Juan 18:33 - La'aqtaqa Ñim Lo'onatac 'Enauacna 2013

³³ Nache so Pilato qaltaq ỹe'eguelaxaigui aso lo'onataxanaxaqui, nache iỹaxaneuga So Jesús, nache inattac, 'eeta': –¿Peta'a nache 'am Lta'a na judiopi?

Nuevo Testamento Toba Sur

³³ Nachi so Pilato qaltaq ÿi'iguelaxaigui so lma', nachi iÿaxaneuga so Jesús, nachi inattac, 'eeta': –¿Peta'a nachi'am lta'a na judiopi?

Nuevo Testamento Toba Sombrero Negro

³³ Qama'le Pilato yitaĝa yenoĝoneuo taue ga'me lejaliaĝaiqui qama'le yiyaĝana joñe'me Jesús qaedi yenat: —¿Qo'li naqa'am jo'ne am lejaliaĝane'j joga'me judiopi?

Juan 18:33 Referans Kwoze

Juan 19:12

Huaña, nache so Pilato nmittaique ca lataxac, da yaqto' ishet da isouec So Jesús, qalaxaye na judiopi ỹataqta ỹa'alaqtagui, 'eeta': –¡Da 'am 'ausouec damaye, nache saishet qone' da 'anauochaxaua ñim lta'a na nta'alpi maye neta'ague da Roma! ¡Cha'aye camachaqca ca huotaique da maiche ỹoiqueetac ca ỹo'ot da 'eetega da nta'a, nache camaye npa'aguenaxaua ñim lta'a na nta'alpi!

Juan 19:3

Qaq co'ollaq ime, nache qanquigueua'a Somaye, nache qoỹeetega, qoỹeeta': –¡La', 'am maye 'am Lta'a na judiopi! Nache qaiuaxaatapigui na lashec.

Juan 18:37

Nache so Pilato 'enapego' Somaye, 'eeta': –¿Qache ỹoqta 'eesa da 'am nta'a? Nache So Jesús 'enapeco': –Aja', Aỹem nta'a, nachera dam qonapec. Aỹem sañiguiñi da ñanaỹa ana 'alhua, da yaqto' sa'axat cam 'eesa. Qaq 'enauac nam ỹalaxalec dam 'eesa, namayepi na'axaỹaxana dam ỹa'aqtaxanaxac.

Juan 12:13

Nache so shiỹaxauapi, iquesoq ana laue ana chaic, nache qata'aguet So Jesús. Nache ỹa'alaqtalec, 'eeta': –¡Sho'oxorenaq Ñim Lo'onatac 'Enauacna! ¡Ỹataqta ỹo'oxoraq da llecỹaxac, nam nactaigui da lamaxasoxonaxac Ñim Nataxala'! ¡Ỹataqta ỹo'oxoraq da llecỹaxac nam Lta'a na Israel le'ecpi!

Marcos 15:2

Nache so Pilato inattac So Jesús, 'eeta': –¿Ỹataqta 'eesa peta'a da 'am lta'a na judiopi? Nache So Jesús 'enapeco': –Aja', nachera dam qonapec.

Mateo 27:11

So Jesús co'ollaq mashe datato'ot so Pilato, nache so Pilato inat Somaye, 'eeta': –¿Ỹoqta 'eesa peta'a da 'am lta'a na judiopi? Nache So Jesús 'enapeco': –Aja', nachera dam qonapec.

Zacarías 9:9

¡Ñaq 'antonapigui' qome, 'am nỹecpi maye qonetalec ana qasoxonaxa Sión! ¡'Auo'onaxaatac souaxat da 'antonaxac 'am Jerusalén! Mashe 'am nata'a na 'arta'a, maye no'on da lataxac, qataq deca'alaqtaxan, namaye qaica ca la'amaqchec, netalec na 'ashena llalec.

1 Timoteo 6:13

Qaq nagui qomi' ỹauaachiguilo Ñim Lo'onatac 'Enauacna nataqa'en So Jesucristo maye saishet da datenataxan co'ollaxa datato'ot so nta'a Poncio Pilato.

Juan 19:9

Nache qaltaq taigui aso lo'onataxanaxaqui, nache qaltaq inattac So Jesús, 'eeta': –¿Chaq hua'ague ca ỹoqta 'auachegoqta'ague? Qalaxaye So Jesús saishet da ỹasat.

Juan 12:15

Saishet da qayi'i, qami' maye qoñiitaigui na nỹecpi na Jerusalén; ña 'aulo'oguet na 'Arta'a, 'ena cha'aguet, netalec na 'ashena.

Juan 1:49

Nache so Natanael 'enapeco': –'Am Napaxaguenataxanaq, nache 'am Llalec Ñim Lo'onatac 'Enauacna, qataq nache 'am Lta'a na Israel le'ecpi.

Sofonías 3:15

Cha'aye Ñim Nataxala' mashe ỹa'axaneguet da 'am nmittac, qataq mashe ỹo'orauec so 'ampa'aguenaxauapi. Ñim Nataxala', maye Nta'a na Israel, Ñimaye qami' netanguilo: qaq ỹoqo'oye saishet qome da 'añe'etaique ca camachaqca qauem.

Jeremías 23:5

Ñim Nataxala', 'enapec: «Anacte' caua na'axa'te maye huaiguilo qome da sauo'o ca nta'a maye chegoxoguet so David, cam nta'a maye no'on da lataxac, qataq camaye do'onataxana qome da nalochiguiñi qataq da no'on lataxac, da hueta'a ne'ena 'alhua.

Mateo 27:27

Ime, nache so nalleppi se'eso Pilato ỹauec So Jesús da ỹauega ca lma' lta'araic so nta'a. Huaña, nache qalapona't 'enauac so alleppi da yaqto' qaicoleesop Somaye.

Lucas 23:2

Huaña, nache somayepi ỹauo'o na ỹasaqteguelec da 'eetega lasouaxashet Somaye, 'eeta': –Qomi' selaqalec de'era ỹale da ỹataqta taỹa't naqa'en na qarhuo' le'ecpi. Qataq 'eetega da saishet da sesheetenaq ñi lta'a na nta'alpi maye netaña ye Roma, qataq 'eetega da nachera dam Lca'aguishec Ñim Lo'onatac 'Enauacna.

Juan 18:34

Nache So Jesús 'enapeco': –¿'Am peta'a maiche 'andotelec de'era 'annataxanaxac, qalqo' huo'o ca 'am ỹa'axatem da sheeta?

Juan 18:38

Nache so Pilato 'enapego' Somaye, 'eeta': –¿Chaq negue't cam 'eesa lataxac? Qaq co'ollaq imat da lnataxanaxac so Pilato, nache qaltaq pa'auec da da'aqtaxanem so judiopi, 'eeta': –Aỹem saishet da huo'o ca sanata lasouaxashet de'era ỹale.

Juan 19:4

Nache so Pilato qaltaq pa'auec, nache 'enapego' somayepi, 'eeta': –Ña qauloỹa, nagui damaye ñeqatec yaqto' ishet da qauaỹaañita da aỹem qaica ca sanata lasouaxashet damaye.