Juan 18:11 - La'aqtaqa Ñim Lo'onatac 'Enauacna 2013

¹¹ Qalaxaye So Jesús 'enapego' so Pedro, 'eeta': –'Avi'eguelaxaañi na 'ainec, 'anshiiñi. Ñim Ita'a da Aỹem ipagaqaana'aguet da ñeque'eenaxac maye 'eeta'am da qanỹomigui ca deshenataxan, qaq ¿peta'a saisheto' da saigui damaxa?

Nuevo Testamento Toba Sur

¹¹ Qalaxayi so Jesús 'enapego' so Pedro, 'eeta': –'Avi'iguelaxajñi na 'ainec, 'anshijñi. Ñi ita'a, da aÿim ipagaqna'aguet da ñique'ejnaxac mayi 'eeta'am da qanÿomgui ca deshinataxan, qaq ¿peta'a sa ishito' da saigui damaxa?

Nuevo Testamento Toba Sombrero Negro

¹¹ Qama'le Jesús enapega ñe'me Pedro: —A'viyelaĝatoue ga'me lae't na'me adedaĝanaĝat. Qom ñe'me Taĝadena' jayem niyomaĝañegue jenjo' jo'ne qaya'te lamaic chem, qama'le yataqata ñiyomigui jaĝa'te.

Juan 18:11 Referans Kwoze

Mateo 26:39

Nache So Jesús taỹa ca qaỹata'a soomaye, nache ỹa'alyiñi naua l-llectel qataq iviraxata'aguet na latap na 'alhua, nache nqouagaxaunot Ñim Lo'onatac 'Enauacna, 'eeta': «'Am Ita'a, ¡ỹataqta huo'o da iyaxa da Aỹem 'antelaqna'aguet de'era que'eenaxac! Qalaxaye saishet da ipacchigui qome da maiche sheetapeguec, nachaqrata dam maiche qonetapeguec.»

Mateo 20:22

Nache So Jesús 'enapeco': –Qami' saishet da qauaỹaañi dam qauỹaxañiitapegueua'a. ¿Qami' lhuotte' peta'a da qanque'etaxañiigui na qauemsat maye Aỹem talec qome? Nache soomaye 'ena'apo': –Aja', seshetaq.

Juan 20:17

Nache So Jesús 'enapego' asomaye, 'eeta': –Aỹem 'axanec, cha'aye Aỹem saxanaxa da saigue da neta'ague Ñim Ita'a. Qalaxaye 'am qome qojec, nache 'aua'aqtaxanema caua ỹapaxaguenataqa da Aỹem saigue da neta'ague Ñimaye, Ñim nataqa'en Qarta'ai. Ñimaye Ỹataxala', qataq nataqa'en Qarataxala'ai.

Juan 15:10

Qataq da qaualaqaiguet 'enauac na ỹamaxasoxonaxacpi; nache, Aỹem nache 'eetai' da qami' sauoteque, 'eeta'am Ñim Ita'a da Aỹem ỹauotec, cha'aye Aỹem ỹataqta salaxaguet.

Hebreos 12:2

Qaq ỹataqta seloqchigui So Jesús, cha'aye nacheso so chegoqo'ot da qanaquitaxac, qataq nacheso som ỹo'ot da nquictasheguem da qarpi'iỹaxac. So Jesús ỹataqta na'añaxateguet da ne'enaguec co'ollaq qaiuaxaneguet so npe'enaxaqui, cha'aye ỹaỹaten da inoxonaqchetec da lta'araic nque'eenaxac, nache ỹaconeguet da lta'araic lamaicỹaxac. Qaq nagui Ñimaye mashe nso'ootañi, netaua'a na aloic añi nso'onaxaqui Ñim Lo'onatac 'Enauacna.

2 Corintios 10:4

Cha'aye dam qaro'ogoxonaxat da huo'otaq seloquiaq, saishet da nachena na lo'ogoxonaxat nam shiỹaxauapi maye huetalec ana 'alhua. Cha'aye damaye nachera da la'añaxac Ñim Lo'onatac 'Enauacna, da yaqto' ishet da selaxataxagui nam ñe'eguenaxaquipi, nataqa'en nam mpa'aguenataxanaxacpi,

Lucas 22:42

Nache, 'eeta': –'Am Ita'a, da 'aushet, qaq no'on da saishet da Aỹem 'apagaqna'aguet de'era que'eenaxac. Qalaxaye saishet qome da 'auo'ot ca maiche sheetapeguec, nachaqcata ca maiche qonetapeguec.

Mateo 26:42

Nache So Jesús qaltaq ỹe'eguelaq da qaltaq nqouagaxauen nache, 'eeta': –'Am Ita'a, da sepaca'aguet de'era ñeque'eenaxac, nache Aỹem ỹataqta Aỹem lhuotta da 'am salaxaguet.

2 Corintios 6:7

qataq so'ogoxonaxa da la'añaxac Ñim Lo'onatac 'Enauacna da sa'axataqtac da na'aqtaxanaxac maye ỹataqta 'eesa. Qaq da huo'o na seviraxaguet qarqalaic, nache sataỹaqa'aguet, seroxogueta naua ỹaỹamaqchiyiñi so'ota'q qataq naua ỹaỹamaqchiyiñi qartaxaỹaxaco.

Juan 18:36

Nache So Jesús 'enapeco': –Da ỹo'onataxanaxac da Aỹem nta'a, damaye saishet da lma' ana 'alhua. Cha'aye da nache 'eetec taxa de'era, nache nam ca'attague'pi Aỹem sogotectaxa da deloqui, da yaqto' saishet da Aỹem qoỹaneua'a na judiopi. Qalaxaye da ỹo'onataxanaxac da Aỹem nta'a, damaye saishet da lma' ana 'alhua.

Juan 17:24

'Am Ita'a, naua Aỹem ca'attegueto naamaye Aỹem 'aỹa'anema, qaq ỹoqo'oye ñeshetaique da naamaye Aỹem hueta'agueta cam soota'a, yaqto' ỹauaachigui cam na'añaxac maye Aỹem 'aỹa'anem. Cha'aye nale'ena co'ollaxa da ỹataqta Aỹem 'auauotec co'ollaq saxanaqaca ana 'alhua.

Lucas 12:30

Cha'aye nachaqnata nam saishet da ỹauatton Ñim Lo'onatac 'Enauacna maye huo'o da lachetataic souaxat de'era. Qalaxaye Ñim Lo'onatac 'Enauacna maye Qarta'ai, ỹaỹaten 'enauac namayepi da qaviñiitac.

Ezequiel 23:31

Qataq qoquetegue da lataxac aso 'arqaỹa Aholá, qaq ỹoqo'oye 'am sanem qome da 'anỹomgui aso ỹomaxaqui maye ñeỹomaxangui co'ollaxa asomaye.

Salmos 75:8

Ñim Nataxala' nasoqta'a aso ỹomaxaqui, huetagui na lataxa maye ỹotta'a't na lalegue qaq Ñimaye qom icorec somaye, nache 'enauac na qauemaicpi maye huetalec ana 'alhua, nỹomigui qome nache ivitta'a da ỹauta.

2 Samuel 16:10

Qalaxaye so nta'a 'enapeco': Qami' maye qami' llalqa aso Seruyá, saishet qome da qa'aitapegueua'a de'era, cha'aye da aỹem isheueetac damaye, qaq souaxai' nacheñi Ñim Nataxala' da ỹamaxalec. Qaq ỹoqo'oye da nache 'eetec de'era, nache ¿negue'tom ca ishet da inat Ñimaye da ta'ainco' da ỹo'ot de'era?