Juan 18:20 - La'aqtaqa Ñim Lo'onatac 'Enauacna 201320 Nache So Jesús 'enapeco': –Aỹem ỹataqta ñachaxaata naxa 'enauac nam shiỹaxauapi da setaqtac, qataq saq ỹet da huaigui ana napaxaguenaxaquipi na judiopi da sapaxaguenataxaatac qataq añim no'onaxanaxaqui late'erai maye huaña naxa da lapona't 'enauac na judiopi. Qaq Aỹem saishet da huo'o ca ỹa'aqtac soxottañi. Gade chapit laNuevo Testamento Toba Sur20 Nachi so Jesús 'enapeco': –Aÿim ÿataqta ñachaxaata naxa 'enauac nam shiÿaxauapi da setaqtac, qataq sa i'atai' da huaigui ana laponaxaquipi na judiopi da sapaxaguenataxaatac qataq añim n'onaxanaxaqui late'edai mayi huaña naxa da lapona't 'enauac na judiopi. Qaq aÿim sa ishit da huo'o ca i'aqtac soxottañi. Gade chapit laNuevo Testamento Toba Sombrero Negro20 Jesús 'yateguet joñe'me: —Jayem joote jojapegue'to ena'uac joga'me aleua laje'pi ja joĝochiñe da'me 'yaqatac, qama'le nach'e eta't da'me japaĝaguenataĝanouelo jogaa'me ademaĝaiqui' nataq'aen ga'me tamenaĝaiqui let'adaic, di'me jo'ne ua'ña nale yema'a't ena'uaque joga'me judiopi. Chane'eja qaya'te 'yaqatac ta'le joĝochiñe. Gade chapit la |
Nache So Jesús dataiguet so shiỹaxauapi nache, 'eeta': «¿Ta'ainco' qami' ye qauauoita'alo naua qa'ainaqalli' qataq naua qanpo'oñilli', da Aỹem qañe'egueñiỹauga, 'eeta'amo' da Aỹem laataxanaxaic? Qamaq 'enauaque naua na'axa'te qami', sapaxagueeta'ape da sootaigui añi no'onaxanaxaqui late'erai, qalaq saishet da Aỹem qauacoñiiua'a da Aỹem qaucoñiye.
So Jesús coleetapigui 'enauac nam nma'ate qataq nam nañalo nam saq 'amaqtaq shiỹaxauapi da dapaxaguenataxaatapoigui ana napaxaguenaxaquipi na judiopi, ỹa'axattac dam no'on na'axaỹaxac maye naigui da ilo'ogue 'enauacna Ñim Lo'onatac 'Enauacna, qataq natareetac 'enauac nam ỹotta'a't lalolaxa qataq da nqui'ic na shiỹaxauapi.
Aỹem saishet da ñeqañoxottañi co'ollaq setaqa, huo'otaq da sootaigui ca napalaxa ana 'alhua. Saishet co'ollaxa da shenapega nam chegoxoguetpi so Jacob, da sheeta': ‹Qanmiche cam qaica ca hueta'a da Aỹem qanmichiỹaique. Aỹem Nataxala', aỹem sa'axat cam 'eesa, qataq ñasaxauec cam ỹaỹamaqchiguiñi lataxac.›»
Qaq co'ollaq hua'aqchigui de'era So Jesús maye dapaxaguenataxaatapoigui aso no'onaxanaxaqui late'erai, nache ỹataqta na'axannec da la'aqtac, 'eeta': –Ỹataqta 'eesa da Aỹem sa qauauattoñi, qataq sa qauaỹaañi cam sachegoqta'ague. Aỹem saishet da maiche ñallegoxottela't da ñanac, cha'aye Aỹem lamaxashec Ñim ỹataqta 'eesa, Ñim qami' saishet da qauauattoñi.
Nache co'ollaq hua'aqchigui de'era som lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna, nache ncolaxata'aisalo soua alogo da la'anaxat da ỹataqta dalemata, nache 'enapeco': –¡De'era ỹale, damaye ỹataqta isheueetac Ñim Lo'onatac 'Enauacna! Mashe qaica ca lỹa shiỹaxaua da seuenaq da da'aqtaxan. Cha'aye damaye 'eetega da nachera dam Lo'onatac 'Enauacna.
Qaq 'iñi ñi nta'a Agripa qomi' ỹalectaiguilo, ñimaye ỹataqta ỹaỹateeta de'era. Qaq ỹoqo'oye aỹem saishet da ñeteltapiguiñi da aỹem hua'aqtega ñimaye da sa'aqtaxaatac, cha'aye saỹaten da ñimaye nataqa'en ỹaỹateeta 'enauac de'era. Cha'aye damaye saishet da huo'otaq ỹapogoñi ca lataxac; damaye ỹataqta ỹaatec.
da huo'o ca nvi' da qami' da'aqtaxanema, 'eeta': «Ña qauloỹa da Lca'aguishec Ñim Lo'onatac 'Enauacna, damaye netauga ye toolec 'alhua», qalaq saishet qome da qanqo'oñiuga. Huo'otaq da, 'eeta': «¡Ñi Lca'aguishec Ñim Lo'onatac 'Enauacna nqañoxottañi hueta'a ne'ena!», qalaq saishet qome da qaua'amaqchiñi.