Juan 18:37 - La'aqtaqa Ñim Lo'onatac 'Enauacna 2013

³⁷ Nache so Pilato 'enapego' Somaye, 'eeta': –¿Qache ỹoqta 'eesa da 'am nta'a? Nache So Jesús 'enapeco': –Aja', Aỹem nta'a, nachera dam qonapec. Aỹem sañiguiñi da ñanaỹa ana 'alhua, da yaqto' sa'axat cam 'eesa. Qaq 'enauac nam ỹalaxalec dam 'eesa, namayepi na'axaỹaxana dam ỹa'aqtaxanaxac.

Nuevo Testamento Toba Sur

³⁷ Nachi so Pilato 'enapego' somayi, 'eeta': –¿Qachi ÿoqta 'eesa da 'am nta'a? Nachi so Jesús 'enapeco': –Aja', aÿim nta'a, nachida dam qonapec. Aÿim sañiguiñi da ñanaÿa ana 'alhua, da yaqto' sa'axat cam 'eesa. Qaq 'enauac nam ÿalaxalec dam 'eesa, namayipi n'axaÿaxana dam i'aqtaxanaxac.

Nuevo Testamento Toba Sombrero Negro

³⁷ Qama'le Pilato yenatec da'me dojo': —Chane'eja, ¿qo'li ja naq'aeta da'me naqa'am jo'ne am nejaliaĝanec? Jesús 'yateguet joñe'me Pilato: —Naq'aeta da'me anenaĝategue: jayem nejaliaĝanec. Da'me jayem ñiyiñe queda'me ñec'ata jenjo' aleua qaedi ja'aĝatetac da'me jo'ne eja, qama'le ena'uaque jogaa'me 'yamaqate'n da'me eja, nach'egaua jayem naquiaĝata.

Juan 18:37 Referans Kwoze

Juan 8:47

Nam llalaqpi Ñim Lo'onatac 'Enauacna, ỹataqta na'axaỹaxaachigui 'enauac nam la'aqtacpi Ñimaye. Qalaxaye qami' saishet da qana'axaỹaxañiỹa, cha'aye saishet da qami' llalqa.

1 Juan 4:6

Qalaxaye qomi' mashe qomi' lalamaqa'ate Ñim Lo'onatac 'Enauacna qataq ishet da sauattonaq ca netanguit So Saqcha'a Na'añaxac maye ỹoqta 'eesa, qataq cam hueto'ot so saqcha'a na'añaxac maye tenataxanaxaic: qaq nam lalamaxatpi Ñim Lo'onatac 'Enauacna qomi' na'axaỹaxanalo qaq nam saishet da lalamaxatpi Ñimaye, qalaq saishet da qomi' qochetegalo.

Juan 8:14

Nache So Jesús 'enapeco': –De'era ỹa'aqtaxanaxac, damaye ỹataqta 'eesa, na'aictaxa da huo'otaq Aỹem maiche ña'axattapeguela't. Cha'aye saỹateeta ye sachegoqchiguiña, qataq dam sata'ague. Qami', qalaxaye saishet da qauaỹaañi.

1 Juan 3:19

Qomi' saỹatenaq da qomi' lalamaqa'ate Ñim Lo'onatac 'Enauacna, cha'aye sauotaxac na qaraỹepi. Qaq ỹoqo'oye da ñanomaqta da huo'o ca qarasouaxashet, qalaxaye nache 'ena'am saỹaanaqta da Ñim Lo'onatac 'Enauacna saishet da qomi' nmaxaleguete camaye, cha'aye Ñimaye nataỹaña 'enauac nam nvilỹaxacpi qataq 'enauac ỹaỹaten.

Juan 14:6

Nache So Jesús 'enapega somaye, 'eeta': –Aỹem Nachaỹem nqa'aic, qataq Nachaỹem 'eesa lataxac, qataq Nachaỹem nca'alaxa. Qaica ca lỹa ñegueuo da qainoxoneua'a Ñim Ita'a, Nachaqaỹemta.

