacheñi ñi maiche lo'onata 'enauac ana huaqaañipi maye neto'ot na piguem, qataq Ñimaye saishet da nqochen da lataxac.

Daniel 4:25

Qaq 'am nta'a, 'am qanqateeguesop qome na shiỹaxauapi, nache 'aualectaigui qome na shiguiỹacpi, nache qollectac qome ana huoue qoneta'am ca nauegaxanaxala'pi huaca, nache na 'aỹa ỹapapiaxat na 'aro'oc. Qaq 'era da qome da 'eetec da 'anachaalataxac que'ecaua siete vi'iye 'am nta'a, nache ivitta'a da 'auauatton da Ñim Lo'onatac 'Enauacna maye Nataỹaña 'Enauacna, huo'o da la'añaxac da ilo'ogue da lo'onataxanaxac na shiỹaxauapi ana 'alhua, qataq nacheñi ñim ỹanem da nta'a cam taalec da ỹanem.

Mateo 6:13

Qataq da qomi' nvitalo ca qañe'eguenataguec, nache saishet da qomi' 'auashenegueta da chegoqchigui camaye da 'am qolaqa'ai. Qataq qomi' 'anca'alaxateeguesopa da la'añaxac so pa'aguenataxanaxaic.» [Cha'aye 'aralamaxat da no'onataxanaxac qataq da na'añaxac qataq da ño'oxoyec maye qaica ca loga't. Aja', nache 'eetec.]

Santiago 4:17

Da qami' qauaỹachiñi da qauo'oche ca ỹaỹamaqchiguiñi, qalaxaye saishet da qauo'oche, nache qami' huo'o da qarasouaxashechi.

Romanos 11:36

Ỹataqta 'eesa da Ñim Lo'onatac 'Enauacna, ỹo'ot imauec nam qaila'a qataq nam saqcha'a, qaq 'enauac na huo'o, nache chegoqchigui Ñimaye qataq lalamaxat. Qaq ỹoqo'oye, ¡chochaq tatec qome da qayo'oxonnataxanaxa Ñim Lo'onatac 'Enauacna! Aja', nache 'eetec.

Hechos 4:28

Qaq de'era ỹo'ot namayepi, damaye ỹataqta ipacchiguilo 'enauaque naua 'alapaxayiñi 'arhuennataxaco da 'auo'o't.

Mateo 27:2

Nache qaicoñetta'a't naua lhua'q Somaye, ime nache qanqateeguesop so lma' so Caifás, nache qaỹauegueua'a so nta'a Poncio Pilato maye lta'a na Roma le'ecpi.

Salmos 62:11

Huo'o so na'a'q detaqa Ñim Lo'onatac 'Enauacna, qataq dos da sa'aqchigui da 'eeta': «Ñim Lo'onatac 'Enauacna lalamaxat da na'añaxac,

Marcos 14:44

Qaq so Judas mashe ỹan so la'aqtac, 'eeta': –Cam ñapigoxoi', qaq nacheca ca Jesús. Qauacoñiiua'a qome, nache qauaviqui da qaucoñiye.

Daniel 5:21

Qaq ime nache ca'ai qanqa'en na shiỹaxauapi, nache ỹe'eguelaxa da 'eeta'am ca shiguiỹac, nache ỹalectaigui na 'ashenapi maye no'onaxa le'ecpi, qataq chectac ana huoue, 'eeta'am na nauegaxanaxala'pi huacapi, nache na 'aỹa ỹapapiaxat na lo'oc, choche ivitta'a da ỹe'eguelaxa da ỹauatton Ñim Lo'onatac 'Enauacna maye Nataỹaña 'Enauacna, da huo'o da la'añaxac da ilo'ogue da lo'onataxanaxac na shiỹaxauapi, qataq Ñimaye ỹanem da no'onataxanaxac da nta'a cam taalec da ỹanem.

Daniel 4:32

cha'aye 'am qanqateeguesop qome na shiỹaxauapi, nache 'aualectaigui na shiguiỹacpi, qataq qollectac qome ana huoue qoneta'am ca nauegaxanaxala'pi huacapi, ivittrec caua siete vi'iye, nache ivitta'a da 'auauatton da Ñim Lo'onatac 'Enauacna maye Nataỹaña 'Enauacna, da huo'o da la'añaxac da ilo'ogue da lo'onataxanaxac na shiỹaxauapi ana 'alhua, qataq nacheñi ñim ỹanem da nta'a cam taalec da ỹanem.»

Juan 9:41

Nache So Jesús 'enapegalo' soomaye 'eeta': –Qami'ctaxa da qanauattoñeetela't da sa qanauañiiñi, nache qaicactaxa ca qarasouaxashechi. Qalaxaye qami' ye qoñiitega da qanauañiichiguiñi, qaq ỹoqo'oye Ñim Lo'onatac 'Enauacna qami' ỹasaxaleguete da qarasouaxashechi.

Lucas 22:53

Qami' soota'agueta soua na'axa'te añi no'onaxanaxaqui late'erai, qalaq ¿ta'ainco' ye saisheto' da Aỹem qauacoñiiua'a? Qalaxaye nagui mashe ivita ye laloqo' da qauo'onataxañi qataq da do'onataxan da la'añaxac na napalaxa.

Daniel 4:35

Nam huetalec ana 'alhua qalaq qaica ca la'amaqchec da nachatto'ot Ñimaye, qataq Ñimaye da huo'o ye ỹo'ot qalaq maiche ca ỹataxaateuga, nam hueto'ot na piguem qataq nam huetalec ana 'alhua. Qataq qaica ca ishet da dataỹa'aguet da la'añaxac, qataq da ichemaxattac nam ỹo'otpi Ñimaye.

Lamentaciones 3:37

¿Negue't ca ishet da ỹa'axata'a cam taỹa'a da yo'oq, da saishet da nacheñi Ñim Nataxala' da ỹamaxalec?

Mateo 26:65

Nache co'ollaq hua'aqchigui de'era som lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna, nache ncolaxata'aisalo soua alogo da la'anaxat da ỹataqta dalemata, nache 'enapeco': –¡De'era ỹale, damaye ỹataqta isheueetac Ñim Lo'onatac 'Enauacna! Mashe qaica ca lỹa shiỹaxaua da seuenaq da da'aqtaxan. Cha'aye damaye 'eetega da nachera dam Lo'onatac 'Enauacna.

Salmos 39:9

Aỹem se'enaxat da qaicaua naua ỹa'aqtaqa, nache ỹataqta qaica ca ñasaxauec ỹa'aqtac, cha'aye nache 'am maye 'auo'ot de'era.

1 Crónicas 29:11

¡'Am Nataxala', maiche 'aralamaxat da na'amaqchec, da na'añaxac, da ño'oxoyec, da noxonaxanaxac qataq da qaica ca 'ena'am na'amaqchec! Cha'aye 'enauac na hueto'ot na piguem, qataq na huetalec ana 'alhua, maiche 'aralamaxat. Nataqa'en 'aralamaxat da lo'onataxanaxac na lta'alpi, qataq 'anataỹaña 'enauac namayepi.

Juan 18:13

Ime, nache hua'auchiguiñi da qaỹauegueua'a so lma' so Anás maye lacho' so Caifás, som lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna se'eso vi'i.

Juan 19:10

Nache so Pilato 'enapego' Somaye, 'eeta': –¿Qalaq saishet da aỹem 'auasateguet? ¿Sa 'auaỹateno' peta'a da aỹem huo'o da shenec da samaxasoxoolec da 'am qaiuaxaneuo, qataq da seshet da 'am sesouec?