Juan 17:21 - La'aqtaqa Ñim Lo'onatac 'Enauacna 2013

²¹ Qataq 'am seỹaxanot, 'am Ita'a, da yaqto' naamaye ỹataqta na'atta'a't, 'eeta'am da 'eetec 'am qataq Aỹem da ña'araqta'a't, nataqa'en naamaye qomi' na'attaua'alo. Yaqto' nam shiỹaxauapi maye huetalec ana 'alhua ỹa'amaqten da Aỹem 'aramaxashec.

Nuevo Testamento Toba Sur

²¹ Qataq 'am seÿaxanot, 'am ita'a, da yaqto' 'enauac namayipi ÿataqta n'atta't, da ÿataqta 'oonolec ca lataxac da qomi' n'attau'alo, yaqto' ishit da 'eeta'am da 'am aÿim qoueta'aguet, qataq aÿim 'am soota'aguet. Qataq ñishitaique da namayipi ÿataqta n'atta't, yaqto' nam huetalec ana 'alhua ishit da i'amaqten da aÿim 'adamaxashic.

Nuevo Testamento Toba Sombrero Negro

²¹ Am ñachoĝodenot qaedi yemeda naa'me naajo' da'me nach'e eta't nalo'ta't; qama'le ena'am da'me am Taĝadena' jayem oue'tajop qama'le da'me jayem nach'e ena'am am jone'tajop, nataq'aen naa'me naajo' qo'mi ue'tajopa, qaedi joga'me aleua laje'pi ja yoqolegue't da'me naqa'am jo'ne jayem anamaĝaquena.

Juan 17:21 Referans Kwoze

1 Corintios 12:12

Na ỹa'amaqteetac So Cristo, 'eeta'am da lo'ocỹaxac ca 'oonolec shiỹaxaua. Qalota na na'attaua'a logoxoshetpi, qalaxaye 'oonolec da lo'ocỹaxac.

Juan 17:11

Qaq Aỹem mashe yaqta'a da saishet da soota'a ana 'alhua, cha'aye Aỹem saỹa cam qoueta'a. Qalaxaye naamaye ñaq huetralec ana 'alhua. Qaq ỹoqo'oye 'am seỹaxanot da 'antela'alo, qataq 'anema da 'ara'añaxac dam Aỹem 'aỹa'anem co'ollaxa, da yaqto' naamaye nache 'eetai' da na'atta'a't, 'eeta'am da 'eetec 'Am qataq Aỹem.

Filipenses 1:27

Qaq nachaqrato' da qanpogoxoiñiỹapegue' da yaqto' da qarataxaqui nateeteguet da lapaxaguenataxanaxac So Cristo. Qaq yaqto' qom qami' sevitalo, huo'otaq da saishet, qalaxaye ñaqaiyeta ñeshetaique da aỹem nvira'a qome ca ỹa'axaỹaxac da qoñiita da saishet da qanañaxañiiñi, qataq da qanhuooñeta't, qataq da qanaỹaañeta't da qauloquiitapeguelec da qaua'axacheetac da no'on na'axaỹaxac.

Juan 13:35

Qaq ñi 'oonolec da qoñiita ỹataqta ỹauotec ca lỹa, nache 'enauac na huetalec ana 'alhua ỹaỹaten da ỹataqta 'eesa da qami' ỹapaxaguenataqa.

Hechos 4:32

'Enauac so shiỹaxauapi maye ỹa'amaqten So Jesús, somayepi ỹataqta 'enauac da 'oonolec da qananomteguet nhuennataxac. Qaica da huo'otaq huo'o ca 'eetega da maiche lalamaxat cam hueto'ot.

Zacarías 14:9

Qaq que'eca na'a'q, Ñim Nataxala', ilo'ogue qome 'enauac ana 'alhua. Ñim Nataxala' Nacheñita qome 'oonolec, qataq 'oonolec da le'enaxat.

Juan 17:8

cha'aye mashe sanema dam 'ara'aqtac maye Aỹem 'aỹa'anem. Qaq naamaye ỹaconegueta, qataq ỹaỹateeta da ỹoqta 'eesa da 'am sachegoqtot, qataq ỹa'amaqte'n da Aỹem 'aramaxashec.

Juan 10:38

Qalaxaye da huo'otaq so'ottac damaye, nache na'aictaxa da Aỹem sa qaua'amaqchiñi, qalaxaye qaua'amaqchiñi nam so'otpi, yaqto' ishet da imauec da qauaỹaañi da Ñim Ita'a qataq Aỹem 'oonolec da qarataxac.

Juan 10:30

Aỹem, qataq Ñim Ita'a, 'oonolec da qarataxac.

Gálatas 3:28

Qaq ỹoqo'oye nagui saishet da huo'o ca ỹectega da judío le'ec huo'otaq saishet, huo'otaq ca nlatac, huo'otaq ca huesochiguiñi, huo'otaq da ỹale, huo'otaq aca 'alo. Cha'aye da mashe qana'ayeetaua'a So Jesucristo, nache 'enauac da qoñiita'a't.