Isaías 55:4

Aỹem sanem somaye da yaqto' aỹem ỹa'axat da da'aqtaxanem nam ỹotta'a't shiỹaxauapi, qataq nataxala' qataq ỹapaxaguen na ỹotta'a't shiỹaxauapi.

Juan 7:17

Da huo'o ca nshetaique da ỹo'ot cam 'eetapeguec Ñim Lo'onatac 'Enauacna, nache camaye ishet da ỹaỹateeta da naua ỹapaxaguenataxanaxaco chegoqtoto Ñim Lo'onatac 'Enauacna, huo'otaq da choche maiche Aỹem chegoqtoto.

1 Pedro 1:22

Nagui qami' qaualaqaiguet dam 'eesa la'aqtaxanaxac Ñim Lo'onatac 'Enauacna: nache Ñimaye iỹouec 'enauac na qarasouaxashechi: da yaqto' ñi 'oonolec da qoñiita ỹataqta 'eesa da ỹauotec ca lqaỹa. Qaq ỹoqo'oye ñi 'oonolec da qoñiita ỹataqta imauec naqa'en da lquiyaqteỹaxac qataq da la'añaxac da ỹauotec ca lqaỹa.

1 Timoteo 6:13

Qaq nagui qomi' ỹauaachiguilo Ñim Lo'onatac 'Enauacna nataqa'en So Jesucristo maye saishet da datenataxan co'ollaxa datato'ot so nta'a Poncio Pilato.

Lucas 23:3

Nache so Pilato inat Somaye, 'eeta': –¿Ỹoqta 'eesa peta'a da 'am lta'a na judiopi? Nache So Jesús 'enapeco': –Aja', nachera dam qonapec.

Marcos 15:2

Nache so Pilato inattac So Jesús, 'eeta': –¿Ỹataqta 'eesa peta'a da 'am lta'a na judiopi? Nache So Jesús 'enapeco': –Aja', nachera dam qonapec.

1 Juan 5:20

Nataqa'en saỹatenaq da So Llalec Ñim Lo'onatac 'Enauacna, Somaye anac da qomi' ỹanema da qaraỹaanec da yaqto' sauattonaqta Ñim Lo'onatac 'Enauacna maye 'eesa. Qataq ña'araqtaua'a som Llalec Jesucristo; Somaye nacheso som ỹataqta 'eesa Lo'onatac 'Enauacna maye chegoqo'ot da nca'alaxa chochaq tatec.

Juan 3:32

qataq ỹa'axat nam maiche ỹauaachigui qataq hua'aqchigui. Qalaxaye saishet da huo'o ca ỹa'amaqten cam 'enapec camaye.

Mateo 26:64

Nache So Jesús 'enapeco': –Aja', nachera dam 'anasaxauec. Ñaq 'ana'axaỹaxana dam ỹa'aqtac nagui. Da mashe saqaỹapeque ca na'a'q da qami' Aỹem qauloỹa'aguet Aỹem Shiỹaxaua Llalec da sootalec ca lo'oc na piguem da ñanactaigui da na'añaxac qataq da namaxasoxonaxac maye Aỹem ỹami' Ñim Lo'onatac 'Enauacna maye qaica ca ỹaqalanapec.

Mateo 27:11

So Jesús co'ollaq mashe datato'ot so Pilato, nache so Pilato inat Somaye, 'eeta': –¿Ỹoqta 'eesa peta'a da 'am lta'a na judiopi? Nache So Jesús 'enapeco': –Aja', nachera dam qonapec.

