Juan 17:18 - La'aqtaqa Ñim Lo'onatac 'Enauacna 2013

¹⁸ Qaq de'era 'eetec da Aỹem 'anamaxa na huetalec ana 'alhua, qaq nachera da sheetec nataqa'en da Aỹem samaxa naamaye nam huetalec ana 'alhua.

Nuevo Testamento Toba Sur

¹⁸ Qaq de'eda 'eetec da aÿim 'anamaxa na huetalec ana 'alhua, qaq nachida da shiitec nataq'en da aÿim samaxa namayipi nam huetalec ana 'alhua.

Nuevo Testamento Toba Sombrero Negro

¹⁸ Qama'le ena'am da'me jayem anamaĝalo joga'me aleua laje'pi, nayi da'me jayem nach'e ena'am jayem jamaĝalo joga'me ch'e aleua laje'pi.

Juan 17:18 Referans Kwoze

Juan 20:21

Ime, nache So Jesús qaltaq ỹe'eguelaxalec da 'enapegalo soomaye, 'eeta': –Qami' huo'o da qarlagaxayiqui. Qaq de'era 'eetec co'ollaxa da Aỹem namaq Ñim Ita'a, qaq nachera qome da sheetec da qami' sama'q.

2 Corintios 5:20

Qaq ỹoqo'oye nache qomi' la'aqtaxanaxanaqa So Cristo, qaq chegoqchiguilo naqa'en qomi' Ñim Lo'onatac 'Enauacna da 'eeta'am da qami' ñachoxorenaqtoiguilo. Qaq chegoqchigui So Cristo da qami' ñachoxorenaqtoiguilo, shenaqta': qanmañi' qome Ñim Lo'onatac 'Enauacna.

Juan 17:3

Qaq de'era achaalataxac maye chochaq tatec, damaye nachera da naigui da 'am qaỹauatton, 'am maye 'Aro'onatac 'Enauacna, maye nache'amta qataq 'am 'eesa, qataq nam 'Arca'aguishec maye 'anamaxa ana 'alhua co'ollaxa.

Juan 4:38

Aỹem qami' sama'q, da yaqto' qanqache na ala na nañiguishec maye saishet co'ollaxa da qanque'etaxañi da qaỹa'añiitapiguiñi. Qaq ỹaqa'a co'ollaxa som do'onataxaatacpi, qaq qami' choche qauacoñiitelec dam lo'onataxanaxac somayepi co'ollaxa.

Mateo 10:5

So Jesús ỹama'q soua doce lapaxaguenataqa, qaq ỹanema da lqataxac, 'eeta': Saishet qome da qanqo'oñiỹalo na 'aleu' maye netaleguete nam saishet da judiopi. Nataqa'en saishet qome da qanqo'oñiiua'a nam nỹecpi maye huaigui ye 'alhua Samaria.

Efesios 3:7

Ñim Lo'onatac 'Enauacna ỹataqta aỹem ỹauotec, ỹoqo'oye ñetooteguec da lta'araic la'añaxac, cha'aye nachera da ỹachegoxotchigui da aỹem ipataxalec da sa'axatec da no'on na'axaỹaxac, na'aictaxa da saishet da saiguet damaye.

Juan 17:21

Qataq 'am seỹaxanot, 'am Ita'a, da yaqto' naamaye ỹataqta na'atta'a't, 'eeta'am da 'eetec 'am qataq Aỹem da ña'araqta'a't, nataqa'en naamaye qomi' na'attaua'alo. Yaqto' nam shiỹaxauapi maye huetalec ana 'alhua ỹa'amaqten da Aỹem 'aramaxashec.

Juan 17:8

cha'aye mashe sanema dam 'ara'aqtac maye Aỹem 'aỹa'anem. Qaq naamaye ỹaconegueta, qataq ỹaỹateeta da ỹoqta 'eesa da 'am sachegoqtot, qataq ỹa'amaqte'n da Aỹem 'aramaxashec.

Mateo 23:34

Aỹem samaq qome ca ỹa'aqtaxanaxanecpi qataq ca ỹaanaxanaxaicpi qataq ca napaxaguenataxanaqpi. Qalaxaye huo'o qome ca qaualauache camayepi qataq qauaxañiiguet ca npe'enaxaqui; qataq huo'o qome na qauaxañiitac da huaigui ana qanapaxaguenaxaqui, qataq huo'o qome ca laỹepi da qaviraxachiỹa'a na laỹepi nỹecpi da qaucañiitac.

Juan 17:25

'Am Ita'a, 'am ỹataqta no'on da 'arataxac, qalaxaye nam huetalec ana 'alhua saishet da ỹauatto'n naua ỹaỹamaqchiyiñi 'auo'o't. Aỹem qalaxaye 'am sauatton, qaq naua Aỹem 'anema mashe sogote da ỹaỹate'n da Aỹem 'aramaxashec.

Juan 3:17

Ñim Lo'onatac 'Enauacna saishet da namaxa na Llalec ana 'alhua, da yaqto' ỹauo'o ca nhuaxanaguec na shiỹaxauapi. Nachaqrata da nca'alaxatec, chegoqchigui Namaye.