1 Corintios 1:10

Qami' ỹaqaỹañicpi, qami' seroleguete da le'enaxat So Qarataxala' Jesucristo da qami' ñachoxoreetoiguilo da ỹataqta qanaỹaañeta't. Saishet da qaucolaqaitagui. Nachaqrata da qaica ca ỹaqpegueuga, 'oonolec ca qarhuennataqai qataq ca qoñiitapeguec.

Romanos 12:5

Qaq shenaqta'am qomi' maye sa'amaqtenaqtac So Cristo, nache qomi' qalotoiguilo, qataq ña'araqtaua'a da lo'ocỹaxac So Cristo, qalaxaye ñi 'oonolec huo'o da maiche lo'onataxanaxac.

Jeremías 32:39

Qataq sanem da 'oonolec da lhuennataxac qataq 'oonolec da llecỹaxac da yaqto' tatec da huo'o naq 'enec naqa'en Aỹem, qaq damaye maiche laỹamaxa namayepi qataq cam chegoxoguetpi.

1 Juan 5:7

Tres naua hueto'oto na piguem maye ỹa'axa't de'era: [Ñi Qarta'a qataq som le'enaxat Na'aqtac qataq so Saqcha'a Na'añaxac Qui'itta, qaq ne'enaua tres 'eeta'am da 'oonolec.

Hechos 2:46

Nache 'enauaque naua na'axa'te lapootega't, qanayeeta'a aso no'onaxanaxaqui late'erai, qataq da qanayeetaugalo naua nma'ate da nquia'axauapi, ỹataqta machiguiñi qataq qaica ca na'amqaanaxac.

Juan 17:25

'Am Ita'a, 'am ỹataqta no'on da 'arataxac, qalaxaye nam huetalec ana 'alhua saishet da ỹauatto'n naua ỹaỹamaqchiyiñi 'auo'o't. Aỹem qalaxaye 'am sauatton, qaq naua Aỹem 'anema mashe sogote da ỹaỹate'n da Aỹem 'aramaxashec.

Juan 10:16

Nataqa'en huo'o anam ilopi qaguetapi maye saxanaxa da ỹalectaigui anam netaigui ana'ana laỹe', anamayepi iuen nataqa'en da ñauegueuo. Qaq anamayepi qome ỹataqta Aỹem ỹalaxaguet. Huaña, nache ishet da 'oonolec ca laponqa'. Ime, nache Aỹem 'oonolec da seuattague'.

Sofonías 3:9

«Qaq qom ivita que'eca na'a'q, nache sequi'itaxa't naua la'aqtaqa nam nhuo' le'ecpi, yaqto' 'enauac namayepi da Aỹem ỹo'oxoren qome, qataq 'oonolec ca lhuennataxac da Aỹem do'onataxanot.

Juan 17:3

Qaq de'era achaalataxac maye chochaq tatec, damaye nachera da naigui da 'am qaỹauatton, 'am maye 'Aro'onatac 'Enauacna, maye nache'amta qataq 'am 'eesa, qataq nam 'Arca'aguishec maye 'anamaxa ana 'alhua co'ollaxa.

Juan 5:23

yaqto' 'enauac na shiỹaxauapi ishet da ỹo'oxoren na Llalec, 'eeta'am naqa'en da 'eetec da ỹo'oxoren Ñim Lta'a. Qaq cam saishet da ỹo'oxoren na Llalec, qaq camaye saishet nataqa'en da ỹo'oxoren Ñim Lta'a maye namaq Namaye.

Juan 3:17

Ñim Lo'onatac 'Enauacna saishet da namaxa na Llalec ana 'alhua, da yaqto' ỹauo'o ca nhuaxanaguec na shiỹaxauapi. Nachaqrata da nca'alaxatec, chegoqchigui Namaye.

Juan 17:18

Qaq de'era 'eetec da Aỹem 'anamaxa na huetalec ana 'alhua, qaq nachera da sheetec nataqa'en da Aỹem samaxa naamaye nam huetalec ana 'alhua.

Juan 11:42

Qaq Aỹem saỹaten da 'am, nache 'eetai' naxa da Aỹem 'aua'aqtega. Qalaxaye Aỹem shenapec de'era souaxat nam shiỹaxauapi maye hueta'a ne'ena, yaqto' namayepi ishet da ỹa'amaqten da 'eesa da Aỹem 'aramaxashec.

Juan 17:20

Qaq saishet da nachaqnauate' naamaye da ñachoxoreetapegueleguete, nataqa'en cam Aỹem ỹa'amaqtenpi qome, qom hua'axaỹa ca la'aqtaxanaxa'c naamaye.

1 Corintios 6:17

Qaq ca na'attaua'a So Qarataxala', nache ivira'a da 'eeta'am da 'oonolec, cha'aye na'attaua'a de'era 'oonolec no'ocỹaxac maye saqcha'a.

Marcos 3:24

Ca shiỹaxauapi maye hueta'a que'eca 'alhua da maiche deloguiỹa't, nache camayepi taỹa'a da nlaguiñi.

Juan 13:32

Qaq da ne'ena Shiỹaxaua Llalec da ỹachaxan da llo'oxoyec Ñim Lo'onatac 'Enauacna, nache Ñimaye nataqa'en ỹachaxan qome da llo'oxoyec namaye, qaq mashe saqaỹaloq da ỹachaxan damaye.