Apocalipsis 3:14

'Auauo'o nataqa'en aca 'ere, ime nache 'auamaxa ñi namaxashec maye ilotague' nam ỹa'amaqten So Jesús maye netaña ye nỹecpi ye Laodicea. Qoneta': ¡Aỹem maye ỹe'enaxat da 'Eesa! Qaq ỹe'enaxat de'era, cha'aye sapaxaguenataxaateguec da 'eesa na'aqtaguec Ñim Lo'onatac 'Enauacna, qaq saishet da satenataxaatac. Qataq chegoqchigui Aỹem da Ñim Lo'onatacna ỹo'ot 'enauacna. Ñaq 'ana'axaỹaxana dam 'am sa'axatem:

Apocalipsis 1:4

Aỹem Juan, samaxa ana ỹere qataq sequiita'ape naua siete 'aleu' maye netaleguete na ỹa'amaqten so Jesús maye netaigui ye 'alhua Asia. Ñim Lo'onatac 'Enauacna, Ñim nache 'eetai' da huo'o, qataq Ñim do'onataxaatac nagui, qataq naỹa'acna. Aỹem ỹataqta huo'o da iyaxa da Ñim Lo'onatac 'Enauacna qataq So Jesucristo qataq soua siete na'añaxaco saqcha'alo maye nachattraua'a añi nso'onaxaqui Ñimaye, da qami' ỹauoteque qataq qami' ỹanema ca qarlagaxayiqui. Sa'amaqtenaq da So Jesucristo qomi' ỹauoteque qataq qomi' da'aqtaxanema da 'eesa na'aqtaguec Ñim Lo'onatac 'Enauacna. So Jesucristo nacheso so la'auaxanec da nca'aleeguesop da nleuaxa, qataq nacheso so ilotague' 'enauac nam nta'alpi maye ilotague' nam 'alhuapi. Qataq chegoqchigui da l-leuaxa So Jesucristo da Ñim Lo'onatac 'Enauacna ỹapalaxat na qarasouaxashetpi.

1 Juan 3:14

Cha'aye de'era nsoxoyec maye qomi' hueto'oto ỹachaxan da mashe saishet da qomi' leuaxaiqa, nachaqrata da nagui ñeca'alaqtauec. Qalaxaye ñi 'oonolec da qoñiita da saishet da ỹauotec ca lỹa, nache damaye naigui da ñaq qoviitaigui da la'añaxac da nleuaxa.

Lucas 22:70

Ime, nache 'enauac qaimalec da qainattac, qoỹeeta': –¿Nache'am, peta'a 'am Llalec Ñim Lo'onatac 'Enauacna? Nache So Jesús 'enapeco': –Aja', Nachaỹem, nachera dam qoñiỹapec.

Marcos 14:62

Nache So Jesús ỹasateguet somaye 'enapeco': –Aja', Nachaỹem. Qaq qami' qauloỹa'aguet qome Aỹem Shiỹaxaua Llalec, da ñanac da sootalec ca lo'oc na piguem, ñanactaigui da la'añaxac qataq da 'enec Ñim Lo'onatac 'Enauacna maye qaica ca ỹaqalanapec.

Juan 1:14

Qaq se'eso Na'aqtac qomi' hueta'agueta, 'eeta'am ca 'oonolec da shenaqta. Qataq qomi' sauanaqchigui da la'añaxac maye maiche lalamaxat som 'oonolec Llalec Ñim Lo'onatac 'Enauacna, cha'aye qomi' ỹachaxanalo 'enauac da lsoxoyec qataq da 'eesa lataxac.

Juan 1:17

Na namaxasoxonaxacpi co'ollaq ỹan Ñim Lo'onatac 'Enauacna, qalaq chegoqchigui naqa'en so Moisés, qalaxaye dam lqouagaxanaqtaic qataq dam 'eesa lataxac, damaye chegoqchigui So Jesucristo.

Juan 8:45

Qaq ỹoqo'oye, qami' saishet da qaua'amaqchiñi da Aỹem sa'axattac dam 'eesa lataxac.

Juan 8:46

¿Negue't ca 'oonolec da qoñiita da ishet da ỹa'axat da huo'otaq huo'o ca ỹasouaxashet? Cha'aye da huo'otaq sa'axattac dam 'eesa lataxac, qalaq ¿ta'ainco' ye saishet da Aỹem qaua'amaqchiñi?

1 Juan 2:21

Qaq ỹoqo'oye qami' samaxalo ana ỹere, cha'aye saỹaten da qami' qauauattoñi da 'eesa lataxac, qataq qauaỹachiñi da ca ỹauatton damaye, nache camaye saishet da datenataxan.